باھائى : ئۈچ روبائى [ئۇلانما كۆچۈرۈش]

ئەرشىدىن باھاي

ئۈچ روبائى

ئۆگۈتەر ھۇرۇنلۇق يېتىپ يىيىشنى.
ھالالغا ھارامنى قېتىپ يىيىشنى.
ئىشلىسەڭ تېپىلۇر بارچە خىراجىڭ،
ئۆگەنگىن رىسقىڭنى تېپىپ يىيىشنى.

ئەل ئۈچۈن ئىگىز تاغ داۋاندىن ئاشقىن،
ئوتىدا سەل بولۇپ دولقۇنلاپ تاشقىن.
يات ئېتەر ئەل ئاۋام سېنى بىر ئۈمۈر،
دىلىغا بىر لەھزە شام يېقىپ باققىن.

كېتىدۇ پەسىلنىڭ باھارى يازى،
تۇرمايدۇ قىزىلگۈل بەرگىدە نازى.
بەزىلەر دان ئۈچۈن ياشىسا قۇشتەك،
بەزىلەر ئەل ئۈچۈن ئۈلۈشكە رازى.

2012-يىل 22-سىنتەبىر
بۇ يازمىنى ئاخىرىدا   باھائى تەھرىرلىگەن. ۋاقتى  2012-9-22 16:20  

بۇ رۇبائىلار ئوبدان يېزىلىپتۇ. ئىپادىلىگەن پەلسەپىۋى مەناسىمۇ خېلى چوڭقۇر ئىكەن،  تىلىمۇ راۋان، يېقىشلىق.

رۇبائىيلار ياخىش يېزىلىپتۇ، بىراق تۆۋەندىكى مىسرادىكى «يات» دېگەن سۆزنى «ياد» دەپ ئالسىڭىز مۇۋاپىق بۇلارمۇ؟

يات ئېتەر ئەل ئاۋام سېنى بىر ئۈمۈر
(ياد ئېتەر ئەل ئاۋام سېنى بىر ئۆمۈر )

تصلص يصنصك، مةزمؤنص تصرةن چصقصپتؤ. قةلصمصثصز به ركةت تاپسؤن.

3-روبائى يارىدى. «ئوتىدا سەل بولۇپ دولقۇنلاپ تاشقىن.» ماۋۇ مىسرادا سەل؛ مەسىلە بارمۇ قانداق؟ «ئىشقى ئوتىدا سەل بولۇپ ئېقىش ، سۇ-ئوت.»