ئابدۇمىجىت قاھىر مۇڭلان نەسىرىدىن :ئەسلەش(ئاۋازلىق) [ئۇلانما كۆچۈرۈش]

ئەسلەش

(نەسىر)

ئۇ ھەممىنى ئۇنتۇدى….
سۆيگۈنىڭ گىرۋەكلىرىگە ئەگەشكەن بۇژغۇن كەبى ئاجىز ئېقىنلارنى، خۇددى كۈزنىڭ سېرىق ئاپتاپلىرىدەك مەيۈسلۈكنى، تەنھالىقنى ئەسلىتىدىغان كەڭ كەتكەن دەرەخزارلىقنى، قوياشتىن بالقىپ چۈشكەن تەننى قورۇغۇچى سوغۇق نۇردەك، سېرىق خازانلارنى ئېقىتىپ بارغان كۈز سۇلىرىدەك غەمكىن سۆيۈشۈشنىڭ ئوتلۇق تەمىنى، لەۋلەر جۈپلەشكەندە تەنلەردىن كېلىدىغان كۆيدۈرگۈچ ھارارەتنى ئۇنتۇدى.
قۇشقاچلار ۋىچىرلىشىپ، بەرگىلىرى تۆكۈلگەن گۈللەر يىغلىشىپ ھاياتلىقنىڭ يەنىلا داۋام قىلىۋاتقانلىقىنى بىلدۈرۈپ تۇرىۋاتقان بۇ زېمىن خۇددى ماتەم مۇراسىمىدىكى ھازىداردەك مەيۈس، مىسكىن ھالدا يېشىنى تۆكمەكتە.

كۈز... ئۇ مەئىشەتنىڭ چاپقۇنلىرىدا قەددىنى تىك تۇتۇپ ئۆمرىنى داۋام قىلىۋېرىدۇ. كۈز... كىشىلەرگە يېگانىلىقنى يار قىلىدۇ. كۈز رەڭلىك ئەسلىمىلەر ئادەمنىڭ يۈرىكىنى تىلغايدۇ. قاتارلىشىپ تۇرغان چىنار دەرەخلىرىنىڭ قوۋزاقلىرىدىن ئادەملەر شۇنداق بىر ھەقىقەتنى تېرىۋالىدۇكى، ئۇ يىللارنىڭ رەھىمسىز قىستاشلىرىنى، شاماللارنىڭ رەھىمسىزلەرچە قىيناشلىرىنى بىلدۈرىدۇ.
سۆيۈشكەن لەۋلەرنىڭ ئىزى چۈشكەن سېرىق غازاڭلار، كۈز كېچىسىدىكى سوغۇق كارىۋات، تەنلىرى قورۇلغان يالىڭاچ ئايالنىڭ سۈرئىتى...   بۇلارنىڭ ھەممىسى كەچمىش، ھەئە بۇلار كۈز ئايلىرىدا يۈرەكلەرنى يىغلىتىپ بېرىۋاتقان سوغۇق ئەسلىمە.
مانا ئۇ ھەممىنى ئۇنتۇدى. كەچمىشلەرگە يېيىلغان قەترە-قەترە سۆيگۈ ئىزنالىرىنى ئۇنتۇدى.
كۈز... مەن دائىم ئۈن-تىنسىز ياش تۆكىدىغان كۈز...
كۈز... ئۇ كۈلىۋاتقان، ھەممىنى ئۇنتۇغان ھالدا قاقاقلاپ كۈلىۋاتقان كۈز...
ئۇ كۈز ئاخشىمدىكى رېئاللىقنىڭ قېلىن ئەدىيېلىغا ئورالغان قۇچاقلاشلارنى، كۈزنىڭ تېڭىرقاق چاغلىرىدىكى ئوتلۇق سۆيۈشۈشلەرنى ئۇنتۇدى. سۆيگۈمىزنى كۈلرەڭ ھاياتلىقنىڭ يالىڭاچ ئازابىغا باشلاپ قويۇپ، ئېچىرقىغان سۆيگۈ گۈلىمىزنى توزىتىۋەتتى...
ئۇ ئۇنتۇدى، ھەئە، ئۇ ھەممىنى ئۇنتۇدى...

