لىكىن سەن يوق
تۇرغۇن راخمان(كەمتەر)

بىلمىدىم ، تۇتۇلغانمۇ زۇۋانىڭ ، جىم-جىت ،
مۇڭلۇق ناخشاڭ ئاڭلاي دېگەن ، لىكىن سەن يوق ،
غېرىب بولدۇم دېرىزەڭ يانىدا بىردەم ،
ئەپسۇس ، سېغىزخان غاقىلداپ ، لىكىن سەن يوق .

ئۆتتى كۈن سۈكۈت  ئىچىدە ، يوققۇ تېۋىش ،
تالدى كۆزلىرىم تەلمۈرۈپ ، لىكىن سەن يوق ،
گەر بولسىمۇ باھار ، مۇزدەك يۈرەك ھەجەپ ،
قېينىدى ئازاپلار مېنى ، لىكىن سەن يوق .

ھەر چاغ سېنى قىلىمەن خىيال ، بىلمىدېڭ ،
كۈلكەڭ قېنى ، يۈردۈم غەمكىن ، لىكىن سەن يوق ،
يەنە سالساڭ دەردۇ ئازاپ ، چىداي قانداق ؟
كۆز يېشىم دەريا بولدىغۇ ، لىكىن سەن يوق .

دەرتلىرىم ۋولقان كەبى چىقسا ئېتىلىپ ،
لەھەڭلىرىم يۈتكەي مېنى ، لىكىن سەن يوق ،
ئاھۇزارىم يەتكەي ساڭا ، كەلگىن بىر رەت ،
بىل جېنىم ، كۈتتۈم بىر سېنى ، لىكىن سەن يوق .
 

مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589