ئوتقاش:ئـاخىرقـى مــەكــتۇب [ئۇلانما كۆچۈرۈش]

ئېلىپ كەتكىن جۇل-جۇل يۈرەكنى،

بولسۇن ساڭا تۇتقان يوللۇغۇم.
بۇ يەرنى قايتا ئويلاشسىڭىز بولغىدەك. بۇ يازمىنى ئاخىرىدا   ئاينۇرى تەھرىرلىگەن. ۋاقتى  2012-9-20 11:36  

يېقىشلىق مىسرالىرىڭىزنى كۆرمىگىلى ئۈزۈن بوپتىكەن ، ھارمىغايسىز .

مېھنەتكەش قەلەم ساھىبلىرىنىڭ ئاددى يازمامغا قالدۇرغان ئىنكاسلىرىغا ۋە قىممەتلىك پىكىر-تەكلىبلىرگە تەشەككۈر.
ئاينۇرى ھەدە،يۇقارقى ئىككى مىسرا ھەققىدە ئويلىغانلىرىڭىزنى قىسقىچە بايان قىلىپ بەرگەن بولسىڭىز تۇلىمۇ خۇرسەن بۇلاتتىم.

ئىنىم شۇ پارچە شېئىرنى قايتا قايتا ئوقۇپ باقسىڭىزلا، بىلىۋالالايسىز. ئىجادىيىتىڭىز بەركەتلىك بولغاي.

ماقۇل ھەدە،مەن يەنە بىر قاراپ باقاي.سالامەت بۇلۇڭ.

قەلىمىڭىز  بەركەت تاپقاي ،.يەنىمۇ ئىسىل ئەسەرلەر لىرىڭىز رويىكاپقا چىققۇسى .

ھەر ئىرغىتساڭ سۆيگۈ شېخىنى

جىگدە پۇراق تۆكۈلسە سەندىن،
يامىشىدۇ دىلغا ھاياجان.
كەلسەڭ ئەگەر قارلىغاچ بولۇپ،
چېچەكلەيدۇ يۈرەكتە ئارمان.


ھەر ئىرغىتساڭ سۆيگۈ شېخىنى،
پەر قاقىمەن سامادا لەرزان.
بۇلاقلاردەك تۇرساڭ چايقىلىپ،
شوخ بېلىق بوپ ئۈزىمەن ھەريان.

كۆزلىرىڭ پىچىرلاپ ئېيتقاندا ئۆزھال،
جىغىلدايدۇ يۈرەك بېغىشىم.
قۇياش بولۇپ باغرىمغا چۆكسەڭ،
توختاپ قالار قەلب تىۋىشىم.

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-22 17:56  

كەچۈر مېنى قويدۇڭ يوقۇتۇپ

سۆيگەن بولساڭ مېنى مۇبادا ،
كەچمەس ئىدىڭ بۇنچە ئالدىراپ.
چىدىمامتىڭ  لېۋىڭنى چىشلەپ،
مەن بارغۇچە سەندىن ھال سوراپ.

ئايرىلىشقا قىلىپسەن نىيەت،
زىمىستان قىش ئۆتۈپ كەتكۈچە.
كۈتەلمەپسەن شام-چىراغ يېقىپ،
باھار تۇغقان يېڭى تاڭغۇچە.

چىن ئەقىدە شۇنداق بۇلامدۇ؟
جاۋاب بەرگىن يۈرەكنى تۇتۇپ.
تەقدىرشۇنداق سۇئال تاشلىسا،
قېنى كىملەر قويدى ئۇتتۇرۇپ؟

ۋاپاسىز سانىلىپ يۈرگىنىم قىززىق،
باھانەڭنىڭ قۇربانى بۇلۇپ.
كەچتىم مەنمۇ ئىككىلەنمەستىن،
كەچۈر مېنى قويدۇڭ يوقۇتۇپ.

