سەيدىمۇھەممەت مېھمان:كۆڭلۈم [ئۇلانما كۆچۈرۈش]

        
    
              كۆڭلۈم

سەيدىمۇھەممەت مېھمان

بىرسى ساڭا سانجىيدۇ نەشتەر،
شىرىن سۆزدە خۇيلىنىپ تۇرۇپ.
بىرسى يالغان قەسەملەر بىلەن،
يۈرمەكتىدۇر قاپقانلار قۇرۇپ.
ئۈگۈنىۋال قانداق ياشاشنى،
كەتمە كۆڭلۈم لېكىن ئاھ ئۇرۇپ.


مىھىر تىلەپ يۈرەر بىراۋلار،
غورۇرىنى شامالغا سېلىپ.
تۈك ئۈندۈرۈپ تۇخۇمدىن تېخى،
كەتكەنلەر بار شۇنچە كېرىلىپ.
كۆرمىگەننى كۈرۈپ كۈنىسەن،
قالما كۆڭلۈم ئەسلا ھار ئېلىپ.


نان تىلىمە تۇنۇش دۈشمەندىن،
ئوت كەتسىمۇ خامانلىرىڭغا.
بۈگۈن ساڭا ئۇۋاق بەرگەنلەر،
سۇ سېپىدۇ ئارمانلىرىڭغا.
قارشى چىقار يەنە بىراۋلار،
كۆڭلۈم سىنىڭ تۇتقان يۇلۇڭغا.


ئۈگۈنىۋال قانداق ياشاشنى،
كۆرمىگەننى كۈرۈپ كۈنىسەن.
ھايات دىگەن رومكىدىكى مەي-
تەمى قانداق تېتىپ بىلىسەن.
ياشاش ئۈچۈن ئۈمۈدلەر كىرەك،
تاڭلا بەلكىم كۈلۈپ يۈرىسەن.

ئىجادىيىتىم:سەيدىمۇھەممەت مېھمان2012-يىلى 24-ئاپرېل شەھرى خوتەن