ئابلەت ئەخمەت:ل.مۇتەللىپ خاتىرىسىگە [ئۇلانما كۆچۈرۈش]

دەردلىرىڭگە تۈمەن گۈللەر يىغلىدى

-ل.مۇتەللىپ  خاتىرىسىگە

سەن خەلقىم دەپ ياشاپ ئۆتتۈڭ بىر ئۆمۈر،
خەلقىڭ سېنى بىلدى، گاھى بىلمىدى.
ئوقۇپ بەرسەم ئىچىڭدىكى تارىخنى ،
دەردلىرىڭگە تۈمەن گۈللەر يىغلىدى.

يەردىن، كۆكتىن، تۆت تام ئۈنسىز قىستىغاچ،
چىدىمىدىڭ شۇم تەشۋىشلىك كۈنلەرگە.
چاقماق بولۇپ چېچەكلەتتىڭ سامانى،
شۇڭغۇپ كىرىپ قاپقاراڭغۇ تۈنلەرگە.

ئىچ-ئىچىڭدىن ئۇرغۇپ شەكسىز مۇھەببەت،
قەلىمىڭدىن ئېقىپ كىردى دىللارغا.
يىلىنجىدى باغرىڭدىكى ھەقىقەت،
قېنىڭ بىلەن جاۋاب بەردىڭ يىللارغا.

كەچمىشىڭنى بىلگەنسېرى چوڭقۇرلاپ،
كۆزلىرىمدە لىغىرلىدى ئاچچىق ياش.
ۋەسۋەسىگە قانداق چىداپ ئۆتكەنسەن،
چىمدىپ يۈرسە كۈندە نەچچە قەلەمقاش.

ئىتىقادنىڭ پايانىدا خىيالچان،
تاۋلاپ چىقتىڭ مۇھەببەتنى –غۇرۇرنى.
مال-دۇنيا دەپ ئۆلۈپ يۈرسە بىراۋلار،
سەن ھۆرلۈكتىن ئىزدەپ يۈردۈڭ ھوزۇرنى.

ئىجاد-مېھنەت دەرياسىغا چۆمۈلۈپ،
قەلىبلەردە چولپان بولۇپ چاقنىدىڭ.
تاللىۋالدىڭ ئۇچقۇن بولۇپ ياشاشنى،
بۇ جاھاننىڭ رەپتارىغا باقمىدىڭ.

مەن تىۋىنىپ كەلدىم پاكىز روھىڭغا،
تىلىكىڭگە يۈرەك يېقىپ ھەرنەپەس.
پورەكلىدى ئەقىدىنىڭ گۈللىرى،
بۇ تۇپراقتا يىقىلغىنى سەن ئەمەس.

توقسەن ياشقا كىردىڭ يەنە نەۋقىران،
يىگىرمە ئۈچ يېشىڭ مەڭگۈ پارلايدۇ.
ۋۇجۇدلارنى لاۋۇلداتقان كۈيلىرىڭ،
ھەر بىرتاڭدا ئۆركەشلەيدۇ- قاينايدۇ.

بۇ يازمىنى ئاخىرىدا   ARKZAT تەھرىرلىگەن. ۋاقتى  2012-9-18 20:17  

بۈگۈن ل. مۇتەللىپ ۋاپاتىنىڭ 67 يىللىق كۈنى.

