چۈشلېرىمگە سەن كىرگەن كېچە [ئۇلانما كۆچۈرۈش]

                             چۈشلېرىمگە سەن كىرگەن كېچە

                                       ئىلھام دىيۋانە

                            باغاشلايمەن ياستۇقنى بىر پەس ،
                           شېرىن چۈشتىن ئويغانغان سەھەر .
                           نۇرلېرىغا چۈمۈدۇ كۆڭۈل ،
                          كەچمىشلەرنى سۆيگەن خىيال _ زەر


                        ئۆڭۆپ كەتكەن ئۇنتۇلماس كۈلكە ،
                         ئويلېرىمغا تاشلايدۇ سايە .
                         نازغىتېدۇ خۇش پۇراق چېچىپ ،
                         خازان بولغان بېغىمدا لالە .


                          پىنھاندېكى پىچىرلاشقان سۆز ،
                          ئاي نۇرىغا چۈمۈلگەن كۈلكە .
                           كوكات باسقان خىلۋەت چىغىر يول ،
                          ئېقىپ- ئېقىپ كىرەر كۆڭۆلگە .


                           
                           بېشىمىزدا ئۇچۇدۇ مانا ،
                           يانۋاردېكى ئاپپاق چېچەكلەر .
                           لىرىك كۈيدەك ياڭرايدۇ قايتا ،
                          چىمبۇلاقتا ئېيتقان تىلەكلەر .


                           باھار ھىدى چاچار خىيالغا ،
                           ۋىسال قۇچقان دەملەر بىر نەپەس .
                           كۆكلەر قايتا غېرىپ كۆڭۈلدە ،
                           ئۆلۆپ كەتكەن سۆيگۈگە ھەۋەس .


                           ئازاپلارنى ئۇنتۇيمەن بىر پەس ،
                           ئەڭ ئۇنتۇلماس كەچمىشلەر ئىچرە .
                            سەرسان ھېستا چېچەكلەر شاتلىق ،
                           چۈشلېرىمگە سەن كىرگەن كېچە .

2012-يىلى 21-سىنتەبىر شەھرى قەشقەر .

شۇنداق يېقىشلىق، چىققان شېئىركەن ، ئىملاسى بىئارام قىلدى.

ئىسىل شېئىرلارنى ئوقۇپ، چۈشلۈك دەم ئېلىشىم كۆڭۈل ئۆتىدىغان بولدى.  ئىلھامجاننىڭ ئىلھاملىرى زىيادە بولغاي. شېئىرلىرىڭىزنىڭ دائىملىق ئوقۇرمىنى بولسام دەيمەن.ياقتۇردۇم.

ئىملاغا ئېتىۋار بەرسىڭىز بولغۇدەك. .......(سەمىمىي تەكلىب)
بۇ يازمىنى ئاخىرىدا   ئاينۇرى تەھرىرلىگەن. ۋاقتى  2012-9-21 14:31  

سەن چۈشۈمگە كىرمىگەن كىچە

كۆيۈك تاغدا غىرىپتۇر بىشىم،
قورام تاشقا تامار كۆز يىشىم.
لاۋۇلدايدۇ ھەسرەتتىن ئىچىم،
سەن چۈشۈمگە كىرمىگەن كىچە.
        
سەھەر ماڭا كۈلۈپ باقمايدۇ،
قۇياش ئىللىق قۇچاق ئاچمايدۇ،
دەريالىرىم شوخلاپ ئاقمايدۇ،
سەن چۈشۈمگە كىرمىگەن كىچە.

سىغىنىشتا ۋۇجۇدۇم تىتىرەر،
يۈرىكىمنى دەرت- پىغان ئىزەر،
دىل خانەمنى بىر يىغا كىزەر،
سەن چۈشۈمگە كىرمىگەن كىچە.

كۆزلىرىمدىن ئىزدەپ قالىمەن،
يۈرىكىمدىن سوراپ قالىمەن،
شاماللاردىن پۇراپ قالىمەن،
سەن چۈشۈمگە كىرمىگەن كىچە.

ئايتۈرك

بۇ يازمىنى ئاخىرىدا   ئايتۈرك تەھرىرلىگەن. ۋاقتى  2012-9-21 16:02  

ئىلگەرلەش ئىنتايىن تېز، قەلىمىڭ بەرىكەتلىك بولغاي ئىنىم، شېئىريىتىمىزگە يېڭى قان ئاتا قىلىشىڭنى ئۈمىد قىلىمەن.

ئابلىپىز ئاكا ، ئاينۇرى ھەدە   سېلەرگە كۆپ رەخمەت . كىشى كىشىنىڭ ئەينېكى دەپتىكەن ، مەن بىر خاتالىقىمنى بىلۋالدىم  . چوقۇم ئۆزگەرتىشكە تىرىشېمەن .  ئايتۈرۈك ھەدە سىزگېمۇ كۆپ رەخمەت ، يازمىڭزدىن يېڭىچە ئىلھاملارغا ئېرىشتىم . ئايبۈۋى ئاپا ، بۇرۇندىن تارتىپ مېنى قوللاپ كېلۋاتېسەن ، ياخشى تىلەكلېرىڭگە كۆپ رەخمەت . بۇ يازمىنى ئاخىرىدا   دېخلېۋى تەھرىرلىگەن. ۋاقتى  2012-9-22 10:52