يۈرىكىڭنى بەرسەڭ قولۇمغا [ئۇلانما كۆچۈرۈش]

يۈرىكىڭنى بەرسەڭ قولۇمغا


يۈرىكىڭنى بەرسەڭ قولۇمغا ،
مەن ئۇنۇڭدا يالغۇز كۆكلىسەم  .
مېھرىڭ بىلەن سۇغارساڭ ھەر دەم ،
مەن تۆت پەسىل قىشنى  كۆرمىسەم  .

يۈرىكىڭنى بەرسەڭ قولۇمغا ،
مەن ئۈچۈنلا باغلا ياسىسام .
قات - قېتىغا سىڭدۈرۈپ سۆيگۈ ،
بىر سېنىلا قانات قاقتۇرسام .

يۈرىكىڭنى بەرسەڭ قولۇمغا ،
مەن ئىسمىمنى ئويسام تولدۇرۇپ ،
ئۆزگىلەرگە بولمىسا ئورۇن ،
كىرپىكلەرگە تال - تال قوندۇرۇپ .

يۈرىكىڭنى بەرسەڭ قولۇمغا ،
ھەر سوقۇشى مەن ئۈچۈن بولسا .
مەناسىنى تاپمامدۇ ھايات ،
ئۇندا بەخت ۋىلىقلاپ تۇرسا .

يۈرىكىڭنى بەرسەڭ قولۇمغا ،
ھەر سوقۇشى مەن ئۈچۈن بولسا .
مەناسىنى تاپمامدۇ ھايات ،
ئۇندا بەخت ۋىلىقلاپ تۇرسا .

      تاتلىق مىسرالاركەن

تاتلىق مىسرالاردىن ئۉزگىچە زوق ئالدىم،يەنىمۇ بەرىكەتلىك بولۇڭ،گۉھەر!

ئىجادىيەتتە يەنىمۇ بەرىكەتلىك بۇلۇڭ.