شىمالغا سەپەر   [ئۇلانما كۆچۈرۈش]

     ئالدى بىلەن شىمال سەپىرىدىكى قېرىنداشلارنى مۇبارەكلەيمەن.  ئۆتكەن يىلىدىن باشلاپ يازغۇچىلار جەمىيىتى بىر - بىرىدىن مەزمۇنلۇق، ئەھمىيەتلىك پائالىيەتلەرنى تەشكىللەۋاتىدۇ. ئازات سۇلتان، غەيرەت ئاسىم، ئەيبۇ ياقۇپ قاتارلىق قېرىنداشلارغا ئالىي ئېھتىرام!

                          ئۆمەك تەركىۋىدە  « تۆتىنچى ئىراغا سەپەر » رومانىنىڭ ئاپتورى ئابدۇكېرىم قادىرنىڭ بولمىغانلىقى كۆڭلۈمنى غەش قىلىپ قويدى. ئېھتىمال ۋاقتى يار بەرمەي، سەپەرگە چىقىش نېسىپ بولمىغاندۇر. چىللە ئايلىرى شىمالىي شىنجاڭنىڭ گۈزەللىككە تويۇنغان چاغلىرى. دىلكەش، سەپەرداشلىرىمنىڭ سەپىرىنىڭ كۆڭۈللۈك، ۋاقتىنىڭ خوش، ئىجادىيەت ئىشلىرىنىڭ نەتىجىلىك بولۇشىنى تىلەيمەن ھەم شۇنداق بولۇشىغا ئىشىنىمەن.

شىمالغا سەپەر قىلغان دوست-يارەنلەرنىڭ چېھرىدىكى سەمىمى، بىغۇبار كۈلكىنى كۆرۈپ خۇشنۇد بولۇپ تۇرۇپتىمىز. ئادەم ئۆزىنىڭ چىن مەنادىكى ئىززەت-ھۆرمىتىنى تاپقاندا شۇنداق خۇشال بولىدۇ. بۇ يىل ئاپتۇنوم رايۇنلۇق يازغۇچىلار جەمىئىيىتى زور كۈچ چىقىرىپ تەشكىللىگەن  بىر-بىرىگە ئۇلىنىپ كەلگەن بىرقانچە قېتىملىق ئەنجۇمەن ۋە زىيارەتلەرنىڭ رولى ھەممىمىزنى غايەت خوشال قىلدى. بۇنداق پائالىيەتلەرنىڭ يەنە ئۆزلۈكسىز داۋام قىلىشىنى ئۈمىد قىلىمىز. بۇ سەپەرگە قاتناشقان ھەممە دوستلارغا سالامەتلىك ۋە خوشاللىق يار  بولسۇن!
بىردەملىك تەنەپۇس ئورنىدا مۇنۇ ناخشىنى ھۇزۇرۇڭلارغا سۇندۇم:

بۇ يازمىنى ئاخىرىدا   مۆلجەرى تەھرىرلىگەن. ۋاقتى  2012-7-10 14:20  

«ئۆمەك تەركىۋىدە  « تۆتىنچى ئىراغا سەپەر » رومانىنىڭ ئاپتورى ئابدۇكېرىم قادىرنىڭ بولمىغانلىقى كۆڭلۈمنى غەش قىلىپ قويدى».
مېنى ئېسىگە ئالغان ئابدۇرۇسۇل دوستۇممۇسەن؟!
12 - ئىيۇل لۈشۈن ئىنىستىتۇتىغا ماڭىدىغان بولدۇم ئاداش، سىلەرگە تاڭلا باھار يوللىرىم بولسۇن!
ئامان بولۇڭلار قەدىردانلار! بۇ يازمىنى ئاخىرىدا   ئا.قادىرى تەھرىرلىگەن. ۋاقتى  2012-7-10 14:19  

يانغىن ، شىمال سەپىرى  سىزگە يەنىمۇ ئوتلۇق ئىلھاملارنى ئېلىپ كەلسۇن ... بارلىق قەدىردانلار  باسقان ئىزىڭلاردىن چېچەكلەر كۈلسۈن...

