قاينارى:يالغان مۇئەللىم(ساتىرا) [ئۇلانما كۆچۈرۈش]

                   يالغان مۇئەللىم
                       (ساتىرا)  
             ئۆمەرجان ئەنۋەر قاينارى  

ۋۇجۇدىنى ھورۇنلۇق چىرمىۋالغان مۇئەللىم،
‹‹مۇئەللىملىك تەس ئىش››دەپ داۋراڭ سالغان مۇئەللىم،
شۇڭلاشقىمۇ،نەزەردىن ساقىت بولغان مۇئەللىم،
ئالىي ئۇنۋان،بۇرچىنى ئۇنتۇپ قالغان مۇئەللىم،
سۆكۈشۈمگە مەجبۇرلاپ تۇرغان يالغان مۇئەللىم.

دەرسخانىدا ئۇيالماي سېغىز چايناپ قول قۇرۇق...
مودىللاردەك كىيىنىپ،سۇۋاپ ئۇپا-لەۋ سۇرۇخ...  
چۈشەندۈرمەي دەرسنى ئەستايىدىل ھەم تولۇق،
بېرىپ يەنە بىر تالاي شۇنچە‹‹قىيىن››تاپشۇرۇق،
ئىشلىمىسە ئەيىبلەپ ئۇرغان يالغان مۇئەللىم.  

دەرس ئۆتمەسكە باھانە ئىزدەپ يۈرەر ھەر كۈنى،
قورساق ئاغرىپ ئاتالمىش‹‹ئىچى سۈرەر››ھەر كۈنى،
ئەيىش-ئىشرەت پەيزىنى سۈرسەم دەيدۇ كۈن-تۈنى،
چاقىرغۇزۇپ ۋە ھەتتا بىزدەك ئوقۇغۇچىنى،
خىجىل بولماي تاۋكانى قۇرغان يالغان مۇئەللىم.

دەرسكە كىرەر-كىرمەيلا سائىتىگە مىڭ قاراپ،
تۆت كۆز بىلەن كۈتىدۇ چېلىنىشنى قوڭغۇراق،
قاپىقىدىن مۇز ياغار،ياغار ھەسرەت-ئىزتىراپ،
بالىلارغا نام قويار‹‹جىن،ئېشەك...››دەپ ۋارقىراپ،  
شۇ سەۋەبلىك قارغىشقا قالغان يالغان مۇئەللىم.  

ھەممە ئوقۇغۇچىغا تەكشى كۆزدە باقماي ھېچ،
‹‹ئەلا››لارغا خوپ يېقىن،‹‹قاپاقباش››لار ياقماي ھېچ،
‹‹قاپاقباش››نىڭ ئارزۇسى،تالانتىنى تاپماي ھېچ،
ئاڭا بولغان ھاقارەت_زەربىنى توختاتماي ھېچ،
‹‹كېرەكسىز››دەپ مەسخىرە قىلغان يالغان مۇئەللىم.  

ھەر سائەتتە دېگۈدەك سېلىپ قويۇپ تەكرارغا،
تېلىفۇننى ئۇلايدۇ ئۇرۇق-تۇغقان،دوست-يارغا،
بەك بىمەنە تۇيۇلۇپ بۇ ئىش ساۋاقداشلارغا،  
پىكىر قىلسا تەشكىلگە دەپ:‹‹چارە كۆر مەككارغا...››،
‹‹قاراپ تۇرۇش...››دەپ تەھدىت سالغان يالغان مۇئەللىم.  

بولغاچ پۈتۈن ئەس-يادى پۇل تېپىشتا_مائاشتا،
(بەزمىلەردە تەشۋىشسىز رومكا-شىرە يالاشتا)
پەرۋا قىلماس مۇشۇنداق بىزگە_گۆدەك-ياۋاشقا،
ھەقلىق ئەسلى تامامان جازالاشقا،قاماشقا،
ئۆز خەلقىگە ساختىلىق قىلغان يالغان مۇئەللىم.  
........................  
بىلسەڭ بىزلەر ۋەتەننىڭ كېلەچىكى-ۋارىسى،
بولسا ۋەتەن زەر دۇتار،بىز دېگەن زىل تارىسى،
تۇتسا ئەگەر بىر كۈنى بىز بوغۇنلار نالىسى،
تۇرمىقى تەس يىقىلىپ،تېپىلماس ھېچ دارىسى،
ھوشۇڭنى تاپ،كۆزنى ئاچ،ئويغان،يالغان مۇئەللىم!   
2011-يىل،دېكابىر.
  

