ئىككى شېئىر [ئۇلانما كۆچۈرۈش]

ئىككى شېئىر

ئۈژمە پىشتى

ئاق ئۈژمە پىشتى،
قۇشلار كېلىشتى.
چوقۇلاپ شاختىن،
يەرگە تۆكۈشتى.

ئاق ئۈژمە پىشتى،
تۈۋىگە چۈشتى،
يېگەن بالىلار
پاھ-پاھ دېيىشتى.

ئاق ئۈژمە پىشتى،
قىزلار كېلىشتى،
ئېتەك-ياغلىقتا،
ئېلىپ كېتىشتى.

ئاق ئۈژمە پىشتى،
چوڭلار كېلىشتى.
ئىرغىتىپ ،يۇيۇپ،
تامشىپ يىيىشتى.

ئۈژمە تۈۋىدە،
خوشال كۈلۈشتى.
ياز نېئمىتىدىن،
ھوزۇر سۈرۈشتى...


(2013-يىلى 5-ئاينىڭ26-كۈنى)

ياز كەلدى

دىلنى يايرىتىپ،
ئىللىق ياز كەلدى.
ئېرىق-ئۆستەڭدە،
قاتار غاز كەلدى.

ئۆردەك- غاز بولۇپ،
قاتار ئېقىشىپ.
ئوينىدۇق خوشال،
سۇلار چېچىشىپ.

شوخلۇق قىلىشىپ،
كۆتۈردۇق غەۋغا.
قىرغاققا چىقىپ،
كۆمۈلدۇق قۇمغا...

ئەجەپ بەك راھەت،
يۇرتنىڭ ھاۋاسى.
سالقىن باغلاردا،
قۇشلار ناۋاسى.

شەھەرلىك دوستلار،
كەلگىن يۇرتۇمغا.
قىلىمەن مېھمان ،
باشلاپ بېغىمغا...

(2013-يىلى7-ئاينىڭ12-كۈنى)

مەنبە: ئىجادىيىتىم.

بۇ يازمىنى ئاخىرىدا   م.توختى سەببەت تەھرىرلىگەن. ۋاقتى  2013-7-22 20:07  

بۇ شېئرنى ئوقۇغان كىشى  بالىلىقنى ئەسكە ئالماي تۇرلمايدۇ.بالىلار ئۈچۈن كاتتا سوۋغا بوپتۇ.. ياخشى ئەسەرلىرىڭىزنى مۇنبەردىن ئۈزۈپ قويماڭ..

بۇ شېئرنى ئوقۇغان كىشى  بالىلىقنى ئەسكە ئالماي تۇرلمايدۇ.بالىلار ئۈچۈن كاتتا سوۋغا بوپتۇ.. ياخشى ئەسەرلىرىڭىزنى مۇنبەردىن ئۈزۈپ قويماڭ..

پاھ-پاھ دېيىشتى.

بۇ يەردىكى« پاھ-پاھ» تىرناققا ئىلنامدۇ ياكى شئېرلاردا بۇنداق ئەمەسمۇ؟

بۇ يازمىنى ئاخىرىدا   ئارتۇچ تەھرىرلىگەن. ۋاقتى  2013-7-22 22:51  

ياقتۇرغىنىڭزغا رەھمەت..

كىرىشتۈرگەن ناخشىڭىزغا رھمەت...

شېئىرنى ئوقۇپ مېنىڭمۇ بالىلىق چاغلىرىمدا يۇرتقا بېرىپ ئاق ئۈجمە تېرىپ يىگەن چاغلىرىم ئېسىمگە كېلىپ قالدى.
قەلەملىرىڭىز ھارمىغاي.

بالىلار ئەدەبىياتىغا كۆڭۈل بۆلۈش ھەربىر ئەدىبنىڭ بۇرچى! ساغلام بولغان بالىلار ئەدەبىياتى كەلگسىنىڭ ئۆمۈدى بولغان پەرزەنىتلىرىمىزگە روھى ئوزۇق بىرىدۇ! ئىجادىيەتلەر بەرىكەتلىك بولغاي!

مەتتوختى بۇرادەر، شېئىر بالىلار تىلىدا يەڭگىل يېزىلغان بولسىمۇ، بايان تۈسى كۈچلۈك. تەسەۋۇرغا تۇيۇنغان مىسرا كام. شۇڭا خەۋەردەك تۇيغۇ بىرىپ كويىدىكەن. بۇ خۇددى

ئون ئىككىنجى قۇرۇلتاي،
دەل ۋاقتىدا ئېچىلدى.
پارتىيىنىڭ نۇرلىرى،
ھەر تەرەپكە چېچىلدى.

دېگەندەك. ئۇنىڭ ئورنىغا

ھويلاڭدىكى ئۈژمەڭگە،
كاككۇك قونسا سايرايدۇ.
ساڭا كۆيگەن يۈرەككە،
چۆگۈن قويسا قاينايدۇ.

دېگەندەك مىسرا ئالماشسا دېگەن ئۈمىتىمەن.

دېمەكچىمەن، سىزنىڭ قەلەم قۇۋىتىڭىز كۈچلۈك. شۇڭا شېئىرلىرىڭىزغا بالىلارچە تەسەۋۇرنى سىڭدۈرۋەتسىڭىز تېخىمۇ ياخشى بولامدىكىن دەپ، ئاتىكاچىلىق قىلىپ قويدۇم. سىزنى قۇرۇقتىن-قۇرۇق ماختىيالمىغىنىمغا خىجىلمەن.

مېنىڭ يازمىلىرىمنى بۇ مۇنبەرگە يوللىشىمدىكى مەقسىتىممۇ، دەل سىز ئېيتقاندەك،نۇقسانلىرىنى كۆرسىتىشكە مۇھتاج بولغانلىقىمدىن....
ئەستايىدىل ئىنكاس-مانا مۇشۇنداق بولىدۇ. مەن چوقۇم دىققەت بىلەن، قايتا ئىشلەي....
رەھمەت سىلىگە قۇتيار ئەپەندىم

ياخشى چىقىپتۇ

سىزنىڭ بالىلار شېئىرلىرىڭىزدىكى شېرىي شەكىل، تىل، قۇرۇلما، ئىپادىلەش...قاتارلىقلار خۇددى ساغىرىپ پىشقان ناندەك ۋايىغا يەتكەن. شېئىرىي مىسرالاردا شېئىرىي مۇھىت يارتىش ئۈچۈن، تەسەۋۇرغا، بەدىئىي تىلغا يەنىمۇ كۈچەپ باقسىڭىز، سىزدىن بەك ياخشى شېئىرلارنىڭ چىقىدىغىنىغا مەن ئىشىنىمەن.(گەرچە بۇ تەلەپنى ئۆزەممۇ ئورۇندىيالمىساممۇ، كۆرگەندىكىن دەپ قويغۇم كەلدى)

ياخشى تىلىكىڭىزگە، مەندىن كۈتكەن ئۈمىدىڭىزگە ئورتاقلىشالارمەنمۇ دەپ ئويلاپ قالدىم!.
...........
تىلەكلەر قۇتلۇق بولغان يەردە ئۈمىد نۇرى چوقۇم يالتىرايدۇ!