7-ئاينىڭ 9-كۈنى زىيارەت ئۆمىكىدىكىلەر قارامايدىكى ئىككى كۈنلۈك پائالىيىتىنى ئۇتۇقلۇق تاماملاپ چۆچەك ۋىلايىتىنىڭ تولى ناھىيەسىنى ئايلىنپ ئىككىنچى مەنزىلىمىز بۆرتالا موڭغول ئاپتونوم ئوبلاستىنىڭ ئالاتاۋ چېگرا ئېغىزىغا قاراپ يولغا چىقتى. چۈشتىن كېيىن سائەت بىردە ئالاتاۋ ئېغىزىدا بىزنى ساقلاپ تۇرغان بۆرتالا موڭغول ئاپتونوم ئوبلاستلىق ئەدەبىيات - سەنئەتچىلەر بىرلەشمىسىنىڭ مۇئاۋىن رەئىسى شيۇڭ خوڭجىيۇ بىلەن ئۇچىرىشىپ، چېگرا ئېغىزى رەھبەرلىرىنىڭ ھەمراھلىقىدا دۆلەتلىك 1-دەرىجىلىك چېگرا ئېغىزى ـ ئالاتاۋدىكى ئېكىسكۇرسىيە - زىيارەت پائالىيىتىنى باشلىدى.
7-ئاينىڭ 10-كۈنى چۈشتىن ئاۋال زىيارەت ئۆمىكىدىكىلەر بۆرتالا موڭغول ئاپتونوم ئوبلاستلىق ئەدەبىيات - سەنئەتچىلەر بىرلەشمىسى ۋە بۆرتالا شەھەرلىك تەشۋىقات بۆلۈمىدىكى يولداشلارنىڭ ھەمراھلىقىدا بۆرتالا شەھىرى شاۋيىنپەن بازىرى ئوتتۇبۇلاق كەنتى، چىندىل يېزىسى قاتارلىق جايلاردا سوتسىيالىستىك يېڭى يېزا قۇرۇلۇشى، مەدەنىيەت قۇرۇلۇشى ھەققىدە جەمئىيەت تەكشۈرۈش، تۇرمۇش ئۈگىنىش پائالىيەتلىرىدە بولدى.

سەپىرىڭلارغا ئاق يول بولسۇن .ئەجەپ خوش بولدۇم ئايال قەلەمكەشلەرنىڭ چۇشكەن سۇرىتىگە قاراپ ،ياخشى ئارام ئىلىپ خوشال مۇڭدىشىپ قايىتقايسىلەر.

پېقىر كىچىك سابىرىدىن شىمالغا سەپەرگە چىققان ئۇستاز يازغۇچىلارغا ئالىي ئېھتىرام !~  ھەممىڭلارنىڭ بۇ قېتىملىق سەپىرىگە ئاق يول تىلەيمەن .

ئىككى كۈنلۈك ساياھەت تولىمۇ مەنىلىك ھەم ئەھمىيەتلىك بولدى . بارلىق ئەزىز دوستلارنىڭ بۇندىن كېيىنكى بۆرتالا،غۇلجا سەپىرىڭلارنىڭمۇ خوشاللىق ئىچىدە ئاياقلىشىنى ئۈمۈد  قىلمەن .سەپىرىڭلارغا ئاق يول بولسۇن ، كۆڭۈللۈك ئويناڭلار ،نەدە بولساڭلار ئامان بولۇڭلار ....

             تونۇش ئىدۇق  تونۇشمىساقمۇ

  ئۇزۇن بولدى

  خېلىلا ئۇزۇن،

  تونۇش ئىدۇق

  تونۇشمىساقمۇ،

  سىرداش ئىدۇق

  ئۇچراشمىساقمۇ

ئوتلۇق مىسرا ياققانتى ئوتنى

دىل رېشتىلەر ئۇندا چىگىلىپ

ساداقەتتە باغلاندى بەللەر

قىلچە ۋەدە بېرىشمىسەكمۇ...

كۈتتۇق

كۈتەتتۇق

يىللار قامچىسى ئۇرۇلدى دەششەت

كۈتۈش ئىلكىدە،

ئۆتمەكتە پەسىل قوغلاپ ، قوغلۇشۇپ

ئىللىق باھار قىشقا ئۇلۇشۇپ.

قارچۇقلاردا تۈنەيدۇ كۈتۈش.

كۈتۈش شېرىن دېيىشمىسەكمۇ..