1945-يىلنىڭ كۈز پەسلىدە ئۈچ ۋىلايەت مىللىي ئارمىيىسى مۇز داۋان ئارقىلىق ئۆتۈپ، ئاقسۇغا ھۇجۇم باشلىغاندا، گومىنداڭ ئەسكىيەتچىلىرى شائىرنىڭ تۈرمىدىكىلەرنى تەشكىللەپ ئىسيان كۆتۈرۈشىدىن قورقۇپ، شۇ يىلى 9 - ئاينىڭ 18-كۈنى شائىرنى ۋە ئۇنىڭ سەپداشلىرىنى ۋەھشىيلەرچە ئۆلتۈردى. شۇنىڭ بىلەن خەلقىمىز ئۆزىنىڭ تالانتلىق شائىرى، جەڭگىۋار ئوغلى لۇتپۇللا مۇتەللىپتىن مەڭگۈ ئايرىلىپ قالدى.    لۇتپۇللا مۇتەللىپ ئۆزىنىڭ 23 يىللىق قىسقا ھايات مۇساپىسىدا  پەقەت توققۇز يىل ئەدەبىي ئىجادىيەت بىلەن شۇغۇللانغان بولسىمۇ، ئۇ بۇ قىسقىغىنا ۋاقىت ئىچىدە ئاز بولمىغان قىممەتلىك ئەسەرلەرنى يېزىپ ۋەتىنى، خەلقىگە قالدۇرۇپ كەتتى، 15 يېشىدىلا ئەدەبىياتقا قەدەم قويغان بۇ ياش تالانت ئىگىسى ئۈزلۈكسىز تىرىشىش ئارقىلىق ئۆز ئىجادىيىتىنى يۈزەكىيلىكتىن چوڭقۇرلۇققا، ئابستراكىتلىقتىن كونكرېتلىققا قاراپ راۋاجلاندۇرۇپ ،  ئۆزىگە خاس ئالاھىدىلىككە ئىگە بولغان ئىجادىيەت يولىنى ئاچتى. ئۇ بارماق ۋەزىن ۋە چاچما شېئىردىن ئىبارەت ئەركىن شەكىلنى تاللاپ ئېلىپ، ئۇنىڭ بارغانسېرى مۇكەممەللەشتۈردى، شېئىرنىڭ تۈپ ئامىلى بولغان تىل ۋاسىتىسىنى قوللىنىش جەھەتتە يېڭىچە ئەدەبىي تىلدا يېزىشنى ئاساس قىلىپ ئۆز ئەسەرلىرىنى ساپ، ساددا، راۋان بولۇشتەك ئالاھىدىلىككە ئىگە قىلدى. بولۇپمۇ، شائىر ھاياتىنىڭ كېيىنكى يىللىرىدا بەدىئىي تەپەككۇرنىڭ يۇقىرى پەللىسىگە قاراپ يۈرۈش قىلىپ ئۆزىنىڭ  يۈكسەك بەدىئىي تالانت ۋە ئىقتىدارىنى نامايان قىلغانىدى.

مۇتەلىپ ئۇيغۇرنىڭ ماياك  يۇلتۇزى،
قەلبىدە تەڭرىتاغ يالقۇن ئوتى بار.
ئۇ ئۆلمەس جەڭچىدۇر قەلبىم تۆرىدە،
ھەر تىنىق نەپسىدە مىللەت كۈييى بار.

كۆزۈمگە ياش كېلىۋاتىدۇ.

ھېس - ئېلھاملىرىڭىزغا بەركەت تىلەيمەن.

يېقىندا ‹‹ئاقسۇ ئەدەبىياتى››ژورنىلنىڭ رىياسەتچىلىكىدە ل. مۇتەللىپ خاترىسىگە ئاتاپ بىر يىغىلىش بولماقچى ئىكەن .

جىسمى كەتكەن بولسىمو،
روھى مەڭگو بىز بىلەن.
دادىل چامداپ ماڭىمىز،
ئو كۇرسەتكەن يول بىلەن.

ئىجاتكارلار مەڭگو ئۇلمەيدو.ياخشىلارنىڭ قەدرىنى قىلىشمو ئىسلامدىكى پەرزلەرنىڭ بىرىدور. تىما ئىگىسىگە ئۇلۇق ئاللادىن خاتىرجەملىك ۋە ئۇزۇن ئۆمۇر تىلەيمەن. ياخشى شېئىرلىرىڭىزنى كۇرۇپ تۇرسام دەيمەن.

مەنمۇ يىغىلىش بار دەپ ئاڭلىدىم، لېكىن تەپسىلى ئەھۋالىنى بىلمىدىم،

ئىلگىرلى بىر يىللاردا لوتۇپۇللا مۇتەللىپ ھاياتىنى ئۈلگە قىلىپ تۇرۇپ ئۆزىڭىز ھەققىدە يازغان بىر پارچە ماقالىڭىزنى ئوقۇپ بەرگەن ئىدىڭىز . بىراق ، نېمىشقىدۇر قايتا ككرۈشكە نىسىپ بولمىدى . بىرەر مەتبۇئاتتا ئىلان قىلمىدىڭىزمۇ نېمە ؟

forum.php?mod=viewthread&tid=6831

بۇ يازمىنى ئاخىرىدا   ئەلقىزى تەھرىرلىگەن. ۋاقتى  2012-9-25 00:58