باھائى : ئۈشۈگەن ياپراق [ئۇلانما كۆچۈرۈش]

ئەرشىدىن باھاي

ئۈشۈگەن ياپراق

ئۈشۈگەن ياپراقتىن سىرغىغان شەبنەم،
سارغايغان تۇيغۇمنى قىلماقتا ۋەيران.
تۈكۈلەر ساپسېرىق غازاڭدىن ھىجران،
ئەي كۆڭۈل شادلىقىم كەلمىدىڭ بىردەم.

مەن ئېيتاي دەردىمنى ئەمدى كىملەرگە،
پۈتمىگەن يارامدا ئېچىلدى تىكەن.
بىر ئۈمۈر بىر سېنى سۈيىمەن دېگەن،
پۈركىدى قەلبىمنى قاقشال گۈللەرگە.

داۋامسىز بىر چۈشكە ئايلاندى ئاخشام،
يۈرەكتىن يۈرەككە ئۆتەلمىدۇق بىز.
كۆپۈككە ئايلاندى قەلبىمدىكى قىز،
ياڭرىماس تۈنلەردە ئالجىغان ناخشام.

قاغجىرغان خىياللار تۇرار چىرمىشىپ،
ھەسرەتتە ئولتۇرغان يېرىم كېچىگە.
بەرمەيمەن كۆڭلۈمنى باغلاپ بىرىگە،
يۈرمەيلى باغلاردا يالغان سىردىشىپ.

2012-يىل 21-سىنتەبىر

بۇ يازمىنى ئاخىرىدا   باھائى تەھرىرلىگەن. ۋاقتى  2012-9-22 09:57  

شىئېرىڭىزنىڭ تۇنجى ئوقۇرمىنىدىن سىزگە سالام !

شئېرلىرىڭىزنى ئۇقۇپ بەكمۇ سۈيۈندۈم. قەلىمىڭىز ھارمىغاي.

شېئىرنىڭ شەكلى جەھەتتىكى ئىزدىنىشىڭىز ياخشى باشلىنىپتۇ، ئەمما  ھىسيات جەھەتتە ئازراق زۇرۇقۇش  بار ئىكەن،بىراق بۇ چوڭ مەسىلە ئەمەس،مۇھىمى مەزمۇن.داۋاملىق تىرشىڭ.

شېئىرىڭىز  ئۇتۇغلۇق چىقىپتۇ. داۋاملىق يوللاپ تۇرغايسىز!