ئوتقاش:ئـاخىرقـى مــەكــتۇب [ئۇلانما كۆچۈرۈش]

ئـاخىرقـى مــەكــتۇب

ئابلىكىم غوپۇر ئوتقاش

كېزىپ ساياق ئىشىق چۆلىنى،
مۇڭ ئۆرلىدى جۇل-جۇل يۈرەكتىن.
ئىچەلمىدىم ۋىسال شارابى،
كۇكۇم تالقان بولغان قەدەھتىن.

بارخانلىرىڭ كۆمدى ھەسرىتا!
چېكىم–چېكىم قالغان ئىزىمنى.
مەيلى جاۋاب بەرمە ئۆتۈنەي،
يىرتىۋەتمە يازغان خېتىمنى.

ئاق بوز ئېتىم بوزلىغان چاغدا،
دىلخانەمگە كەلگىن ئامرىقىم.
سۆيۈپ قويغىن قاقشال لېۋىمگە،
مېھرىڭ بىلەن ئاخىرقى قېتىم.

2010-يىل 6-ئىيۇن (ئۈرۈمچى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-19 18:18  

ناھايىتى  ياخشى يېزىپسىز . ھارماڭ!

قەدىمىڭىزگە مەرھابا ئىنىم. يازمىلىرىڭىز ئۈزۈلمىگەي

خۇش كەپسىز . سىزنىڭ شېئىرلىرىڭىزنى ئوقۇمىغىلى بەك ئۇزۇن ۋاقىت بولغان ئىدى. بۈگۈن بۇ مۇنبەردە ئوقۇدۇم، قايتا قايتا ئوقۇدۇم. داۋاملىق يوللاپ تۇرارسىز.

ئۆزىڭىزنىڭ يېقىملىق شىئېرىڭىزنى ئوقۇغانلىغىمدىن خۇرسەنمەن تىرىشىڭ .

ۋوگزالدىكى خوشلىشىش
ئايرىلىش ھېجرىدە تۆكسەڭ يېشىڭنى،
چىدالماي قالدىم ئاھ،سەندىن كېچىشكە.
دەۋرىدى يۈرەكنىڭ بېغىشى ئەنسىز،
قەدەملەر بوي بەرمەي تەنھا يۈرۈشكە.

ئاخىرقى دەملەردە ئۇزاتتىم سېنى،
قوللىرىڭ قولۇمدىن ئاجرىدى شۇ چاغ.
تاقالدى ئەلەملىك ۋوگزال ئىشىكى،
يەلكەمدىن باسقاندەك گۇيا ئېغىر تاغ.

قوزغالدى غىچىرلاپ سەن چىققان پويىز،
يۈرەكنى پارىلاپ رېلىس ئۈستىدە.
يۈگۈردۈم ئارقىڭدىن جان جەھلىم بىلەن،
مۆدۈرۈپ-يىقىلىپ ماغدۇر كەتكۈچە.

بىر قۇچاق ئەسلىمە قالدى مەن بىلەن،
قالدۇرۇپ ھەسرىتا!سېنى كۈتۈشكە.
جانانىم خۇش كۈلۈپ كېلەرسەن قاچان؟
مەن بىلەن ئەبەدى بىللە ئۆتۈشكە.

2010-يىل 6-ئۆكتەبىر(مارالبېشى（

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 00:46  

ئاھ،دېمە
(ناخشا تېكىستى)

بۇلبۇلۇڭ ئۇچۇپ كەتسە،
ياشلىما كۆزۈڭنى يار.
دەردىڭگە دەرمان بۇلۇپ،
چالايمەن مۇڭلۇق ساتتار.

ئاھ،دېمە مەيدەڭ تۇتۇپ،
قارا يۈز نائەھلىگە.
ۋىجدانىسز كۆڭلى ئالا،
يەتكەيمۇ يار قەدرىگە.

سەيلە قىپ باغلار ئارا،
تۈندىكى كۆكلەرگە باق.
شەيتانغا ۋايىم يىمە،
يۈرسە گەر ئادەم سىياق.

خۇش كۈلۈپ كەلسە باھار،
گۈللىرىڭ چاچسۇن ئىپار.

2010-يىل 4-ماي(ئۈرۈمچى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 00:48  

سۆيمەي تۇرۇپ لېۋىڭگە تېخى

سۆيمەي تۇرۇپ لېۋىڭگە تېخى،
كېتىپ قالدىڭ جىممىدە ئەركەم.
ئاپتاپقا قاقلىنىپ چاڭقىدىم ئۇزاق،
بېسىلماس خۇمارى مەي-شاراپ بىلەن.

