توي قىلغۇم بار سېنىڭ بىلەن ئاي [ئۇلانما كۆچۈرۈش]

توي قىلغۇم بار سېنىڭ بىلەن ئاي
(شېئىر)
تاشلىغىن ئاي ماڭا ئارغامچا،
مەن ئىشقىڭدا كەتتىم قىينىلىپ.
ئارغامچىدىن يامىشىپ چىقاي،
چۈشەيلىچۇ بىرگە سىيرىلىپ؟!

ناۋادا بىز توي قىلىپ قالساق،
يۇلتۇزلارغا يازىمەن باغاق.
ئاش تارتىمىز پۈتۈن ئالەمگە،
بولامدىكەن ؟! ئويۇم قانداقراق؟!

ئۇقاتتىغۇ سۈنئىي ھەمرادا،
ئىشىمىزنى جىمى ھەممەيلەن.
تويىمىزنى يۆتكەيىتتۇق يەنە،
ئاشۇ ئالەم كىمىسى بىلەن.

بەختىمىزگە جۆر بولۇپ  شۇ كۈن،
«ساما» غىلا چۈشەتتى ئالەم.
ئېپ كىلەتتى ئالدىڭغا پولۇ،
زامانىۋى ماشىنا ئادەم.

كىيۇ كىيۇرۇڭنى قالدۇرساڭچۇ ئاي،
چىقىپ تۇرغىن تۈنلەردە تورغا.
تويىمىزغا پۈتۈشكەن دەقىق،
راكىتادا چىقىمىەن يولغا.

توي قىلغۇم بار سېنىڭ بىلەن ئاي،
بىر قولۇڭنى بەرسەڭچۇ سۇنۇپ.
قونارسەنكىن قايسى ئاخشامدا،
ياستۇقۇمغا كىپىنەك بولۇپ...؟!

مەنبە: مەمەتجان ئابلەت يازغان.
2010-يىلى09-ئاينىڭ20-كۈنى يېزىلغان.

بۇ يازمىنى ئاخىرىدا   مەمەتجان ئابلەت تەھرىرلىگەن. ۋاقتى  2012-9-21 16:49  

شصظئردئكئ باغلانما تةسةؤؤر خصلص جايصدا چصقصپتذ.بئراق، 1-مئسراغا قايتا قاراپ باقمامسئز؟

بۇ شېئىردا تەبىئى مىسرالارنى پەقەت ئۇچراتمىدىمغۇ؟

ئەلۋەتتە تەبئىي مىسرالارنى ئۇچراتمايسىز...تەلقىن ئاكا. ئەجىبا  فانتازىيەلىك كىنو ئىشلىسە بولىدىكەنۇ فانتازىيەلىك شېئىر يازسا بولمامدىكەن..؟!  ئۇخلاپ تۇرۇپ چۈش كۆرگەننى يازسا بولىدىكەنۇ  ئويغاق تۇرۇپ رىئالى چۈش كۆرۈپ باقسا بولمامدىكەن؟! ئالەم كىمىسى، راكىتا، سۈنئىي ھەمرا...دىگەنلەر بىز ئىنسانلاردا باغۇ؟! ئەمدى باشكىچە تەسەۋۋۇر قىلىپ بىقىڭ. مەسىلەن : مەن ئاينى يايرىم سۈپىتىدە تەسۋىرلىدىم . ناۋادا ئاي شارىدا بىزگە ئوخشاش مەخلۇقلار بولغان بولسا بىز ئىنسانلارنىڭ ئاي شارى بىلەن قۇدىلاشمايدۇ دەپ كىسىپ ئىيتالامسىز؟!  بىراق يەنىلا ئۆزىمىزنىڭ ئۆزىمىزگە توغرا بولغاچ تۇرسۇن....قانداق؟!
رەھمەت سىزگە. سالامەت بولۇڭ...!

مېنىڭچە تەبىئىي چىقمىسىمۇ ،قوپال ،يىقىمسىز ،بەدىئىلىكى تۆۋەن بولۇپ قالسىمۇ مەيلىكى، ئىجادىيەت بولغىنى ئۈچۈن مۇشۇنداق ھېچكىم دەپ باقمىغان يېڭى گەپلەرنى فانتازىيە بولسىمۇ ،چۈش بولسىمۇ ،جۆيلۈش بولسىمۇ شېئىر قىلىپ يېزىش ،باشقىلار نۇرغۇن قېتىملاپ دەپ بولغان كونا گەپلەرنى ،پىكىر ،ھېسياتلارنى يەنە قايتىدىن يېزىپ چىقىشتىن مىڭ ئەۋزەل.

ئەگەر ھەمىمىز تەبئىيلىكنى قوغلىشىپ ياشىغان بولساق تۈمۈر تۈمۈر پىتى قالاتتى. بىراق ھازىرچۇ؟ يەر ئاستىدىكى تۈمۈرلەر ئاسمانغا پەرۋاز قىلىۋاتمامدۇ؟!

