بالا باققۇچى قىز(شېئىر)ئادىلجان قادىر [ئۇلانما كۆچۈرۈش]

بالا باققۇچى قىز
ئادىلجان قادىر
ئۇخلىتىپ بۇپ غەمسىز بوۋاقنى،
مۈگىدەيسەن بۆشۈك تۈۋىدە.
چىرقىرىغان بوۋاق ئاۋازى،
چۆچىتىدۇ كۈندە ۋە تۈندە.
مەجبۇرلىقتا تەۋرىنەر بۆشۈك،
پەپىلەيسەن ئەللەي كۈيىدە.

«ئېلىپبە»نى تۈگەتمەي تۇرۇپ،
مۇھتاجلىقتىن بوپ قالدىڭ«ئانا»
يارىمايدۇ«ئاچاڭ»غا ئىشىڭ،
قىلغان ئىشىڭ دائىما چالا.
تەكرار-تەكرار بۇيرۇقلاردىن ھەم،
يۈرەكلىرىڭ بولماقتا يارا.
ھەۋەسلىنىپ قارايسەن مۇڭلۇق،
مەكتەپلەرگە ماڭسا بالىلار،
كۆرگۈڭ كىلەر داداڭ،ئاناڭنى،
ئىش قاينىغان ئېتىزلار ئارا،
ئۇلار بىلەن يۈرگەنلىرىڭنى.

يۈرىكىڭگە چېتىلغان بۆشۈك،
تەۋرىنىدۇ كېچە ۋە كۈندۇز،
مەجبۇر ساڭا بۆشۈك ۋە تۆشۈك،
روھىڭ شۇڭا ئاجىز تىنىمسىز.
كىچىك تۇرۇپ قالدىڭ ئوقۇشسىز،
ئەي بىچارە بالا باققۇچى قىز.

بۇ يازمىنى ئاخىرىدا   ئىجاد تەھرىرلىگەن. ۋاقتى  2012-9-22 13:18  

بالا باققۇچى  سەبىي  قىزنىڭ تۇرمۇش كارتىنسىنى كۆردۈم.ئىجادىيەت سەپىرىڭىز مەنالارغا تولغاي.  

قىزچاقنىڭ تەقدىرى ئاخىرىدا كېمنىڭ تەقدىرى...؟  ياخشى تىما بۇلۇپتۇ.

تىلى ئاددىي، يېقىملىق ۋە يەڭگىل چىقىپتۇ، ئىجادىيتىڭىزگە ئۇتۇقلار يار بولغاي.

بۇ شېئىرنى ئوقۇپ مەكتەپتە ئوقۇتقۇچىلىق قىلىدىغان  يېڭىدا تۇغۇپ ئورنىدىن تۇرغان ئايال ئوقۇتقۇچىلارنىڭ دەرستە ئانچە ياخشى بولمىغان قىزلاردىن تاللاپ، ئۆيىدىكىلەرگە قىزىڭىزنى مەكتەپتىن ئاجرىتىپ بىرىمەن دەپ، بالىسىنى باققىلى سالىدىغان، شۇ كىچىككىنە قىزنى بىردەمدە ئانا قىلىۋېتىدىغان، بالىسى يىغلىسا شۇ بالا باققۇچى قىزدىن كۆرۈپ ، دىلىغا ئازار بىرىدىغان، سىڭىللىرىنىڭ كونا كىيىم-كېچەكلىرىنى بىرىپ بالىسىنى باققىلى سالىدىغان ھۇرۇن بەزىبىر ئاياللارنىڭ قىلغان قېلىقلىرى يادىمغا يەتتى.
ھازىرمۇ مەۋجۇت بۇ ئىشلار، كۈندە كۆرۈپ تۇرىمەن. ئىچىم ئاچچىق بولۇپ، ئۆزىڭىز تۇغقاندىن كىيىن ئۆزىڭىز باقسىڭىز بولمامدۇ بالىڭىزنى دىگۈم كەپ كېتىدۇ.

ئانىلار تۇغۇشنى بېلىپ،بېقىشنى ئۇنتۇپ قالغانمىدۇ دەپمۇ قالىمەن،لىكىن ئىشلەمچىلەرگە نېمە ئامال؟يەسلىگە بەرسە تېخى ياشقا توشمىغان بالىنى.ھەي.....

بالنى ياخشى بېقىش ئاننىڭ مەجبۇريىتى ،ئەلۋەتتە.لىكىن بالسنى ياخشى كۆرگەندەك بالا باققۇچى باللارنىڭ تەقدىرنىمۇ ئويلاپ قويۇش كىرەكتە.