قەدەھتىكى رۇبائىيلار [ئۇلانما كۆچۈرۈش]

قەدەھتىن تاشقان رۇبائىيلار


1
مەست بولدۇم ئۆزۈمچە كۆزۈمگە قاراپ،           
ئاي كەبىي چاقنايدۇ لىققىدە شاراب.            
شامالغا جۆر بولۇپ ئوينىدىم ئۇسۇل،            
تامچىلاپ تۆكۈلگەن شارابقا قاراپ.            
2
كەيپ بولۇپ كوچىدىن ئۆتتۈم يالىڭاچ،         
خالايىق كۈلۈشەر ماڭا قارىغاچ.               
مەنمۇ ھەم كۈلىمەن ئۇلارغا قاراپ،            
ئۆزۈمنى سەزگەچكە ئەركىن قارلىغاچ.            
3
تېنىمنى چەككىلەپ قىلدىم بىر كوزا،            
لىققىدە شارابقا تولغاچقا تازا.                  
ئۇ مېنى ئىچتىمۇ ،يا ئىچتىممۇ مەن ،           
بىلەلمەي يىغلىدىم ،كۈلدۈم بىر ھازا.           
4
ھەي ساقى تۇرىسەن نېمىگە قاراپ؟              
قەدەھكە قۇيمامسەن تولدۇرۇپ شاراب؟           
«ئەنەلھەق»دېگەن مەنسۇر چۈشلىرىدە ،         
بەك گۈزەل ئۇچارمىش قۇشلارنى دوراپ.         
5
شارابسەن ئەي گۈزەل شۇنچىلىك لەزىز،           
كۆزۈمدە ئىچمەكلىك بولغاندۇر پەرىز.            
رەڭگىڭنىڭ ئۇزلۇقى گويا كېچىدۇر،              
تەڭداشسەن جېنىمغا جېنىمدىن ئەزىز.           
6
تېنىمنى چاقىردىم گۈلنىڭ شەكلىدە،            
دولقۇندەك ئويناقلاپ تۇرار ئىچىدە.            
شۇ خۇشبۇي شارابنى ئىچكەنمىدۇ ئۇ؟         
يوق بولغاچ ئۇنىڭدىن ئۆزگە ھېچنېمە.           
7
شارابىم تۆكۈلدى تامچە-تامچە بوپ،           
قۇشلىرىم بىر –بىرلەپ كەتكەن ئۇچۇپ.         
قوللىرىم ئۆزۈمنى سىلايدۇ ئاستا،                  
ئۆزۈم يار ،ئۆزۈم ئاشىق ۋىسال قۇچۇپ.           
8
قايدى بار مېنىڭدەك مەسۇ مەستانە،              
گۈل-چېچەك ،قۇشلارغا تولغان بوستانە؟         
كىمىكىن دەپتىمەن ئۇندا يۈرگەننى،              
ئۆزۈمكەن ئۆزۈمدە قىلغان سەيلانە.               
9
لېۋىمنى كۆيدۈرۈپ تۇرماقتا شاراب،              
«ئاھ ،جېنىم...»دەپ ئاستا پىچىرلاپ.         
سەن ماڭا جان بولساڭ ،جېنىم نە كىرەك؟        
كۆكسۈمنى يارغايمەن ئۈنلۈك ۋارقىراپ.  

7
شارابىم تۆكۈلدى تامچە-تامچە بوپ،           
قۇشلىرىم بىر –بىرلەپ كەتكەندە ئۇچۇپ.         
قوللىرىم ئۆزۈمنى سىلايدۇ ئاستا،                  
ئۆزۈمگە ئۆزۈم يار، بىر ۋىسال قۇچۇپ.           
              
9
لېۋىمنى كۆيدۈرۈپ تۇرماقتا شاراب،              
«ئاھ ،جېنىم...»دەپلا ئۇ ئاستا پىچىرلاپ.         
سەن ماڭا جان بولساڭ ،جېنىم نە كىرەك؟        
كۆكسۈمنى يارغايمەن ئۈنلۈك ۋارقىراپ.  

رۇبائىيلار شۇنداق ياخشى يېزىلىپتۇ،ئادەم ئۇقۇغانسىرى ئۇقۇغۇسى كىلىدىكەن،نېمە ئۈچۈن؟ تۇرمۇشقا ئىنتايىن يېقىنلىقىدىن.ئۇتتۇرغا قۇيۇلغان بۇ مەزمۇنلارنى ،بىزنىڭ تۇرمۇشىمىزدىكى بىر قىسىم قىېرىنداشلىرىمىز ھەركىتى ئارقىلىق تەكرارلاپ تۇرىدۇ ئەمەسمۇ!؟  7ـ9 كۇپلىتتىكى ئايرىم مىسرالارغا ئۆز پىكىرىمنى قېتىپ قويدۇم، مۇۋاپىق كۆرسىڭىز پايدىلنارسىز.داۋامىنى يېزىشقا تىرشىڭ.

رۇبائىيلارنى تەپسىلى كۆرگىنىڭىزگە تەشەككۇر!تەكلىپىڭىزمۇ  مۇۋاپىق ئىكەن.

ئېلھاملىرىڭىز يەنىمۇ بەركەتلىك بولغاي!