تاشلىغىن ئاي ماڭا ئارغامچا،

مۇنۇ مىسرانى           ئارغامچاڭنى تاشلىغىنە ئاي   دەپ ئالساق قانداق بۇلار  قېرىندىشىم؟

ئەلۋەتتە بولىدۇ. نىمىشكا بوممىگۇدەك.  «ۋەلىسپىت» تىن« موتسىكىلىت» قا ئۆزگەرسە كەشپىيات دىگەن شۇ...

سالامەت بولۇڭ...ئوبدان قىرىندىشىم...!

ئۇكام ،مەن ئىنكاسىمدا «تەبىئىيلىكنى قوغلىشىپ ياشاش...»دېگەندەك بىرەر مەزمۇندا گەپ قىلمىغان ئىدىم. ئىنكاسىمنى تولۇق ئوقۇماي تۇرۇپ ئىنكاسىمغا ئىنكاس يازغان ئوخشىمامسىز؟مېنىڭ يازغان ئىنكاسىمنى يەنە بىر قېتىم ئوقۇن بېقىڭ،ناۋادا شۇ چاغدىمۇ يەنە

ئەگەر ھەمىمىز تەبئىيلىكنى قوغلىشىپ ياشىغان بولساق تۈمۈر تۈمۈر پىتى قالاتتى. بىراق ھازىرچۇ؟ يەر ئاستىدىكى تۈمۈرلەر ئاسمانغا پەرۋاز قىلىۋاتمامدۇ؟!

دەپ چۈشەنسىڭىز ،ئۇ چاغدا ئىككىمىزنىڭ ئوتتۇرىسىدا مەلۇم نەرسىلەرنى چۈشىنىش ئۇسۇلىمىزدا زادى بىر -بىرىمىزگە يىقىنلىشالغۇدەك ھەم تەسەۋۇر قىلالغۇدەك ئارىلىق مەۋجۇت ئەمەسكەن دەپ قاراپ ،ئۇ ئىنكاسىمنى ئارتۇقچە بولۇپ قاپتۇ دەپ  ئۆچۈرۋىتىمەن.

تەسەۋۇرغا ئاجايىپ بايكەنسىلەرغۇ؟ زوقۇم كەلدى بۇ شېئىرنى ئوقۇپ، ھارمىغايسەن ئاداش....

مەن ئىنىمىزنىڭ تەسەۋۋۇر ئېڭىغا قايىل بولدۇم، يەر شارىدا ئەسلى يول يوق ئىدى، ئىنسانلار ماڭغاندىن كېيىن چېغىرلار ھاسىل بولۇپ، كېيىن داغدام يوللارغا ئايلانغان. باشقا تورداشلارنىڭ ئىنكاسىدىن بۇشاشما ئۇكام، ئۇلارمۇ سەن ئۈچۈن ياخشى بولسۇن دەپ دەۋاتىدۇ. مېنىڭچە ياخشى چىققان بىر شېئىركەن، تىرىشقىن، بۇ بىر خىل ياخشى باشلىنىش.

مەن شېئىرىڭىزنى ئوقۇپ سىزدىكى تەسەۋۋۇرغا قايىل بولۇپ قالدىم. ھەم ئوقۇپ بولۇپ كۈلۈپ كەتتىم. چۈنكى سىز ئۆزىڭىزدىن خېلىلا ھالقىپ،يېڭىچە بولغان بىر ئۇقۇم بىلەن مىسرالارنى تاماملاپسىز. كىيىنكى، تېخىمۇ باي بولغان تەسسەۋۋۇرىڭىزغا بەرىكەت تىلەيمەن .

غەيرەت قىلىڭ ئىنىم !!

شېئىرىڭىزنى ئۇقۇپ سۇيۇنۇپ كەتتىم ،ئادەم دېگەن  يېڭىلىققا ئىنتىلىپ تۇرۇشى كېرەك.ئەڭ يېڭى تەسەۋۇرنى ئوتىرىغا قويۇپسىز،لېكىن-زە سىز ئاي بىلەن توي قىلسىڭىز بىزنىڭ قىزلىرىمىز قانداق قىلا(چاقچاق)

مۇشۇنداق تەسەۋۋۇر، مۇنازىرىلەر  سىزگە چوقۇم يېڭى ۋە تەبىئى بولغان ئىلھاملارنى ئىلىپ كېلىدۇ. چۈنكى ئۈزلۈكسىز ئۈگۈنىش، تەپەككۇر قىلىش ئارقىلىق ئادەم ئالغا ئىلگىرلەيدۇ.

كەچۈرۈڭ ،مە «تەبئىيلىكنى» تەلقىن ئاكامنىڭ «بۇ شېئىردا تەبئىي مىسرانى پەقەت ئۇچراتمىدىمغۇ ...؟!» دىگىنىگە قارىتا دەپتىكەنمەن. ھىچقىسى يوق. ھەرزامان  قىلغان ئىشىغىزغا پۇشايمان قىلسىڭىز بولىدۇ...!