ھىجىران تىۋىشى [ئۇلانما كۆچۈرۈش]

                                    ھىجىران  تىۋىشى

                                      ئىلھام ديۋانە  

                          ئۈشۈك تەگكەن كۈلكىلەر قىرتاق ،
                          غېرىپ كۆڭۈل چۈشەيدۇ باھار .
                          ئاھ يۈرەكنى ئېزىدۇ بۇدەم ،
                          دەۋرەپ كەلگەن يىغلاڭغۇ ھېسلار .

                        
                          توختام سۇدەك بىخسىغان خىيال ،
                          بىلەلمەيدۇ قايان ئېقىشنى .
                          قاخشال بىر روھ ئەسلېمە ئارا ،
                          ئۈگېنىدۇ تىم -تىم مېڭىشنى .

                        
                          قارچۇقلاردا تۇنجۇققان ئۈمۈد ،
                          نىگاھلارغا سىڭگەن ئېچىنىش .
                         بىلىنېدۇ ھايات بىمەنە ،
                         ياشاش بۇدەم ئەڭ ئازاپلىق ئىش .


                       چاناقلاردا ئەگىپ يۈرەر ياش ،
                       تىنىقلاردا ئازاپنىڭ ھىدى .
                       بىر ئىلاھى ئىستەك ئىچىرە ،
                       نەملېنىدۇ ئالبومنىڭ بېتى .


                       يات نەزەردە كۆز تىكېدۇ ئاي ،
                       يۇلتۇزلارمۇ تۈرىدۇ قاپاق .
                       زىمىستانغا ھامىلدار كېچە ،
                      باھار رەڭلىك چۈشلەرگە يىراق .


                     ئىللىق چىراي ئاچمايدۇ قۇياش ،
                     سايېسىنى ئايايدۇ سېدە .
                     ئون گۈلىنىڭ بىرى، ئېھ بۇدەم _
                    ئېچىلمېغان بىر يۈرەك زېدە .


  2012-يىلى 21-سىنتەبىر .شەھرى قەشقەر .
بۇ يازمىنى ئاخىرىدا   دېخلېۋى تەھرىرلىگەن. ۋاقتى  2012-9-21 11:33  

بۇ شېئىرنى ئوقۇغان چېغىمدا شېئىر ئوقۇۋاتقاندەك تۇيغۇغا كەلدىم. بەلكىم بۇ شېئىرنىڭ ئۇتۇقلۇق چىققانلىقىدىن بولسا كېرەك.

بەركەتلىك بولۇڭ.

شۇنداق ياخشى يېزىلىپتۇ. ئىپادىلەش ئۇسسۇلى ئۆزگىچە، تىلى يەڭگىل، يېقىشلىق بوپتۇ.

ئاينۇرى ھەدە ، دىلشات ئاكا رەخمەت سېلەرگە .

    قەلىمىڭىز    بەرىكەت   تاپسۇن  .

ياخشى تىلېكىڭزگە رەخمەت .