سەن ئۈچۈن(ئابلىپىز ئىدىرىس) [ئۇلانما كۆچۈرۈش]

سەن ئۈچۈن

ئابلىپىز ئىدىرىس

ئۆزگىلەرنى خالىمايدۇ ئەسلا دىل خانەم،

پىراقىڭدا ھەسرەت يۇتۇپ چەكسەممۇ ئەلەم،

مۇزلار تۇتۇپ كەتسە يۈرەك مەيلى مەلىكەم،

باشقا يارغا كۆڭۈل يوقتۇر پەقەت سەن ئۈچۈن.

يىراقلاردىن ئۇچۇپ كەلدى جۈپ-جۈپ تۇرنىلار،

ئېلىپ كەلدى خۇش ھىدىڭنى مەيىن شاماللار،

قانات ياساپ كەلگىنە بىر قىلىپ ئاماللار،

كۈتتۈم،  سېنى كەلگىنە بىر بەختىمىز ئۈچۈن.

پىنھانلاردا مۇڭلىنىمەن ئولتۇرۇپ تەنھا،

جۆر بولىسەن خىيالىمدا ئېيتىمىز ناخشا،

يىغلىسام گەر تەڭ يىغلايدۇ شۇندا ئاسمانلا،

ھىجرانلارنى باغاشلىشىم سەن يارىم ئۈچۈن.

كېتەلمەيمەن، كېچەلمەيمەن سۇغۇق خانەمدىن،

كەچسەم-كەچتىم ئاتىۋەتكەن ساڭا جېنىمدىن،

زارلىنىمەن قەھرىم چېچىپ ئۇشبۇ تەقدىردىن،

بۇ جانىمدىن كېچىشلىرىم جېنىم سەن ئۈچۈن.

2012-يىلى 9-ئاينىڭ21-كۈنى

بۇ يازمىنى ئاخىرىدا   ablipiz idiris تەھرىرلىگەن. ۋاقتى  2012-9-22 11:14  

يىراقلاردىن ئۇچۇپ كەلدى جۈپ-جۈپ تۇرنىلار،

ئېلىپ كەلدى خۇش ھىدىڭنى مەيىن شاماللار،

قانات ياساپ كەلگىن چوقۇم قىلىپ ئاماللار،

كۈتتۈم،  سېنى ئاداققىچە بەختىمىز ئۈچۈن.


پىنھانلاردا مۇڭلىنىمەن ئولتۇرۇپ تەنھا،

جۆر بولىسەن خىيالىمدا ئېيتىمىز ناخشا،

يىغلىسام گەر ئاسمانمۇ تەڭ چۈشەر ھازىغا..

ھىجرانلارنى باغاشلىشىم پەقەت  يارىم ئۈچۈن.




كېچەلمەيمەن -كېتەلمەيمەن سەندىن -يانىڭدىن

كەچسەم-كەچتىم ئاتىۋەتكەن ساڭا جانىمدىن ،

زارلانمايمەن سېنىڭ ئۈچۈن تۆككەن قانىمدىن ...

بارچىلەردىن  كېچىشلىرىم پەقەت  سەن ئۈچۈن.

بۇ ئاخىرقى كۇپلىتنى مۇنداق ئالساق ياخشىمىكىن دەيمەن ،سىز دىگەندەك ئالساق لوگىكىلىق زىتلىق شەكىللىنەمدۇ ؟قانداق ؟

بۇ يازمىنى ئاخىرىدا   قەلەمىي تەھرىرلىگەن. ۋاقتى  2012-9-22 16:05  

مېنىڭچە قەلەمىي ئەستايىدىل، سەمىمىي پىكىر بىرىپتۇ ئاداش، مەنمۇ قوشۇلىمەن،  چاپقىن ئاتتەك شاش بولۇپ.
ئامەتلىك بول ئاداش...

ئۆزگىلەرنى خالىمايدۇ ئەسلا دىل خانەم،

پىراقىڭدا ھەسرەت يۇتۇپ چەكسەممۇ ئەلەم،

مۇزلار تۇتۇپ كەتسە يۈرەك مەيلى مەلىكەم،

باشقا يارغا كۆڭلۈم يوقتۇر پەقەت سەن ئۈچۈن.

