تاشيولغا كەل جانان [ئۇلانما كۆچۈرۈش]

تاشيولغا كەل جانان

ئەكبەر ئابدۇرېشىت تاشيولچى

تاشيولغا كەل جانان بار بىزدە خىسلەت،
باياۋان چۆلدە بار ئىللىق ھارارەت.
ھەم بار شوخ مەردانە، ئىشچان بىلەكلەر،
گۈرجەكتىن بالقىيدۇ ئوتلۇق مۇھەببەت.

تاشيولغا كەل جانان تىڭىرقىماستىن،
چىن سۆيگۈ ۋاپا بار بار ھەم ساداقەت.
تاغ تىشىپ يول ئاچقان باتۇر پەرھادتەك،
بىزدە بار يېڭىلمەس يۈرەك، جاسارەت.

تاشيولغا كەل جانان گۇمانلانماستىن،
كۆڭلىمىز بەك سۈزۈك گوياكى زۇمرەت.
قاپارغان  قوللاردا  ئالەمچە  مىھىر،
شۇ قولدىن ئېلىپ باق گۈلدەستە بىررەت.

تاشيولغا كەل جانان ئىككىلەنمەستىن،
ۋەدىمىز چىن بولسا تاپقاي ھەقىقەت.
ئەقىدە  ساھىلى  يوللارغا  تۇتاش،
ۋىسالنىڭ مەنزىلى مەڭگۈلۈك ئەبەت.

تاشيولدا ماڭغاندا ئەي لىۋەن جانان،
قاراپ قوي بىزلەرگە ،بىر دەستە گۈلگە.
سۈڭكى پۇلاتتەك ئەجرى بىباھا،
مانا بىز تاشيولچى بارچىغا ئۈلگە.

بۇ بىزنىڭ تىممىز بولغاندىن كىيىن ئىلھام كەپكەتتى  ئازراق بىلجىرلاپ قۇياي:


تۇمۇردا ئۆركەشلەپ ئاقدۇ قانلار،
ۋەتەن دەپ تىپىرلاپ ھايات بۇ جانلار.
ھەر ئىككى دۇنيادا يۇرۇق يۈزمىز،
لەنەتكە مەھكۈم بوپ ئۆتتى نى خانلار.

باياۋان چۆلدە بار ئىللىق ھارارەت.



ۋەدىمىز چىن بولسا تاپقاي ھەقىقەت.


بۇ مىسرالارغا  قاراپ باقسىڭىز...

تاشيولغا كةل جانان، سأيمةكچص بولساث،
قةلبصثدة مذهةببةت لصقلاپ ظصلصپ كةل.
ماثايلص بصز بصللةهايات يولصنص،
تاشيولدا ظاخصرقص دةمگصچة تذگةل.

سىزنى ئىزدەپ بارسام تاش يولغا،
يول ياسالماي قېلىپ قالارمو؟
ماشىنىلار ئۆتەلمەي تاغدىن،
يولىچىلار ھېرىپ قالارمو؟

يىپەك لىنتىلاردەك سوزۇلۇپ قەدىردانلارنى، مىھىربانلارنى يۈز كۆرۈشۈشكە ئېلىپ بارىدىغان يوللىرىمىزنىڭ ئاسرىغۇچىسى، ياسىغۇچىسى بولغان  تاشيولچىلارغا  ئىسەنلىك يار بولغاي!

شېئىرمۇ ياخشى، مۇشائىرلەر تېخىمۇ ياخشى چىقىپتۇ.

جاپاكەش يول ئاسرىغۇچىلار ئامان بولسۇن .

ئەل-خەلىق دەپ قىشمۇ-ياز جاپا چەكتىڭىز،
پەرھات كەسكەن  تاغلارنى سىزمۇ كەستىڭىز.
سىز ياسىغان يوللاردىن ماڭغانتۇق تالاي،
بۈگۈن بىزگە مۇھەببەتتىن  گۈللەر تىزدىڭىز.

تاشيولچى تاغا  تىخىمۇ بەرىكەتلىك بولۇڭ

شېئىردا تاشيولچى ئەزىمەتلەرنىڭ ئۆز قەدىردانلىرىغا بولغان سۆيگۈسى ئۇلارنىڭ ئۆزكەسپىگە بولغان ساداقىتى بىلەن بىرلەشتۈرۈلۈپ شۇنداق ياخشى ئىپادىلىنىپتۇ. ئاپتۇرنىڭ ئىستىداتىغا بارىكاللا.

‹‹تۇرپانغا كەل ›› دىگەن ناخشىنى ئەسلەتتى...

مىنى ئىزلەپ كەلسىڭىز يولغا،
بېشىم يىتەر كۆككە جانانىم.
يۇلىڭىزغا پايانداز سېلىپ،
دەيمەن سىزنى دىلدىن خاقانىم.

سىزنى ئىزدەپ تاش يولغا بارسام ،
بېرەرسىزمو گۇرجىكىڭىزنى.
پۇشايمان قىپ قاخشاپ يۇرىمەڭ،
ئۇتسام قەلىپ بۇرجىكىڭىزنى.

مىنى ئىزدەپ كەلسەڭ تاشيولغا،
يۈرۈگۈمنى قوش قوللاپ تۇتاي.
چىن سۆيگۈنىڭ كۆۋرۈكلىرىگە،
سىنى باشلاپ كۆڭلۈڭنى ئۇتاي.