كېلىدۇ – دېدى شامال پىچىرلاپ،

گەر نەچچە رەت قالسام ئالدىنىپ

ئىنتىزارلىق ئىشقىدا بېقىپ ،

شېرىن تۇيغۇ قەلبىمگە ئېقىپ.

كەتتى

كېتەتتى

ۋۇجۇدۇمدا ئالەم تاۋلىنىپ

تاقەتلەرمۇ چىكىگە يېتىپ،

كۈتتۈم

كېلەلەمسەن ؟ دېيەلمىسەكمۇ...

توۋا،

ئىنسان دېگەن شۇنداق بولارمۇ

تەلمۈرەركەن

كۈنلەپ ۋە تۈنلەپ،

ھەسرەت يۈتۈپ

ۋىسال ئوتىدا

ياپراقلارغا ئايلىنىپ يۈرەك

قالار ئىكەن قۇشلاردەك ئۈنلەپ..

شەبنەم كەبى گۈلنىڭ بەرگىدە-

قېنىپ – قېنىپ سۆيۈلمىسەكمۇ...

كەپتۇ

كەلدى

تۇرار ئالدىمدا

چېھرىدىن نۇر-زىبا تېمىپ

نېمىشقا

تاپانلىرىم تۇپراققا پاتتى

تىلىم گويا تاش كەبى قاتتى

بىر قەدەم

ئىككى قەدەم

بۇ ئېغىرلىق ئەسلى دىلىمدا

نەچچە ئەسىر ساقلانغان ئىدى.

ئەمما،

كۆزلەر سۆزلەر

قەۋەت – قەۋەت سېغىنىشىنى،

شېرىن – شېرىن تېۋىنىشىنى.

مۇھەببەتكە تار كەلدى ئالەم

گەر ئەزەلدىن ئېرىشمىسەكمۇ...

ماڭدۇق ياندىشىپ،

خىياللاردا سىرداشقان كەبى

گاھى سىردىشىپ .

ماڭا تەۋە ھەربىر دەقىقە،

ماڭا تەۋە كۆزلەر دەممۇ-دەم.

ماڭا تەۋە ھەممە ۋە ھەممە،

ماڭا تەۋە بولماقتا ئالەم.

بېشىم يەتتى كۆككە يۇلتۇزغا

ئايغا شۇدەم قالدىم ياندىشىپ.

جۇڭغارىيە كەلدى لەرزىگە

بىرەر رەت «ئۇھ» دېيەلمىسەممۇ..

«ئۇھ» لىرىمنى ئەپ قويدۇم ساڭا

سالمىقىنى بېلەلمىسەكمۇ...

بۇ يازمىنى ئاخىرىدا   orgilaykizi تەھرىرلىگەن. ۋاقتى  2012-7-10 22:29  

يەنىلا تەبىئەتنىڭ گۈزەللىكىگە ھىچنىمە يەتمەيدىكەن. سالامەت بولۇڭلار گۈلدىن گۈزەل دوستلار!

تولىمۇ ئەھمىيەتلىك پائالىيەت بوپتۇ،ئەزىزلەرنىڭ سەپىرىگە شاتلىق،ئىجادىتىگە ئۇتۇق يار بولعاي!مۇشۇنداق پائالىيەتلەر داۋاملىق بوپ تۇرعاي!

                     لۇشۈن ئېنىستېتوتىدىكى كۈنلىرىڭنىڭ كۆڭۈللۈك بولۇشىنى تىلەيمەن، دوستۇم. بۇ قېتىم غۇلجىغا كېلىش پۇرسىتىڭ بولغان بولسا « قوش كۆۋرۈك » تىكى چوڭ ئانىمىزنىڭ باھاردەك ئىللىق قۇچۇقىغا بۆلۈنۈپ ، ئانىلىق مېھرىگە قېنىپ تۇرۇپ، يىلىكتەك ئەتكەنچايلىرىنى بىرگە ئىچكەن بولاتتۇق. سەن غۇلجىنىڭ ئاق قار ، كۆك مۇزغا ئايلانغان قىش پەسلىنىلا كۆرۈپ قالدىڭ. خەيرىيەت، ياز ئايلىرىدا كېلىشكە نېسىپ بولۇپ قالار.

ئابدۇرسۇلكا،نىمىلەرنى دەپكەتتىڭۋۇي...