ئەلرام؛ سۆزلىتىدۇ مۇھەببەت مېنى [ئۇلانما كۆچۈرۈش]

                                         ئەلرام

                                            سۆزلىتىدۇ مۇھەببەت مېنى

                                                         تۇنجى سۆيگۈ

                                                تۇنجى سۆيگۈ بىر ئۆمۈرگە تەڭ،
                                                قىلما ھەرگىز ئاڭا يىنىكلىك.
                                                يالغان كۈلۈپ ،كۆڭۈلنى ئالداپ،
                                                ئۆتسە ياشلىق، بولماس بەخىتلىك.

                                                كۆي،قەدىرلە شۇڭا سۆيگىنى،
                                                سۆيگىنىڭنىڭ قەلبىدە بولساڭ.
                                                ئۇنتالمايسەن ،چىكىسەن ھەسرەت،
                                                شۇ سۆيگۈدىن ئايرىلىپ قالساڭ.

                                                        مۇھەببەت   

                                               باشقىلارغا بىلدۈرمەڭ ھەرگىز،
                                               قەلبىڭىزدە تۇرسۇن ئۇ پىنھان.
                                               سۆيدۈرگەن قىز بىلمسۇن ھەتتا،
                                               شۇ سۆيۈشتە بولمىسا گۇمان.

                                              پەقەت شۇنداق ساقلانغاندا ئۇ،
                                              لەززىتىنى بىرىدۇ ئازاپ.
                                              سۆز قىلىشنىڭ نېمە ھاجىتى ،
                                              ئۇ كۆزلەردە تۇرغاندا چاقناپ...


                                                سۇغا ماڭغان قىز
                                         سۇنى قەدىرلىيەلىدىڭىزمۇ،ئۇنىڭسىز ھايات كۆچۈرەلەمسىز؟!
                                                                       ـ ئۆزۈمگە قۇيغان سۇئاللاردىن.
                                         
                                            ئۇپۇقىدا جىم تۇرار قۇياش،
                                            توختىغاندەك ھەتتا يەر شارى،
                                            ئوت تەپتىگە ئوخشايدۇ ھاۋا،
                                            يېقىنلاشقان ئۇلار ئارلىقى.
                                             ...
                                             كىتىپ بارار شۇتاپتا بىر قىز،
                                            (ھېچكىم بىلمەس نەگە بارىدۇ)؟
                                            يالاڭئاياغ پۇتلىرى ئۇنىڭ،
                                            «چوغ»ئۈستىگە دەسسەپ ماڭىدۇ.

                                            قۇرۇپ كەتكەن ئېقىنمۇ ھازىر،
                                            تېپىلمايدۇ بۇيەردە بۇلاق.
                                            بەلكىم ئۈمىد ئۇنى بەزلىدى،
                                            قىز قۇلىدا سۇسىز بىر قاپاق...

بۇ يازمىنى ئاخىرىدا   ئەلرام تەھرىرلىگەن. ۋاقتى  2012-9-22 23:46  

شېئىر لارنى ئۇقۇپ گۈلنىسا ئىمىن گۈلخاننىڭ« سۇغا چىققان قىز » ناملىق شېئىرى ئىسىمگە كەلدى .

سۇغا چىققان قىز

گۇلنىسا ئىمىن



چېچىلىپلا تۇرغاچ ھويلىغا،
كۈپنىڭ سۈيى تۈگەر شۇنچە تىز.
قاپىقىنى يۈدۈپ پات-پاتلا،
سۇغا چىقىپ تۇرىدۇ بىر قىز.



پۇتلاشقىنى بەڭۋاش خىياللار،
سۇغا چىققان قىزنىڭ يولىدا.
ئەسلەپ قالدى ئۇ بىراۋلارنى،
قاپىقىنى تۇتۇپ قولىدا.



سۆيگۈدۇر ئۇ بەلكىم سۇ ئەمەس،
قاپىقىغا ئۇسۇۋاتقىنى.
سۇ ئەكىرىش باھانىسىدا،
راست بىرىنى كۈتۈۋاتقىنى.



چاقىرغاندا قىزنى ئانىسى،
قىز ئۆي تامان ئۇچۇپ كىتىدۇ.
يىغلامسىراپ تۇرغان قاپاققا،
لىق ھەسرەتنى ئۇسسۇپ كىتىدۇ.



كۈنلەر ئۆتەر ئۇندىن ئاي پۈتەر،
بۇلاق ئۈنسىز كىمنىدۇر كۈتەر.
كۆز ياشلاردا ئۇلغىيىپ سۈيى،
قىز بىلەن تەڭ ئۇھسىنىپ ئۆتەر
بۇ يازمىنى ئاخىرىدا   ئايشەمگۈل بارات تەھرىرلىگەن. ۋاقتى  2012-9-23 00:06  

ياخشى بىر شېئىردىن مېنىمۇ خەۋەرلەندۈردىڭىز ، رەھمەت.

گۈل-ئۈستىگەگۈل كەلتۈرۈپسىلەرغۇ دوستلار

سىزنىڭ شېئىرلىرىڭىزنى مەن ياقتۇردۇم. بەركەتلىك بولۇڭ.

قۇرۇپ كەتكەن ئېقىنمۇ ھازىر،
                                            تېپىلمايدۇ بۇيەردە بۇلاق.
                                            بەلكىم ئۈمىد ئۇنى بەزلىدى،
                                            قىز قۇلىدا سۇسىز بىر قاپاق...



بۇ كۇبلىت كۆڭلۈمگە بەك ياقتى. ئوقۇپ بولۇپ، تۇرۇپلا  زوردۇن سابىر ئاكىمىزنىڭ «ساداقەت» ناملىق ھىكايىسىدىكى «ھۆرلىقا» نى ئەسلەپ قالدىم.
بەرىكەت تىلەيمەن قەلىمىڭىزگە....!

ماڭىمۇ شۇنداق يارىغانتى،