90-يىللاردىن بۇرۇن خىزمەتكە چىققانلار يەنىمۇ كەسىپكە ئۆزىنى ئۇرۇپ ئىشلىمەكتە.ئۇنىڭدىن كىيىن خىزمەتكە چىققانلار راستىنلا كۇننى ئۇياققا ئۆتكۇزۇپ،مائاشنى بۇياققا ئۆتكۇزۇشكە،قىسقىسى، مىللىتنى نادان ھالاتتە قالدۇرۇشقا ئۇرۇنىۋاتىدۇ. بىر تۇرۇپ مۇشۇنداق ئۇقۇتقۇچىلارنى شىڭ شىسەي بىلەن ئۇرۇق-تۇققانچىلىقى بارمىكىن دەپ گۇمانلىنىمەن.

90-يىللاردىن كىيىنمۇ مىللەت، ۋەتەن،كەلگۈسى ئەۋلادلار ئۇچۈن جان كۆيدۇرۇپ تىنماي كۈرەش قىلۋاتقانلارمۇ ئاز ئەمەس.ئۇنداق يالغان مۇئەللىملەر پەقەت بىر قىسىملارنىلا ئىگەللەيدۇ ،خالاس!ھىس قىلشىمچە قاينارىنىڭ يازغىمۇ بىر قىسىم مائارىپىمىزغا چۈشكەن مىتىلەرنى كۆرسەتسە كىرەك.

90-يىللاردىن كىيىنمۇ مىللەت، ۋەتەن،كەلگۈسى ئەۋلادلار ئۇچۈن جان كۆيدۇرۇپ تىنماي كۈرەش قىلۋاتقانلارمۇ ئاز ئەمەس.ئۇنداق يالغان مۇئەللىملەر پەقەت بىر قىسىملارنىلا ئىگەللەيدۇ ،خالاس!ھىس قىلشىمچە قاينارىنىڭ يازغىمۇ بىر قىسىم مائارىپىمىزغا چۈشكەن مىتىلەرنى كۆرسەتسە كىرەك.

مەن يەنىلا بۇرۇنقى مەسئۇلىيەتچان ئوقۇتقۇچىلىرىمىزنى دائىم ئەسلەپ قەلىمەن . ھازىرقى ئوقۇتقۇچىلارغا نىسبەتەن مەندە پەقەت سۇغاق بىر سىلكىنىشلا بار ....

توغرا دەيسىز<<ۋاپادار>>...  
ھەرقانداق بىر ساتىرىك ئەسەردە ئىپادىلەنگەن مەزمۇننىڭ بىر تەرەپلىمىلىكى بولىدۇ،ئەلۋەتتە!

مىنىڭچە  تۇرمۇشتا مۇشۇنداق مۇئەللىملەرمۇ بار  جۇمۇ ...   

بۇ     بىر ئەملىيەت، شۇنداق  ئوقۇتقۇچىلارمۇ  بار،  كۈن ئۆتسە بارماق سانايدىغان ، بىر دوختۇر لاياقەتسز بولسا  بىر  بىمارنىڭ  بېشىغا  چىقىدۇ، بىر ئوقۇتقۇچى لاياقەتسىز بولسا  يۈزلىگەن ھەتتا مىڭلىغان ئۇقۇغۇچىنىڭ روھىنى ئۆلتۈرىدۇ. ئامرىكىلىق مائارىپشۇناس بولۇمنىڭ ئېيتىشىچە:  دۇنيادا لاياقاتسىز ئوقۇتقۇچى بولىدىكى          ھەرگىزمۇ لاياقەتسىز  ئۇقۇغۇچى  بولمايدۇ

تېما پاخاللىقىنىڭ ئالدىنى ئېلىش ئۈچۈن بارلىق ئەسەرلىرىمنى مۇشۇ تېما ئاستىغا توپلاشنى لايىق تاپتىم.  
ئۇستازلارنىڭ يازمىلىرىمغا قارىتا تەنقىدى تەكلىپ-پىكىرلىرىگە موھتاجمەن...