قاقشاللىق جېنىمنى قىينىماقتا ھەي،
يۈرەكتە ئوت كۆيەر مەنالارغا باي.
يۇرۇتۇپ بارىمەن قارا كېچىنى،
غازانغا تولغاندا كۆز يەتكۈسىز ساي.

بىلمەيمەن ئۆزۈممۇ مەنزىلىم قايان؟
ماڭىمەن قوپقۇرۇق قاچا كۆتۈرۈپ.
تۈگىمەس دەردىمنى قىلىمەن بايان،
ناتۇنۇش ئىشىككە قاراپ تەلمۈرۈپ.

ئېچىرقاش كۆزۈمدىن چاقناتسا چېقىن،
ئايلىنىپ قالارمەن تەلۋە ساياققا.
ئىشىق دەپ چۆللەردە ساپايە سېلىپ،
كۆمۈلۈپ كېتەرمەن ئالتۇن تۇپراققا.

2010-يىل 20-ئۆكتەبىر(مارالبېشى（

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 00:43  

نەيچى قىز

شۇنچە مۇڭلۇق چالىسەن نەينى،
يۈرەكلىرىم تىترەيدۇ ھەي-ھەي.
رام قىلدىڭغۇ مېنى ئۆزۈڭگە،
قانداق چىداي كۆيۈككە ھەي-ھەي.
  
ئەجەپ ئوتلۇق باقتىڭ كۆزۈمگە،
ئوتتا كۆيمەي قانداق چىدايمەن.
(تەييار تۇرسا لەۋلىرىڭدە مەي،)
سېنى سۆيمەي قانداق چىدايمەن.

ئايدىڭ ناخشىسى

قاتار ئۆسكەن تېرەكلىك يوللار،

قاراڭغۇغا بارماقتا سىڭىپ.

ئاي مارايدۇ ئۇپۇق ئارسىدىن،

نازۇك قىزدەك ئۇياتجان بېقىپ.

ماڭماقتىمەن تېرەكلىك يولدا،

دەسسەپ ئاينىڭ غۇۋا نۇرىغا.

ئۇزۇن كېچە ئىزلەيمەن مۇڭداش،

تەشنا بۇلۇپ يارنىڭ يۇلىغا.

2005-يىل

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 01:07  

ئازابقا لىق تولدى ۋىسال قاچىسى

جېنىمغا تەگكەندە نەشتەر سۆزلىرىڭ،
چېقىلدى ئەينەكتەك چۇل-چۇل يۈرىكىم.
ئازابقا لىق تولدى ۋىسال قاچىسى،
كىملەرگە ئاياندۇر ئۆلۈك-تىرىكىم.

قەھىرلىك كۆزۈڭنى تىكسەڭ كۆزۈمگە،
ئايىغىڭ ئاستىغا يىقىلدى غورۇر.
يىغلىسام ئېزىلىپ،قۇمدەك چېچىلىپ،
سەن بەلكىم شۇنچىلىك سېزىسەن ھوزۇر.

مۇھەببەت سەن ئۈچۈن ئەمەس ھېچنىمە ،
ئالدىڭدا مەن پەقەت ئاشىق قەلەندەر.
خالىساڭ مەھبۇستەك دارغا ئاسىسەن،

خالىساڭ يۈرەككە ئۇرىسەن خەنجەر.

بولدى بەس،تاقىتىم يەتتى چېكىگە،
مامكاپتەك قەدىرسىز دېمىگىن مېنى.
شۇمبۇيا ئىكەنسەن بىلمەي كەپتىمەن،
گۈل سىياق كۆرسەتسەڭ ماڭا ئۆزۈڭنى.

2010-يىل 11-ئىيۇن(ئۈرۈمچى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 01:07  

مۇزدەك غېرىبلىق

باغرىمنىڭ قورىغان ساھىللىرىدا،
ياتىدۇ ئۈزەلمەي نىمىجان بېلىق.
سوتكىلاپ كۈتۈشنىڭ تەكرارلىقىدا،
قەدەھكە تولماقتاياشلىرىم  لىپلىق.

ھەسرەتلىك ناخشىدەك قاراڭغۇلۇقتىن،
تاپالمىدىم يارنىڭ ئۆيىنى.
ئۈزۈلگەن تارلاردەك سۈكۈتكە چۆمدۈم،
ھەمراھ قىلىپ زۇلمەت كېچىنى.

