يىگىت بولساڭ تۈزۈك  بول

ئىلدام

يىگىت بولساڭ تۈزۈك بول،

 قاشتىشىدەك سۈزۈك بول.

 بىر قاراپلا بىلۋالسۇن ،

مەسئۇلىيەتچان يىگىت بول.

 يىگىت بولساڭ تۈزۈك بول،

 مىشچان بولماي، ئىشچان بول.

 ناھەق ئىشلار ئالدىدا ،

 باتۇر-جەسۇر يىگىت بول.

يىگىت بولساڭ تۈزۈك بول،

 ئۆزىڭگە خاس خىسلەتلىك .

سۈر -ھەيۋىلىرىڭ يولۋاستەك،

 شىر كەبى باتۇر بول.

 يىگىت بولساڭ تۈزۇك بول ،

باشىقىلارغا ئىللىق بول .

سۆزلىرىڭ ھەم مۇلاھىم ،

 سۆزمەن چىچەن يىگىت بول،

 يىگىت بولساڭ تۈزۇك بول،

 پاكىز ،تىتىك،رەتلىك بول.

 شۆھرەتپەرەس بولمىغىن ئەسلا،

 نادانلىقتىن يىراق بول .

 يىگىت بولساڭ تۈزۈك بول ،

كۆزى ئۆتكۈر بۈركۈت بول.

 قىيىنچىلىققا باش ئەگمە ئەسلا ،

 ئىجتىھاتلىق يىگىت بول.

 2015-12-11 安