مەڭگۈلۈك ئازاپ  

چېچى كۆيۈپ كۈل بولغان دەرەخ،
يىغلىماقتا پىنھاندا زار-زار.
پەرۋا قىلماي يۈرمەكتە بىغەم،
جاۋابكارى ۋە لېكىن زىنھار.

مۇغەمبەرلىك بىلەن ئەكسىچە،
كۈلۈپ ئۇنى قىلماقتا مازاق.
قىلىپ ھەمراھ مىسكىن كۆڭلىگە،
مەڭگۈلۈك دەرد،مەڭگۈلۈك ئازاپ!...      
  2012-يىل،10-فېۋرال   

كىرپىك قاقماي ئۇلاشتىم تاڭغا  

كەتتى شېرىن ئۇيقۇم بۇزۇلۇپ،
خوراز جۆيلۈپ چللىغان تۈندە.
كەتتى ئىزگۈ تۇيغۇم بۇزۇلۇپ،
قوشۇلۇپ شۇ نەس باسقان ئۈنگە.

كەتتىم شۇئان ئەنسىز تىپىرلاپ،
ئورۇن بېرىپ كۈلكەم يىغامغا.
ئۆز-ئۆزۈمگە ئۈنسىز پىچىرلاپ،
كىرپىك قاقماي ئۇلاشتىم تاڭغا...  
2012-يىل،17-فېۋرال        

مۈڭگۈزى يوق ساقالسىز ئۆچكە  
-بىر قىزنىڭ ئېيتقانلىرى  

مۈڭگۈزى يوق ساقالسىز ئۆچكە،
چىغىر يولدا مەرەيدۇ ئەنسىز.
غەمكىنلىكتە باققانچە كۆككە،
كۈنلىرىنى ئەسلەپ شۇ غەمسىز...

تۇرسىمۇ گەر كۆلچەك تۈۋىدە،
چاڭقاقلىقتا ئۆتمەكتە كۈنى.
(ئەكىس ئېتەر قۇرغاق لېۋىدە)
پەسلەپ پەرياد-پىغانى_ئۈنى.

ھېس قىلالماس ھېچ كىشى بىراق،
شۇ ئۆچكىنىڭ دەردى -غىېمىنى.
چۈشىنىشتن تېخىمۇ يىراق،
ئۇنىڭدىكى  كەم ھېچنېمىنى!  
2012-يىل،15-مارت

بۇ يازمىنى ئاخىرىدا   قاينارى تەھرىرلىگەن. ۋاقتى  2012-9-24 17:10  

شۇڭا  ‹‹بالىلارنى قۇتقۇزىۋالايلى ››  دىگەن خىتابنىڭ  كەينىگە ‹‹نا  ئۇستا  ئوقۇتقۇچىلارنى قۇتقۇزىۋالايلى›› دىگەن  جۇملىنىمۇ  قۇشۇپ  قۇيۇش  كېرەك،

    بۇ ئىشقا يىل ئايرىپ ئولتۇرغىلى بولمايدۇ، 70-يىللار،  80-  يىللار، 90- يىللاردا خىزمەتكە كىرگەنلەر ئىچىدىنمۇ ئۆزىنىڭ بۇرچىنى ئۇنتۇغان، ئوبرازىنى پېتىغداۋاتقان «بىرنىڭ كاۋىغا مىڭ » قىلىۋاتقانلارنى تاپقىلى بولىدۇ. بەلكىم  %5 گە يېتىپ قالار. بۇ     بىر ئەملىيەت، « كۈن ئۆتسە بارماق سانايدىغان ». بىر ئوقۇتقۇچى لاياقەتسىز بولسا  بەلكىم بىر مىللەتنىڭ روھىنى ئۆلتۈرىدۇ.

