ھايات [ئۇلانما كۆچۈرۈش]

ھايات
نۇرمۇھەممەد توخنىياز

جاھانغا بىر قېتىم كەلدىم، يەنە قايتا كىلەلمەيمەن،
نۆۋەت كەلمەي تۇرۇپ ھەرگىز، كىتەي دەپمۇ كىتەلمەيمەن.

كېلىپ كېتەر جىمى ئادەم، ھايات باقى ئەمەس ھەرگىز،
بۇدۇنيا بىر ساراي-دەڭدۇر، پەقەت شۇنداق دىيەلەيمەن.

دىگەنغۇ كونىلار شۇنداق، ئۆلۈم مۇتلەق، ئۆلۈم غايىب،
ياشاپ نەدە، يەنە نەدە، كىتەشىمنى بىلەلمەيمەن.

ئۆتەر ۋاقىت تىۋىشىزلا، ئۆتەر ھەرگىز يېنىپ كەلمەس،
ئەگەر چىڭ تۇتمىسام باشتا، كىيىن قانداق يۈگەنلەيمەن.

پىقىر كەلدىم بۇدۇنياغا، ياشايمەن كەتكىچە مەغرۇر،
قەدىرلەپ ياش ھاياتىمنى، ئۇنىڭدىن دىل ئۈزەلمەيمەن.

     مەنالارغا تۇيۇنغان مىسرالىرىڭىزدىن بەھىرلەندىم