كۆكتۈرۈكنىڭ ئاۋازى(18) [ئۇلانما كۆچۈرۈش]

         قەلەمكەش ئىنىمىز كۆكتۈركنىڭ شېئىرلىرىنى ياقتۇرۇپ ئوقۇدۇم ھەم زور ئىستېتىك زوق ئالدىم، گۈپۈلدەپ تۇرغان يېڭىلىق يارىتىش روھىنى ۋە يېتىلىش ئالدىدا تۇرغان مەزمۇت بەدىئىي دىتنى كۆرگەندەك بولدۇم، ئىنىمىزنىڭ بۇندىن كېيىنكى ئىجادىي ئىزدىنىشلىرىگە يەنىمۇ زور نۇسرەتلەرنىڭ يار بولۇشىغا سەمىمىي تىلەكداشمەن!

تۇيغۇلىرىڭنىڭ يەنىمۇ جۇلالىنىشىنى تىلەيمەن! ئىجاد مەنزىلىڭ يەنىمۇ پارلاق بولسۇن ئاداش! بۇ يازمىنى ئاخىرىدا   kuyzar تەھرىرلىگەن. ۋاقتى  2012-4-18 23:34  

كۆكتۈرك ئىنىمىزنىڭ «مۇزات دولقۇنلىرى» ژۇرىلىدا ئېلان قىلىنغان شېئىرلىرىمۇ شۇنچە ئېسىل چىقىپتىكەن.
ئىنىمىز كۆكتۈركنىڭ  ئىجادىيەت قەدىمىنىڭ غەلىبىلىك بولۇشىغا تىلەكداشمەن.

چۈش كۆرىدۇ يوللار پەرىشان

ئابدۇۋەلى قۇربان كۆكتۈرك

قۇش يۈرىكى نىمجان يوپۇرماق
  
يۇلتۇزلارنىڭ ئىللىق چېھرىدىن،
تامچىلايدۇ كېچىنىڭ چۈشى.
يول-يوللاردا ئاقار پەرىشان،
يۈرەكلەرنىڭ مۇڭلۇق ئۆكسۈشى.

ئورمانلارغا تۆكۈپ سىرىنى ،
شىۋىرلايدۇ شاماللار ئۇزاق.
ئۇۋىسىدىن ئۇزايدۇ ئاستا...
قۇش يۈرىكى نىمجان يوپۇرماق.

چۈش كۆرىدۇ يوللار پەرىشان

ئاسمان مۇڭلۇق قارايغان كېچە،
يۇلتۇز جىمجىت چاقنايدۇ خىرە.
شاماللاردا يەلپۈنۈپ لەرزان،
پىچىرلايدۇ ياپراقلار يەنە.

سۈكۈناتقا قويۇپ بېشىنى،
«تۆشەكلەرگە سىغدالماقتا تۈن.»
چۈش كۆرىدۇ يوللار پەرىشان،
لاۋۇلدىغان قەدەملەر ئۈچۈن...

سېغىنىش

يۇلتۇزلارغا باقسام پەرىشان ،
قان تامچىتىپ خىياللىرىمدىن.
يۈرىكىمدىن ئۇچقان سېغىنىش،
ئات چاپتۇرۇپ ئۆتتى جېنىمدىن.

بارماقلىرىم كۆيۈشۈپ قات-قات،
نومۇرىڭنى باستىم ئاۋايلاپ.
تىنىقىڭدىن چاچرىغان ئوتتا،
غېرىبلىقىم كۆيمەكتە شۇتاپ.

مەن ئۆلگەندە

مەن ئۆلگەندە يۈرىۋەر جىمجىت،
بىلسەڭمۇ گەر بىلمەسكە سېلىپ.
قار ياغمىسۇن خىياللىرىڭغا،
ئاچچىق ھېسلار قەلبىڭنى تىلىپ.

مەن ئۆلگەندە يۈرىۋەر جمجىت،
بىر تامچىمۇ ياش تۆكمىگىن، بەس!
قايغۇرماستىن ياشاۋەر چۈنكى،
ئىچ ئاغرىتىش مۇھەببەت ئەمەس.
  
سەن كىملەرگە ئېچىلدىڭ گۈلدەك

جۈپ كۆزۈڭدە بېقىپ بىر قىيا،
تولۇنئايدەك چېچىپ نۇر-زىيا،
سەن كىملەرگە ئېچىلدىڭ گۈلدەك.

كىيىك بولۇپ جىمجىت ئورماندا،
قوياش كەبى پارلاپ تۇماندا،
سەن كىملەرگە ئېچىلدىڭ گۈلدەك.

ئوق ياغدۇرۇپ بىشىمغا تىمتاس،
يۈرىكىڭدىن ئېلىپ ھەم قىساس،
سەن كىملەرگە ئېچىلدىڭ گۈلدەك.

(ئاپتور: پەيزىۋات ناھىيە قىزىلبويى يېزىلىق خەلق ھۆكۈمىتىدە)

«مۇزات دولقۇنلىرى» ژۇرنىلى 2012- يىللىق 1- سانىدىن

كۆكتۈرۈككە تېخىمۇ يۈكسىلىشلەر تىلەيمەن. داۋاملىق ئالغا!!! بۇ يازمىنى ئاخىرىدا   m.karakaxi تەھرىرلىگەن. ۋاقتى  2012-4-19 11:31  

كۆكتۈرۈكنىڭ ياش قەلەم سەھىپىسىدە تۇنۇشتۇرۇلغانلىقىغا مۇبارەك بولسۇن!

ئابدۇۋەلى مۇبارەك بولسۇن! مەن سېنىڭ شېئىريەتتە ھەم ئادىمىيلىكتە تۇتقان يولۇڭنى ئوخشاشلا ياقتۇرىمەن.

ئۇتۇق ۋە ئامەت ساڭا يار بولغاي!

ئانا يۈرتۇم پەيزاۋاتنىڭ قەلبى چوغدەك يىلىنجاپ تۇرغان  مۇشۇنداق ئوغلانلارنى قوينىغا ئالغىنىدىن خوش بولدۇم .
قۇربانجان يېشىمىز ئانچە پەرىقلىنىپ كەتمەيدىكەن ، مەن تېخى ئونۋىرسىتىتنى  پۇتتۇرمىدىم .  مۇمكىن بولسا  ئالاقىلشىپ ئۇتەيلى .


2858989327   مۇڭداشقو
13150314811   يانفۇن نۇمۇرۇم
  

ئىنكاس يازغۇچى دوسىتلار،ئىملاغا دىققەت قىلايلى،ئانا تىلىمىزغا ھۆرمەت قىلايلى!

مۇباراك بولسۇن ئابدۇۋەلى.

ئەزىز قېرىنداشلىرىمغا يەنە بىر قېتىم تەشەككۈر