ئىنكاس ئۆچۈرۈلدى
بۇ يازمىنى ئاخىرىدا   ئاينۇرى تەھرىرلىگەن. ۋاقتى  2012-9-24 11:34  

بۇ بىر قىسىم «مۇئەللىم»لەرگە قارىتىلغان يازمىدەك قىلىدۇ. ھەقىقىي پىشانىسىدىن تەر تۆككۈزۈپ،مائاشنى ھالال ئېلىۋاتقان مۇئەللىملەر يەنىلا كۆپ.

        رۇبائىيلار(1)   
ئادەمسەن،مۇقەددەس غەم بىلەن ياشا،
ئۆز-ئارا رىقابەت جەڭ بىلەن ياشا.
چىقىمەن دېسەڭ ھەم شۇ جەڭدە يېڭىپ،
ئەقىللىق بول چوقۇم پەم بىلەن ياشا.

بىلىمگە باغلىغاچ چوڭقۇر ئىشتىياق،
تىنىمسىز ئۆگەندىڭ،ئىزدەندىڭ...بىراق،
ھە دېسە يەپ دەشنام كۆرەلمەسلەردىن،
كۆز يۇمدۇڭ بىمەھەل، يۇتۇپ دەرد-پىراق.

مەن دېسەم:راستچىل بول،قىلما يالغان گەپ،
ئۇ دېدى:راستچىللىق بەرمىسە يا نەپ،...
مەن دېدىم:ھە،مەيلى ئۆزۈڭنىڭ ئىشى،
قورقمىساڭ كېيىنچە تارتىشىڭدىن دەرد.   

قايسى كۈن ئىشلىمەي ئالسام گەر ئارام،
شۇ كۈننىڭ ھوزۇرى مەن ئۈچۈن ھارام.
ئويۇنچى دوستلىرىم يىراق تۇر مەندىن،
مەن شۇنداق ياخشىلىق ياراشماس‹‹ساراڭ››.

بوياپلا ئۆتمە قاش،كىرپىك،لېۋىڭنى...
يېپىپ يۈر ئەمدى بەس،پاچاق بېلىڭنى.
ئەر يەتكەن بالاڭدىن ئۇيات_ئەسكە ئال،
ئەللىككە كىرەيلا دەپ قالغىنىڭنى.

بولغانتى ئۆز ئاتاڭ جېنىدىن جۇدا،
يالغاندىن بولسىمۇ قىلمىدىڭ نىدا.
بالاڭنى ئويناتقاچ دېدىڭ ئەكسىچە:
قۇتۇلدۇم بىر يۈكتىن ئۇھ...شۈكرى خۇدا!   

مەيلى سەن باي بولغىن_پۇل تاپ بىھېساپ،
ئۆي سالدۇر ئالتۇندىن ھەل بېرىپ ياساپ.
پانىيدىن باقىيغا كېتەر چېغىڭدا،
تاپقان شۇ پۇل مېلىڭ نېمىگە ھېساپ؟...

باي بولدۇڭ،ساۋابتىن قولۇڭنى ئۈزمە،
ئۇچاڭدىن سېخىيلىق تونۇڭنى ئۈزمە.
ھېچقاچان مۇساپىر،پېقىر-مىسكىنگە،
بېرەرگە يېنىڭدىن پۇلۇڭنى ئۈزمە.   

باي بولساڭ ئايرىپ ماڭ ئۆشرە-زاكاتنى،
يۆلىگىن يوقسۇزلۇق يىقىتقان زاتنى.
ھېساپلا ئۆزۈنىڭ ئازابى ھامان،
كەمبەغەل-پېقىرلار تارتقان ئازاپنى.  

غۇربەتتە ۋەتەننى ئۇلۇغ بىلگەن بىز،
‹‹تاش چۈشكەن يېرىدە ئەزىز ››دېگەن بىز.
باي بوپلا ۋە لېكىن چەتئەلگە يۈگرەپ،
ۋەتەندىن بىراقلا يۈز ئۆرۈگەن بىز.  

ناھەقنى قامچىلاپ ھەقنى ياقلايمەن،
پاكىتنى بۇرمىلاپ قوشاق قاتمايمەن.
بۇ يولدا ھازىرچە قالساممۇ خار بوپ،
تارىخنىڭ كۆكىدە ھامان چاقنايمەن.