مۇھەممەتجەن مەخمۇت: دېھقان مۇقەددەس [ئۇلانما كۆچۈرۈش]

                                 دېھقان مۇقەددەس

                                      مۇھەممەتجەن مەخمۇت

دېھقان دەپ دۇنيادا  ئۇلۇق نامىمىز،
دۇنيانى كۆتەرگەچ بىزنىڭ چامىمىز.
مېھنەتكە لىق تولغان ئۆمۈر چامىمىز،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

ئەركەكنىڭ ئەركىگى دېھقان دىگەن ئەر،
كەتمىنى تاغلارنى قىلغان بىنام يەر.
چۆللەرنى باغ قىلغان جىسمىدىكى تەر،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

بىز يىگەن ھالالدىن ھالال ئاق ناننى،
ئۇ بەرگەن ئېتىزغا ئۇرۇق قىپ جاننى.
كۆردۈڭمۇ دېھقانداك ئۇلۇغ ئىنساننى،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

ئېتىزغا يول ئالغان مۈرىدە كەتمەن،
زىمىننى ئويغاتقان تاشتەك مەزموت تەن.
يەرنى ئۇ ئۆمۈرلۈك ئەيلىگەن ۋەتەن،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

ئالقىنى تامامەن بوپ كەتكەن قاداق،
تىلىم – تىلىم يېرىلىپ ساق قالمىغان ساق،
ئاز كىلەر دېھقاننى باتۇر ئاتىساق،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

مەرت – سېخى يۇمۇلغان  ئەمەس ئالقىنى،
ياشنىتار ھاياتنى تۆككەن تالقىنى.
كەتمىنى ماماتقا چاچقان قالقىنى،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

باغ قىلىپ دۇنيانى باققانلار كىملەر،
ھاياتقا شام چىراغ بولغانلار كىملەر.
جاۋاپ بەر پەيلاسوپ ئالىم ھەكىملەر.
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

ئوت ئاتەش تومۇزدا ئېتىزدىكى كىم،
يەر ئۈچۈن كۆيمەيدۇ ئۇنىڭدەك ھېچكىم.
دېھقانمەن- دېھقانغا كۆيىدۇ ئىچىم،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

يىل بويى ئېتىزنىڭ غېمىنى يەيدۇ،
غەملىرى ئېتىزنىڭ كېمىنى يەيدۇ.
سورىساڭ بۇ ئىشلار بۇرچۇملا دەيدۇ.
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

بىر ئۆمۈر يەر تېرىپ ئۆتمەك ئاسانمۇ؟
زىمىنغا شاھ سۇلتان شۇڭا دېھقانمۇ.
ئۇنىڭسىز بولمىغان بىر بوردا نانمۇ،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن  دېھقان مۇقەددەس.

پايانسىز زىمىندىن كېلەر بىر سادا،
دېھقان ئۇ ھاياتنىڭ ئاتىسى ھەقدا.
ئەمگىكى دۇنيانى ياراتقان ئەسلا،
مۇقەددەس – مۇقەددەس ئاشلىق مۇقەددەس.
دۇنيادا ھەممىدىن دېھقان مۇقەددەس.

           ئابدۇلىتىپئىمىن                     مۇھەممەتجەن مەخمۇت


      يۇقىرىقى ئىككى ئىسىمنىڭ  مۇشۇنداق يېزىلىشى توغرىمۇ؟

دېھقان توغرىسىدا روزى سايىت قەلەم تەۋرىتىپ بولغان قېرىندىشىم بۇ ھەقتە سىز ئارتۇقچە جۇۋاپ كەتمىسىڭىزمۇ بولىدۇ.. باشقا يىڭى تېمىلار ئۈستىدە ئىزدىنىپ بېقىڭ.. بىزدە يىڭى تىما دېگەن ساماندەك..