زۆھرەگۈل ئابدۇۋايىتنىڭ ‹‹ قومۇش كۆل›› ھىكايىلەر توپلىمى [ئۇلانما كۆچۈرۈش]

زۆھرەگۈل ئابدۇۋايىتنىڭ‹‹ قومۇش كۆل›› ھىكايىلەر توپلىمى ۋە ئىلىدىكى قەلەمكەش ئاياللارنىڭ مەنىلىك بىر كۈنى

     يېشىللىق تەبىئەتكە ئۆزىنىڭ مېھىرلىك قۇچىقىنى يايغان  3- ماي  كۈنى ، ئىلىدىكى ئۆزگىچە مىللى ۋە زامانىۋى ئۇسلۇپ بىلەن بېزەلگەن  مېلۇدىيە چايخانىسىدا تولىمۇ ئەھمىيەتلىك بىر پائاليەت ئۆتكۈزۈلدى .
يەنى ئىلى تەۋەسىدىكى قەلەمكەش،مۇھەرىر ئايال قېرىنداشلار  بىرلىكتە ،ئۆزگىچە ھىكايچىلىق ئۇسلۇبى بىلەن بەلگىلىك نەتىجە ياراتقان ياش ئايال يازغۇچىمىز زۆھرەگۈل ئابدۇۋايىتنىڭ ‹‹ قومۇش كۆل›› ناملىق كىتاۋىنىڭ نەشىر قىلىنغانلىقىنى تەبرىكلىدى . پائاليەتتە زۆھرەگۈل ئىمزالىق كىتاپ تاقىتىپ ، ئۆزىنى تەبرىكلىگەن بارلىق قەلەمكەش دوستلارغا كۆكۈل سوغىسىنى ئىپادىلىدى.
   ياش يازغۇچى گۈلباھار ئەزىزنىڭ  زۆھرەگۈل ، ئابدۇۋايىت، قەلبىنۇر ئىلياس، رەشىدەم مۇھەممەت قاتارلىق دوستلارغا ئارلىقنى يىراق دېمەي بىر يۈرۈش داڭلىق يازغۇچىلارنىڭ كىتاپلىرى بىلەن كۆڭۈل سوغىسىنى ئەۋەتىشى ھەممەيلەنگە بىر چوڭقۇر دوسلۇقنىڭ  مېھرىنى ھىس قىلدۇرۇپ،   ئىجادىيەتتىن ئىبارەت بۇ مەنىلىك  مەنزىلنى قەدىرلىگۈچىلەرنىڭ  يۇرت  چېگرىسىدىن ھالقىغان  ئادىمىيلىك مۇھەببىتىنى  تونۇتۇپ ،چوڭقۇر ئىلھام ۋە قوللاش  ئۈچۈن ھەمسۆھبەت قۇرغان بۇ ئايال ئەدىبەلەرنىڭ مەنىلىك بۇ بىر كۈنىگە يېڭى مەنە قوشتى.