كۆيۈپ تۇرار ئىچىمدە بىر ئوت(ئابلىپىز ئىدىرىس) [ئۇلانما كۆچۈرۈش]

كۆيۈپ تۇرار ئىچىمدە بىر ئوت
ئابلىپىز ئىدىرىس

بولۇپ قالدى يۈرەكتە ئارمان،
جامالىڭنى جېنىم بىر كۆرمەك.
يوللىرىڭدا كور بولدى كۆزۈم،
قوللىرىڭنى كۆزۈم بىر سۈرمەك.

توشۇپ كەتتى يۈرەككە ھەسرەت،
سۆزلىگىم بار بىر كېچە ئاخشام.
بىلىسەن يا بىلمەيسەن جېنىم،
سەنسىز ھەرگىز ياڭرىماس ناخشام.

بۇلۇت قوغلاپ ياغماقتا يامغۇر،
كۆيۈپ تۇرار ئىچىمدە بىر ئوت.
ئالۋۇن كەبى چېقىلدى چاقماق،
سوقۇۋەتتى تۇيۇقسىز ئاھ، توك.

2012-يىلى9-ئاينىڭ14-كۈنى

كىشەنلىدى ھىجران زەنجىرى

گۈلخان بولۇپ يانىدۇ بىر ئوت،

چاچراپ كەتسە بىر تال ئۇچقۇنى.

يۈرىكىمنىڭ تەكتى-تەكتىدىن،

كۆيدۈرىدۇ تۈننىڭ باغرىنى.

تەلپۈنىدۇ يۈرەك ھەر زامان،

ئاسماندىكى نۇرلۇق قۇياشقا.

كىشەنلىدى ھىجران زەنجىرى،

تاقەت يوقتۇر ئەمدى چىداشقا.

2012-يىلى 9-ئاينىڭ21-كۈنى

بۇ يازمىنى ئاخىرىدا   ablipiz idiris تەھرىرلىگەن. ۋاقتى  2012-9-22 19:55  

لىرىكىلىقى بەك ياخشى چىقىپتۇ  . قەلىمىڭىز  ھارمىغاي ....

بۇ شئېرلىرىڭىز ئۈستىدە خىلى كۆپ ۋاقىت ھەم زېھنىڭىزنى سەرىپ قىلغىنىڭىز شېئىرنىڭ ئۆزىگە سىغدۇرغان مەزمۇنىدىن چىقىپ تۇرۇپتۇ.ھىسياتمۇ شۇنداق چىن،سەمىمى.تېخىمۇ ياخشىللىرىدىن بەھرىمەن قىلدۇرشىڭىزنى ئۈمىد قىلىمەن. بىرىنجى شېئىرنىڭ ئاخىرقى كۇپلىتىى مۇنداق ئېلىنسا مۇۋاپىقمىكىن دەپ قارىدىم.ئويلۇنۇپ كۆرسىڭىز.
...
بۇلۇت قوغلاپ ياغماقتا يامغۇر،
كۆيۈپ تۇرار ئىچىمدە بىر ئوت.
يېنىمدىلا چېقىلدى چاقماق،
سەنسىز مەندىن قاچقاندەكلا قۇت.
بۇ يازمىنى ئاخىرىدا   ئەلرام تەھرىرلىگەن. ۋاقتى  2012-9-22 23:24  

«كۆيۈپ تۇرار ئىچىمدە بىر ئوت»   . بۇ  ئوتۇڭ مېنىمۇ كۆيدۈرۋەتتى ئاداش. يالقۇنلۇق ئوتلۇرۇڭدىن ئۇچقۇن چاقنىغاي...!

ياقتۇرغىنىڭىزدىن خۇرسەن بولدۇم، رەھمەت، تەكلىپ-پىكىرلەرنىمۇ ئايىمىغايسىز.

سىزنىڭ تىمىلىرىمغا سەمىمى تەكلىپ-پىكىر بەرگىزنىڭىزدىن خوش بولدۇم، رەھمەت سىزگىمۇ.

رەھمەت ئاداش،