يىراقلاردىن ئۇچۇپ كەلدى جۈپ-جۈپ تۇرنىلار،

ئېلىپ كەلدى خۇش ھىدىڭنى مەيىن شاماللار،

كەلگىن بىر رەت (يۇلۇڭنىمۇ توسسا قاماللار)،                                                                       كۈتتۈم،  سېنى كۈتۈشلىرىم پەقەت ئۈچۈن.

پىنھانلاردا مۇڭلىنىمەن ئولتۇرۇپ تەنھا،

جۆر بولىسەن، خىيالىمدا ئېيتىمىز ناخشا،

يىغلىسام گەر تەڭ يىغلايدۇبۇ يەردە دەريا،                                                                                              ھىجرانلارنى باغاشلىشىم يارىم سەن ئۈچۈن.

كېتەلمەيمەن، كېچەلمەيمەن سۇغۇق خانەمدىن،

شۇ سەۋەپتىن خەۋەرسىزمەن بەلكىم ئايەمدىن.
زارلانمايمەن بۇ تەقدىردىن ،كەچسەممۇ جاندىن،
كېچىشلىرىم بىلسەڭ جىنىم يەنە سەن ئۈچۈن!!!...
ۋاپادار ھەم سەمىمى بىر ئاشىقنىڭ كۆڭلىنى ياخشى ئىپادىلەپسىز،شېئىرنى كۆرگەندىن كېيىن يۇقۇرقىدەك ئۆزگەرتىپ باقتىم، مۇۋاپىق بولسا، پايدىلنارسىز.قەلىمىڭىز بەرىكەتلىك بولسۇن!

بۇ يازمىنى ئاخىرىدا   ئەلرام تەھرىرلىگەن. ۋاقتى  2012-9-22 17:42  

شېئىرىڭىز ناھايىتى ياخشى يېزىلىپتۇ،تىلى ناھيىتى گۈزەل،مىنىڭچە ناخشا تېكىستى يېزىشتا ئىزدىنىپ باقسىڭىز بەك ياخشى بولغىدەك،شېئىرىڭىزدىن لىرىكا تۆكۇلۇپ تۇرغاندىن باشقا كۈچلۇك ئاھاڭدارلىققا ئىگە ئىكەن،ئىجادىيتىڭىزگە مول ئۇتۇقلار تىلەيمەن!

تىمامغا ئەستايىدىللىق بىلەن تەكلىپ-پىكىر بەرگىنىڭىزدىن سۈيۈندۈم رەھمەت سىزگە.

بولىدۇ، تەڭ ئىلگىرلەيلى ساڭىمۇ ئامەت تىلەيمەن، ئامال بولغىن!

سىزنىڭمۇ ئەستايىدىللىق بىلەن سەمىمى تەكلىپ-پىكىر بەرگىنىڭىزدىن، كۆز-قاراشلىرىڭىزنى دادىللىق بىلەن ئوتتۇرغا قويۇپ ئۆتكىنىڭىزدىن خۇش بولدۇم، رەھمەت سىزگە!

تەكلىپ-پىكىر، مەدەت-ئىلھاملىرىڭىزغا تەشەككۈر، بولىدۇ، مەن تىرىشىپ باقىمەن.

سىزگىمۇ رەھمەت، بەك چىرايلىقكەن.

بۇ تىمىغا ئۇستازلارنىڭ تۇتقان پوزىتسىيىسىدىن سۈيۈندۈم. ئەسەر ئۈچۈن مۇشۇنداق تەكلىپ پىكىر بىرىشىپ ئۆتسەك مېنىڭچە ھەممە ئادەم خۇرسەن بۇلۇدۇ. ئۈگۈنۈش -ئورتاق ئىلگىرلەش گەۋدىلىنىدۇ. قەلەمىي، ئەلراملارنىڭ پەزىلىتىدىن زوقلاندىم.