2012-يىل 2-ئاي 7-كۈن(مارالبېشى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-26 15:55  

ئاشىقلىقتىن شائىرلىق چىقىدۇ...تېخىمۇ بەرىكەتلىك بولغايسىز!...مەتبۇئاتلاردىمۇ شېئىرلىرىڭىزدىن بەھىر ئالايلى!... بۇ يازمىنى ئاخىرىدا   ئا.ئا.سەئىدى تەھرىرلىگەن. ۋاقتى  2012-9-26 16:13  

قارچۇقتىكى ئوت

مەكتۇپ يازدىم يەنە قايتىلاپ،
پوچتىكەشنى قىلىپ ئاۋارە.
كۈز پەسلى ئېھ، ياپراق تاشلىسا،
يۈرەك باغرىم بولۇپ سەكپارە.

چىغىر يوللار ئونۇتتى بەلكىم،
جۈپ قەدەملەر چەككەن ئىزلارنى.
ئېرىتەلمەس سوغوق نۇر -تالا،
باغرىمدىكى چوكا-مۇزلارنى.

قورشاۋىدا قوۋناق ھېسلارنىڭ،
خىياللىرىم بولماقتا غازان.
شىددەت بىلەن ئۆرلىگەنچە مۇڭ،
كۆز ئالدىمدىن ئۇچماقتا مانان.

سېغىنىشنىڭ رېلىسلىرىدا،
يەنجىلمەكتە كۆكلىمەس ۋۇجۇد.
قۇش پىيىدەك ۋىجىك تىنىمنى،
يالماپ بارار قارچۇقتىكى ئوت.

كەلمەس بىراق سېنىڭدىن ئۇچۇر،
جاۋابىڭنى زارىقىپ كۈتسەم.
يۈرگەنسەنمۇ غەمسىز تۇيغۇدا،
ئاسمىنىڭدىن چاراقلاپ ئۆچسەم.

ئوخشار ئىدى چېچىڭنىڭ رەڭگى،
تۈنلىرىمنىڭ چەكسىزلىكىگە.
شۇڭغۇپ كىرىدىم يىگانە پېتى،
ناخشا ئېيتىپ مىسكىنلىكىمگە.

بۇلاقلاردىن ئەكسىمنى كۆردۈم،
ئۆڭى ئۆچكەن تۆمۈر سىياقتا.
بارچە دەرتىنى قەدەھكە قويۇپ،
يۇتتۇم ئاچچىق قاقشال تۇيغۇدا.

خانۋەيران بولغان كۈلبەمدە،
توشقۇزدۇم لىق غېرىپ كۈلداننى.
ئۆرلىمەكتە تاماكا ئىسى،
سېغىندۇرۇپ جانان ھىدىنى.

گۈل تەشكى تۇرار تەكچىدە،
سولغۇنلىقى جېنىمغا پېتىپ.
ئىستىسەممۇ ۋەسلىڭنى ئەمما،
سۆيەلمىدىم لېۋىڭگە قېنىپ.

سەنسىز كېچە ئېغىر ئۇھسىنىپ،
تەلۋىلەرچە كۈلۈپ كېتەرمەن.
يۇلتۇزلارنىڭ قاقشال شېخدىن،
بەلكىم بىر كۈن توزۇپ كىتەرمەن.

2010-يىل 11-سىنتەبىر(مارالبېشى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-26 16:00  

باغرىمدا ئۈزمەكتە نىمىجان بېلىق

ئۇرۇلۇپ بارغانچە چەكسىز تارلارغا،
كېچىلەر كۈزىدىن ئۆچمەكتە يۇلتۇز.
تۆككەنچە مۇڭ ناۋا ناخشىدەك ھېجران،
كۈيىدە ئاقىرىپ ئۆسمەكتە قۇندۇز.

مەن بۆگۈن كېچىنىڭ تەنھا مېھمىنى،
پەتىلەپ چىقىمەن غېرىپ كەپىدە.
نوزۇگۈم چېچىنى تارىماقتا ھەي،
سايرىسا قۇشلىرىم قەپەز ئىچىدە.

