تىڭشايمەن يىراقتىن جانان كۈيىڭنى--(ئەنۋەر مەڭلىك) [ئۇلانما كۆچۈرۈش]

شىۋېرلاپ باغرىمغا ئۇرۇلۇپ ئاستا،
شاماللار ئېپ كىلەر تىنىقلىرىڭنى.
مەن مىسكىن يۇلۇڭغا قاراپ بىتىنىم
تىڭشايمەن يىراقتىن جانان كۈيىڭنى.

سېغىنسام يۇلتۇزلار كۆزىنى قىسىپ،
بارخانلار مەڭزىگە يازار ئىسمىڭنى.
خىياللار ئىلكىدە ئۆرتەنسە يۈرەك،
ئارمانلار ئەركىلەپ پۇرار ھىدىڭنى.

ساقلىدىم،ساقلايمەن يەنە قانچىلىك،
بىلمەيمەن،ھە بەلكىم ئۆلۈمگە قەدەر.
توۋلايمەن ئىشقىڭدا كۆيگەن كۈيىمنى،
جۈر بۇلۇپ سۆيگۈمنى سۆيگەنگە قەدەر. بۇ يازمىنى ئاخىرىدا   ئا.ئى.پەروزان تەھرىرلىگەن. ۋاقتى  2012-8-18 09:01  

ئىجادىيەتلىرىڭىز تېخىمۇ ئىلگىرى تاپسۇن!...سۈزۈك تۇيغۇلار ئۈزۈلۈپ قالمىسۇن!...

سۈزۈك،سۈزۈك تۇيغۇلىرىڭىز ئۈزۈلمەي داۋاملاشقاي!