تۆكۈلگەن ياپراقتەك تىترەر ۋۇجۇدۇم،
يۇپۇرلۇپ كەلگەنچە مۇزدەك غېرىبلىق.
ئاھ،نىچۈن قىينايسەن جېنىمنى ئېيىتقىن؟
يۈرەكتە جۈپ خەنجەر تۇرار سېلىقلىق.

كېچە غېرىبلىقى

سېھىرلىك كۆزلەردىن تۆكۈپ مۇئەمما،

بەك ئۇزاق قارىشىپ تۇردۇق ئىككىمىز،

سۆسۈنرەڭ كېچىنى يۇرۇتۇپ ئۆتتى،

ئوت-ئۇچقۇن چاقنىغان يۈرەك شەپىمىز.

ئەسلەتتى يۈزلىرىڭ قىزىل ئالمىنى،

قولۇڭنى تۇتقاندا شەلپەردەك يېنىپ.

يەلپۈتتى شاماللار تال-تال چېچىڭنى،

ئىچىمگە سىمابتەك ھاياجان سېلىپ.

سۆيۈپ قوي يارقېنى قاقشال لېۋىمگە،

قورايغا ئايلىنىپ كەتمىسۇن دېسەڭ.

ئونتۇلدۇر كېچىنىڭ غېرىبلىقىنى،

بۇ مەجنۇن قەلبىمنى چۈشنۈپ يەتسەڭ.

2011-يىلى 5-ئاي 12-كۈن(مارالبېشى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 01:20  

چاقناش پەسلى

تۈنلەرنىڭ قاسرۇقى كۆيسە چاراسلاپ،
تاڭلارنىڭ لېۋىگە سۆيدۈم لەۋ يېقىپ.
ئۇنتۇلدى جىمكى ھەسرەتلەر تۈگەل،
مېھىرلىك چاقنىغان قۇياشقا بېقىپ.

قاراڭغۇ تۈنلەرنى ئۇزاتتىم يىراق،
چېقىلدى قىسمەتنىڭ رەڭسىز ھەيكىلى.
سورۇدۇم كۆك تامان ئەستىلىكلەرنى،
شاماللار چاڭ-تۇزان سورىغان كەبى.

مىڭ قەدەھ قەترىگە تولدى يۈرىكىم،
ئاي يامغۇرى چۈشسە سىمىلداپ.
قۇش كەبى ئۇچۇشقا بولدۇم بىتاقەت،
سەتھىدە چاقنىغان يۇلتۇزغا قاراپ.

2011-يىل 6-ئاي 13-كۈن(مارالبېشى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 01:29  

ئېلىپ كەتكىن جۇل-جۇل يۈرەكنى

باغرىمنى تېرىقتەك كۇكۇم تال قىلىپ،

ئۇزىدىڭ بىمەھەل مېنىڭدىن كېچىپ.

قولۇڭدىن تۇتۇشقا يەتمىدى قولۇم،

لېۋىڭگە لەۋ ياقاي دېسەم ئاھ،قېنىپ.

ئوقۇلۇپ بولغاندا ھەسرەت كۈيلىرىم،

سېنىڭسىز ياشاشقا كۆنىمەن چوقۇم.

ئېلىپ كەتكىن جۇل-جۇل يۈرەكنى،

بولسۇن ساڭا تۇتقان يوللۇغۇم.

تورغۇيۇم خۇش سايراپ بەرگەندە خەۋەر،

جۇدۇنلۇق تۈنەكلەر كېتەر ھامىنى.

جاھاننى نۇر لىباس قاپلىغان سەھەر،

ئوزۇتۇپ بارىمەن ئازاب پەسلىنى.

2011-يىل 12-ئاي 15-كۈن(مارالبېشى)

بۇ يازمىنى ئاخىرىدا   ئوتقاش تەھرىرلىگەن. ۋاقتى  2012-9-20 01:29  

بەكلا تونۇش پۇراق بۇ. ئوتقاشنىڭ يەنە نۇرغۇن بىز كۆرگەن ۋە كۆرمىگەن يازمىللىرى بار.تەشنامىز

ئەسەرلىرىڭىزنى بىر تېما ئاستىغا يىغىپ ئوبدان قىلىپسىز. بولسا داۋاملىق يوللاپ تۇرۇڭ.