ئابدۇلىتىپ: ئۈمىتۋارغا ئامراق بۇ ئالەم [ئۇلانما كۆچۈرۈش]

                                    
                                             ئۈمىتۋارغا ئامراق بۇ ئالەم

                                                 ئابدۇلىتىپ ئىمىن

بولايمىكىن ئامەت ئاسمىنى،
تەلەيسىزگە تەلەي ياغدۇرۇپ.
بولايمۇ يا باھار يامغۇرى،
قەلبلەرگە ئۈمىت تولدۇرۇپ.

ئېرىشىش ۋە يوقۇتۇش نېمە؟
ئويلىنىشنىڭ مەناسى بار كۆپ.
ھەر شەيئىدە بولۇر ئىككى <<يۈز>>،
چۈشەنگەنگە ھەمرا شادلىق كۆپ.

ھاياتلىقتا قانۇنىيەت بۇ،
كۆركىمىزگە سىزىدۇ <<رەسىم>>.
يولىمىزدا  گاھى بار سىناق،
بەخت قۇشى سايرىماس بەلكىم.

ۋاز كېچىشنىڭ ئۆزى بىر بەخت،
لېكىن كەچمە ھەممە – ھەممىدىن.
ئېرىشكەننىڭ قەدرىگە يەتكىن،
ئاشۇ بەخت ئارتۇق ھەممىدىن.

ئېرىشكەننىڭ قەدرى قىممەتلىك،
سەۋر بىلەن ئەجىر ھىممەتلىك.
پەرۋىشلىگىن مۇھەببىتىڭنى،
مۇھەببەتلىك ھايات زىننەتلىك.

قايغۇرمىغىن ئۆتمۈش بىر مەكتەپ،
ئۆتكىلى بار ئۇتۇقلىرى ھەم.
ئەتە ئۈچۈن بەرگىن مېھرىڭنى،
ئۈمىتۋارغا ئامراق بۇ ئالەم.

كۆڭۈلگە تەسەللى شېئىر ئىكەنغۇ بۇ. بولسا كۈندە بىر ئوقۇپ قويسا ياخشى بولغىدەك. ئەجرىڭىزگە رەخمەت.

كىشىگە ئۈمىد ئاتا قىلىدىغان بۇ شېئىرىڭىزنى تولىمۇ ياقتۇردۇم. قەلىمىڭىزگە دەدر كەلمىسۇن!

بولايمىكىن ئامەت ئاسمىنى،
تەلەيسىزگە تەلەي ياغدۇرۇپ.
بولايمۇ يا باھار يامغۇرى،
قەلبلەرگە ئۈمىت تولدۇرۇپ.
مەنچە غايەت زور ئىتتىرىش كۈچىگە ئىگە شائىر يۈرىكى ھاياتلىقنىڭ تىرەن تەلقىنلىرىدە ‹‹ بۇلايمىكىن ...›› دەپ ئارىسالدى بولماسلىقى كېرەك.

   ھاجەتمەنلەرگە ھەممە نىمە بولۇغۇم كېلىپچۇ، ھاھاھاھ ، مەدەت، مەسلىھەتلىرىڭىزگە رەخمەت ! بۇ يازمىنى ئاخىرىدا   ئابدۇلىتىپئىمىن تەھرىرلىگەن. ۋاقتى  2012-9-21 19:32  

   تۇرنىسا  خانىم، گۈلباھار  خانىملارنىڭ شېئىرىمغا  زەڭ قويغىنىدىن خۇش بولدۇم، مەسلىھەتلىرىڭىزلارنى ئايىمىغايسىزلەر ئەزىزلەر !