مۇزۇم نەگە كەتكەندۇ ( بالىلار شېئىرى ) [ئۇلانما كۆچۈرۈش]

مۇھەممەتجان ئەمەت ئۆزكان
مۇزۇم نەگە كەتكەندۇ
مۇزنى تامغا تىرىدىم ،
نۇرلار قوندى يۈزىگە .
كۆزلىرىدىن چىپىلداپ ،
سۇ تامچىدى مەڭزىگە .

ئېرىق ئاچتىم ياغاچتا ،
ئېتىزلىقىم قەلبىگە .
سۇنى ماڭدىم تە – تەلەپ ،
كوچىلاردىن مەلىگە .

ئىچتى گۈللەر تالىشىپ ،
سۇ يۈگۈردى لېۋىگە .
تاڭ سەھەردە لىغىرلاپ ،
ئايلىنۋالدى شەپنەمگە .

مېنى كۆرمەي قۇياشجان ،
ئىچىۋالدى بىر دەمدە .
كېپىنەكلەر سۇ يوق دەپ ،
كېلىۋالدى چۆرەمگە .

ئەسكە ئېلىپ شۇئانلا ،
ئىزلەپ بارساق يوق تۇرار .
مۇزۇم نەگە كەتكەندۇ ،
كېپىنەكلەر ئىزدەڭلار .

باھار قىزچاق كەپسىزكەن ،
بىزدىن چاققان چىقىپتۇ .
تېز بولايلى كېپىنەك ،
يازنىڭ ئۆيگە كېتىپتۇ .
مەنبە : قەلىمىم

مانا بۇ شېئىردا بالىلارچە ھېسىيات ئۆز ئىپادىسىنى تېپىپتۇ

مۇھەممەتجان ئەمەت ئۆزكان
يىڭناغۇچ
كىرپىكىمگە قۇندى يىڭناغۇچ ،
پەرۋازىنى كۆردۈم جىممىدە .
ئۇچۇش دېگەن نەقەر ھوزۇر ،
تىك ئۇچاردەك چۈسسە لىككىدە .

قانات قېقىش مەندىكى ئىستەك ،
قۇلىقىغا ئېيتتىم سۆزۈمنى .
گۇلزارلىققا قاراپ ئۇچتۇق بىز ،
كېپىنەكلەر سىقتى قولۇمنى .

يەلپۈنگەندە سۈزۈك قانىتى ،
غىدىقلاندى سۈزۈك يۈزلىرىم .
سىلكىنگەندەك قوللىرىم ئاستا ،
لەيلەپ كەتتى ئىغىر تەنلىرىم .

بۇ يەردە كېپىنەك قۇلۇڭىزنى نىمە مەقسەتتە سىقىدۇ؟  مۇشۇ نوقتا سەل گۇڭگىمۇ قانداق؟

گۇلزارلىقتا بىللە ئۇچۇپ ، دوس بولۇپ قالغانىمىز ئۈچۈن قولۇمنى سىقىتى دەپ قارايمەن . دوسلۇق ۋە خۇشاللىق ئەۋجىدە قوللارنىڭ تۇتۇشىشى مۇۋاپىق بولسا كېرەك ....

ئويلۇغۇنۇم توغىرىكەن ، مەنمۇ مۇشۇ مۇددادىمىكىن دەپتازا ئىشىنچ قىلالماي  سورىغان

ياخشى چىقىپتۇ!
مۇبارەك بولسۇن!
ئەسەرلىرىڭىز تېتىملىق،تىلى تاتلىق چىقىۋاتىدۇ! بۇ يازمىنى ئاخىرىدا   ئەخەت تەھرىرلىگەن. ۋاقتى  2013-1-19 19:50