رەشىكتە تولغۇنۇپ ئالجىدىم پات-پات،
ساپايەم بېشىمدا پەشلىرىم يىرتىق.
جۇدالىق دېڭىزى يۇتسا لەھەڭدەك،   
باغرىمدا ئۈزمەكتە نىمىجان بېلىق.

قۇتۇلۇپ چىقالماي كەيىپلىكىمدىن،  
ئېھتىمال چۈشۈمدە كۆرىمەن سېنى.
سەن لېكىن ئەبەدي تۇتۇق بەرمەيسەن،
يىگانە مۇڭلارغا قالدۇرۇپ مېنى.

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-26 16:07  

ئىچكۈم بار سۈيۈڭدىن يەنە بىر يۇتۇم

لەزەتلىك سۆيۈشتىن ئۇچقۇندىغان ئوت،
ئاقماقتا كۈۋەجەپ  تومۇرلىرىمدا.
سىمابتەك ۋۇجۇدقا قونغان ھاياجان،
ئەنبەر ھىد چاچماقتا ماڭار يولۇمدا.

لېۋىڭدىن -لېۋىمگە تۆككەن قەتىرلەر،
شۇنچىلىك غۇبارسىز شۇنچىلىك مەسۇم.
بولسىمۇ مۇز ئوكيان جىمىكى ئەتراپ،
ئىچكۈم بار سۈيۈڭدىن يەنە بىر يۇتۇم.

چاقنىسا يۈرەكنىڭ قېتىدىن ئوتقاش،
چىللايمەن يار سېنى نۇرلۇق كېچىگە.
تىلىگىم سۆيۈشتىن قىلما نامەھرۇم،
كۈتەيمەن ئاداققي باغلاپ ئەقىدە.

2010-يىلى 20-ماي(ئۈرۈمچى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-26 16:12  

مەيلى چوغ بەر ئاخىرقى قېتىم

دۇتتۇرۇڭنى قولۇڭغا ئېلىپ،
چالغىن ئۇزاق مۇڭلۇق پەدىگە.
تاشتەك ئۇيۇل قاتقان يۈرىكىم،
ساما سالسۇن كۈيۈڭ لەرزىدە.

ھاياجاندا چاقنىسۇن يال-يۇل،
ھېلالسىراپ قالغان كېچىلەر.
ناخشىللىرىڭ بەرسە دىل ھوزۇر،
ئارام تاپسۇن چىگىش كۆڭۈللەر.

كەلگىنىڭدە ئۇزاق مۇڭدۇشۇپ،
سىرلىرىمنى قىلاي مەن بايان.
سەن ھەيرەتتە قالمىغىن ئەركەم،
يامرىسا گەر كۆزۈمدىن قىيان.

قاچانلاردا ئېسىمنى بىلمەي،
قار-يامغۇردەك يۈردۈم تۆكۈلۈپ.
شۇندىن بېرى ئاراملىقىم يوق،
قەدەمدە بىر دارغا ئېسىلىپ.

مېھىر بەرگىن سەندىن ئۆتۈنەي،
مۇز ۋۇجۇدقا تارىسۇن ئېقىم.
ئوتلىرىڭدا كۆيۈپ كۈل بۇلاي،
مەيلى چوغ بەر ئاخىرقى قېتىم.

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-26 16:28  

ھۆرمەتلىك ئوتقاش بۇرادەر ، بۇنىڭ «ئاخىرقى مەكتۇپ»ىڭىز بولۇپ قالماسلىغىنى ئۈمۈد قىلىمەن. شۇنى تۆۋەنچىلىك بىلەن سوراپ باققۇم كېلىۋاتىدۇ: «كۇكۇم تالقان بولغان» «قەدەھ»نى نىمىگە ئىشارە قىلدىڭىز؟

ئەسەرلىرىڭىزدىن زوقلاندىم. قەلەملىرىڭىزدىن  تۆكۈلگەن دۇردانىلارنىڭ مەرھايىتقا ئايلىنىشى ئۈچۈن داۋاملىق ئىزدىنىشىڭىزگە تىلەكداشمەن