سۇنغان كۆڭۈل (دوستۇمغا)

 زۆھرە

تونۇشمايتتۇق، دوستۇم بولدۇڭ،سىرداشتۇق،،
ھېكمەتلەردىن كۈي-سەتىرلەر تىزىشتۇق.
گاھى كۈلۈپ ،گاھى يىغلاپ ،ئەركىلەپ ،
ئارمانلارنى قەلىبلەرگە سىزىشتۇق .

بىلمىدىم ھىچ نىمە قىسمەت بولدىكىن ؟
قايسى شەيتان قارا قوللار  سۇندىكىن ؟
كۆپ ئۆتمىدى ،كەتتىڭ تىزلا قايرىلىپ ،
يۈرىكىڭگە نە خىياللار تولدىكىن ؟

كۆيگەن ئەمەس،ساڭا بەكمۇ كۆنگەنتىم،
چىن ساداقەت ۋە مېھىرلەر كۈتكەنتىم .
ئەپسۇس ئارمان كۆپۈك كەبى يوقالدى ،
ئاچچىق ھەسرەت -كۆز ياشلارنى يۈتكەنتىم .

كۆرەلمەيسەن ،يۈرەكلىرىم قان-زەرداپ،
كۈلۈپ يۈردۈم ئۆز-ئۆزۈمنى ھەم ئالداپ .
چۈشلىرىمدە شۇنچە مەغرۇر ياشايسەن ،
لىك ئويغانسام تەنھا ئۆزۈم كۆز ياشلاپ .

بولدى يىتەر!چۈشلىرىمدىن قايتىپ چىق!
سەن ئۈچۈنلا يۈرىۋەرمەي پەرىشان .
ئۆز ئۆزۈمنى سۆيۈپ ئۆتەي سەنسىزمۇ ،
ئازاپ ئىچرە بولۇپ قالماي بىزۇۋان .