ئەسلەش

ئاپتۇرى _____ ئابدۇمىجىت قاھىر مۇڭلان

مىكرافۇن ئالدىدا _____ مەمەتئۆمەر مەتتۇرسۇن خەتەر

دوستىمىز سەيدىمۇھەممەتنىڭ ئەجرىگە رەھمەت...

مەمەت ئۆمەرنىڭ دىكلىماتسىيەسى خىلى ھېسسىياتلىق بوپتۇ. ئاۋازغا ئېلىش ۋە ئاۋازنىڭ تېخنىكىلىق بىر تەرەپ قىلىنىشىمۇ ناھايىتى سۈپەتلىك بوپتۇ.

ھارماڭلار ! يەنە مۇشۇنداق ياخشى ئەسەرلەرنىڭ ئاۋازلىق نۇسقىسىنى ئىشلەپ تورداشلارنى بەھىرلەندۈرگەيسىلەر.
مەن سىلەرگە بىر ئەسەرنى تەۋسىيە قىلاي: ئا. جالالىدىننىڭ «قەشقەر، ئەي تەۋەرۈك شەھەر» دېگەن ئەسىرىنى بىر ئاۋازلىق ئشلەپ باقساڭلار بولاتتىدە....

بۇ ئاۋازلىق نەسىرنى ئىنىستىتۇتتا ئوقۇغان چېغىمىزدا ئىشلىگەن ئىدۇق.  ھازىر نۇرغۇن ۋاقتىمىز خىزمەتكە قارىتىلىپ كېتىۋاتقان بولغاچقا بۇ ئىشلار سەل توختاپ قالدى. ئەگەر پۇرسەت بولسا چوقۇم سىز دېگەن ئەسەرنى ئىشلەشكە مۆرىتى كېلە.

تاللانغان مۇزىكىمۇ ناھايىتى ئېسىل مۇزىكىكەن، مەمەتئۆمەرنىڭ ئاۋازىمۇ سالماق، ھېسسىياتلىق، راۋان...
يارايسىز مەمەتئۆمەر!

ھوي كاساپەتلەر ! ئاۋۇ مۇزىكاڭلارنى بىزگىمۇ ئەۋەتمەمسىلەر . ئۇنىڭغا قۇشۇپ يەنە نەچچە ئون مۇزىكا بوسىمۇ ياق دىمەيمەن.

چاتاق يوق ئاداش، كوت-كوتتىن تاپشۇرىۋالغايسەن...

يازنىڭ بۈ زېرىكىشلىك كۈنلىرىدە يىراق يېزىدىكى خانەمدە ئولتۇرۇپ لىرىك غەمكىن مۇزىكىغاا ئەگەشكەن ھەسرەتلىك نەسىرنى ئاڭلىدىم . ھەم ياشلىق چاغلىرىمدىكى تۇيغۇلار ئىسىمدىن كەچتى.

ئاۋازىڭىزدىن شۇنداق بىر مەيۈسلىكىنى ھېس قىلدىم. ھەي مەمەت ئۆمەر .. بۇنداقمۇ ھۈنىرىم بار دەڭ تېخى. قالتىس....

بولسا يەنە داۋاملىق يوللاپ تۇرغايسىلەر...مەن 1-بۇلۇپ ئوقۇيمەن....

بۇ نەسىرمۇ ئېسىل يېزىلىپتىكەن . مەمەت ئۆمۈرنىڭ ئاۋازىمۇ سۈزۈك چىرايلىق ئىكەن جۇمۇ بۇ نەسىرنى چۈشۈرۋالدىم . ئەسەرنى يازغانلار ۋە ئاۋازلىق ئىشلەشكە ئەجىز قىلغان بارلىق ئەزىزلەرگە تەشەككۈرلەر بولسۇن .

    ئەسەر مەزمۇنى ئاۋازنىڭ ئورامىدا ئۆز ئىپادىسىنى تېپىپتۇ، مۇزىكنىڭ مۇڭلۇق ئۇدارى ئەسەر مەزمۇنى بىلەن بىرلىشىپ ناھايىتى يارقىن بىر مېلودىيە ھاسىل قىلىپتۇ، بۇ تېمىنىڭ روياپقا چىقىشى ئۈچۈن ئەجىر سىڭدۈرگەن بارلىق ئەزىزلەرگە ئاپىرىن !

مەنمۇ شۇنداق ياقتۇرۇپ ئاڭلىدىم.. مەنمۇ چۇشۇرۋالاي-ھە!