چېچەك پەسلى (فوتو سۈرەتلەر) [ئۇلانما كۆچۈرۈش]

بۇ يازمىنى ئاخىرىدا   abdurexit eli تەھرىرلىگەن. ۋاقتى  2012-4-8 21:59  

  ئابدۇرېشىتنىڭ بۇ گۈزەل كارتىنىلىرى مۇنبىرىمىزگىمۇ كۆركەم چېچەك پەسلىنى باشلاپ كەپتۇ. بەدئىي ماھارىتىڭىزگە ئاپىرىن!

سۆرەتلەردىكى قۇيۇق باھار پۇرىقى دىللارغا سىڭمەكتە، يېڭى ئۈمىتلەرنى بېغىشلىماقتا، سۆرەتلەردىن بۇرنۇمغىمۇ چېچەك ھىدى پۇرىماقتا.... بۇ يازمىنى ئاخىرىدا   سائادەت ساتتار تەھرىرلىگەن. ۋاقتى  2012-4-8 21:52  

چېچەك



مەستخۇش ھېدلىرىڭدىن بىھۇش بولۇپ، ساڭا ئاستا يېقىن كەلدىم .
كىرپىكىمدە لەيلەپ قالغان بىر تامچە يېشىم، ماڭا  ئاتا  قىلغان  ھېدىڭ تەپتىدە قارچۇقۇمغا سىڭىپ كەتتى. لەۋلىرىمدە ئەگىپ يۈرگەن تەبەسسۇم بەرگىڭگە لەۋ سوزغاندا، ھال رەڭ تونىڭ ئۈستىگە يېپىلغان شەبنەم زەم-زەم كەبى تەشنا دىلىمغا ھوزۇر ئاتا قىلدى. قۇرغاق، مېھىرسىرىغان ھۇجۇدۇمغا بەخشەندە ئەتكەن ئىللىقلىق باغرىڭدا، تۇيغۇمغا خىرە بىر سىيما سايە تاشلىدى. پىنھانىمدا تىپىرلىغان ئازاب ئۇچقۇنلىرى، قەلبىم قەھرىدە گۈركىرىگەن بورانلاردا لاۋىلداپ يانغىنغا ئايلاندى. ئېھ، چېچەك! مېنى يۇتۇپ كەتكىن، مەن باغرىڭغا سىڭىپ كېتەي. سېنى بىراۋلار تەسۋىرلىگەن «چېچەك  پەسلىڭ» گە سىڭىپ كېتەي. بەرگىڭدە لەيلەپ يۈرگەن شەبنەملىرىڭ بىلەن، خاتىرەمنى   يۇيىۋەتكىن. مەن كۈلگىن ئەتەم بىلەن روھىمنىڭ ئەڭ  پاك جىلۋىسىدە  سېنى باغاشلاي...

ئابدۇرىشىت! سۈرەتلەر ئېسىلكەن، لېكىن 2448x3264 چوڭلۇقتىكى سۈرەتتىن 7-8 نى يوللاپسىز ئاينا! بۇنداق يوللىغىلى تۇرساق بوممايتۇ. مۇنبەر تېز ئېچىلماي گۆشىيىپ تۇرىۋالىدۇ. ئاۋۇ رەسىملەرنى كىچىكلىتىپ قايتا يوللاپ قويۇڭ!

بۇ سۈرەتلەرنى قىسىۋېتىپ يوللىساممۇ بولاتتى. لېكىن توردا ماڭا ئوخشاش كۆزىگە ئۇز كۆرۈنگەن سۈرەتلەرنى چۈشۈرۈۋېلىپ ساقلاش ئادىتىنى يېتىلدۈرگەنلەر بولسا ئۇلارنىڭ «قارغىش» غا كەتمەي دەپ ئەسلى ئېنىقلىقىنى ساقلاپ قالدىم. مەن كۆزۈمگە ئىسسىق كۆرۈنگەن سۈرەتلەرنى چۈشۈرۈۋالاي دېسەم يوللىغۇچى يوللاشتىن ئىلگىرى كىچىكلىۋەتكەچكە چۈشۈرۈۋالغان سۈرەتتىن رازى بولماي يوللىغۇچىنى «قارغاپ» سالاتتىم ئەسلى ئېنىقلىقىدا يوللىشىمدا مۇشۇ «باھانە» بار
سۈرەتلەر ئېچىلىپ بولغۇچى بىرەر يېرىمدەم مۇزىكا ئاڭلىغاچ تۇرساق بولار دەپ ماۋۇ مۇزىكىنى قىستۇردۇم.
يەنە بىرى مەن مۇنبەر بوشلۇقىنى ئۆزۈمنىڭ شەخسىي بوشلۇقىنى ئاسرىغاندەك ئاسرىغاچقا مۇشۇنداق سۈرەت قاتارلىق يۈكلىمىلەرنى ئۆزۈمنىڭ بوشلۇقىغا قويۇپ ئاندىن ئۇلانما قىلىۋاتىمەن.
ئەگەر دوست-بۇرادەر، ئاكا، ئىنى، ئاچا-سىڭىللىرىم، سۈرەتنىڭ چوڭلۇقىدىن نارازى بولسا ئاندىن...

ئاقتۇنىڭ بارىن يېزىسىدىكى ئۈرۈكزارلىق باھار پەسلىدە مۇشۇنداق گۈزەل تۈسكە كىرىپ كېتەتتى. ئەمدى سۈرەتتىلا كۆرۈدىغان گەپتە

مەن چېچەكنى شۇنداك ياخشى كۆرىمەن ، چېچەك  توزۇپ كەتمەي مەڭگۈ شۇنداق ئېچىلىپ تۇرسا دەيمەن ،ئەپسۇس ...
تەبىئەتنى بويسۇندۇرۇش مۈمكىن ئەمەس ، تەبىئەت بىزنى بويسۇندۇرۇپ كەلگەن ،لېكىن بۇ كۈنلەرگىمۇ شۈكرى .
سۈرەت تارتقان قوللىرىڭىزغا دەرت كەلمىسۇن .

بۇ ئۇسۇل مۇشۇ مۇنبەر بوشلۇقىغا يوللىغان سۈرەتكىلا ئىشلەمدىكىن دەيمەن.

تولىمۇ ئەپسۇس! بۇ گۈزەل مەنزىرىلەرنى ئۈرۈمچىدە تېخى كۆرۈشكە نېسىپ بولمىدى.

بىر قىز بار ئىدى، ھەر يىلى نورۇزدا چېچەك بىلەن رەسىمگە چۈشۈۋالىدىغان.
كېيىنكى يىللاردىكى نورۇزدا ئۇيۇرتىدا بولالمىدى ھەم چېچەك بىلەن رەسىمگە  چۈشەلمىدى، چۈنكى ئۇ تۇرۇۋاتقان يەردە باھار كېيىن كېلەتتى، شۇنداق بولسىمۇ ئۇ باھار كېلىشى بىلەن چېچەك بىلەن بىللە رەسىمگە چۈشۈۋالىدۇ.

مەن يوللىغان سۈرەتلەر بولمىدى، ئوڭشىدىم دېسەم تېخىمۇ بۇزۇپتىمەن، باشقۇرغۇچىلار مالال كۆرمەي ئۆچۈرۋەتسە.

كىشنىڭ زوقىنى كەلتۈرگىدەك ئىسىل رەسىملەر ئىكەن!