ئەينى يىللىرى ئىستىداتلىق يازغۇچى،  شائىر  ئابدۇللا ساۋۇت  ئەپەندى شاراپ تېمىسىدا  بىر  يۈرۈش رۇبائىلارنى  ئىلان  قىلغان  ئىدى،  بۇ  قېتىم  يېڭى نەشىر  قىلغان كىتابىدا  بۇ  رۇبائىلار  بار  ئىكەن،

ياندىكى كوزام بىلەن گۇلگە قاراپ
ئۆتمىدى گالدىن ھىچبىر شاراپ.
ئاينى چاقىرسام كەلدى ئاي
چۈشتى سايەم قالمىدىم يالغۇزسىراپ.

لىبەينىڭ مۇنۇ شىئېرىنى ئۇنتۇپمۇ قاپتىمەنمۇ ئىشقىلىپ يىزىپ قويدۇم.

ھەر كۈنى نەچچە رەت كېتىمەن قاناپ،
قىنىمدىن قۇيۇپ بەر جانانىم شاراپ.
ۋۇسۇڭدىن ئاشۇرۇپ ئىچىپ مەن  ئۇنى،
كىتەيچۇ جاھانغا سىماپتەك تاراپ.

رۇبائىيلار ئۆزگىچە يىڭى مەنالىرى بىلەن كىشىگە زوق بىرىدىكەن. مەنمۇ  مەنمۇ «شاراپ» نى ئىچىپ مەسىت بوپ قالدىممۇ قانداق، كاللام ساق پۇت قولۇمدا جان يوق تۇرۇپمۇ يۇقارقى رۇبائىينى «جۆيلۈپ» سالدىم.  ئىشلىرىڭىز ئوڭۇشلۇق بولسۇن... يەنە يوللاپ تۇرىشىڭىزغا تىلەكداشمەن...

مەنمۇ شاراپ تېمىسىدا جۆيلۈپ باقاي،ئەپۇ قىلارسىلەر.
         مەي ھەققىدە
                       1
قۇي ساقى مەي بىلەن يوقالسۇن دەردىم،
دەردىمگە يېتەلمەس مەيدىن سىرت ھېچكىم.
مەي بەرسۇن خۇشاللىق ئىچەي بىر قېنى،
مەي بىلەن سىردىشىپ بوشاشسۇن ئىچىم.
                      2   
مەي ئىچىپ مەي بىلەن ئۈلپەت بولىمەن،
مەي بىلەن قەلبىمدىن غەمنى يۇلىمەن.
مەي بەردى ئىرادە-غەيرەت،تەسەللى،
شۇڭلاشقا تېخىچە مەينىڭ قۇلىمەن.
                      3
مەن مەيگە ھېرىسمەن،مەيسىز ئۆتمەيمەن،
مەي دەيمەن،باشقىغا نەزمە پۈتمەيمەن.
خاھ كۈلەي خاھ يىغلاي مەي ئوخشاش ماڭا،
شۇ مەيدىن باشقىدىن ۋاپا كۈتمەيمەن.
                      4
مەيكەش دەپ مەنسىتمەي قويساڭمۇ مېنى،
سۆيمەيمەن يەنىلا مەيدىن ئۆزگىنى.
ماڭىلا تەئەللۇق چۈنكى شۇ مەينىڭ،
بارلىقى،ئوي پىكرى،ۋىسالى،جېنى.

مەنمۇ شاراپ تېمىسىدا جۆيلۈپ باقاي،ئەپۇ قىلارسىلەر.
         مەي ھەققىدە
                       1
قۇي ساقى مەي بىلەن يوقالسۇن دەردىم،
دەردىمگە يېتەلمەس مەيدىن سىرت ھېچكىم.
مەي بەرسۇن خۇشاللىق ئىچەي بىر قېنى،
مەي بىلەن سىردىشىپ بوشاشسۇن ئىچىم.
                      2   
مەي ئىچىپ مەي بىلەن ئۈلپەت بولىمەن،
مەي بىلەن قەلبىمدىن غەمنى يۇلىمەن.
مەي بەردى ئىرادە-غەيرەت،تەسەللى،
شۇڭلاشقا تېخىچە مەينىڭ قۇلىمەن.
                      3
مەن مەيگە ھېرىسمەن،مەيسىز ئۆتمەيمەن،
مەي دەيمەن،باشقىغا نەزمە پۈتمەيمەن.
خاھ كۈلەي خاھ يىغلاي مەي ئوخشاش ماڭا،
شۇ مەيدىن باشقىدىن ۋاپا كۈتمەيمەن.
                      4
مەيكەش دەپ مەنسىتمەي قويساڭمۇ مېنى،
سۆيمەيمەن يەنىلا مەيدىن ئۆزگىنى.
ماڭىلا تەئەللۇق چۈنكى شۇ مەينىڭ،
بارلىقى،ئوي پىكرى،ۋىسالى،جېنى.

مەن 4 - رۇبائىنى مۇنداق ئوقۇپ باقتىم:

ھەي ساقى تۇرىسەن نېمىگە قاراپ؟              
قەدەھكە قۇيمامسەن تولدۇرۇپ شاراب؟           
«ئەنەلھەق»دېگەن شۇ  مەنسۇر چۈشىدە ،         
بەك گۈزەل ئۇچارمىش قۇشلارنى دوراپ.    بۇ يازمىنى ئاخىرىدا   ئوسمانجان زۇنۇن تەھرىرلىگەن. ۋاقتى  2012-9-28 19:33  

مەي كەلتۈر ، كومزەكنىڭ يوغىنى بولسۇن ،

ئاتىقىم مەيپەرەس بولغىنى بولسۇن .

يالغۇزلۇق ياراشماس ، ياندا ساز بىلەن -

بوستان چاچ لەۋەننىڭ تولغىنى بولسۇن .

-- ئىجادىيەت خاتىرەمدىن