شۇنداق بىر كۈن كېلىدۇ ئەركەم [ئۇلانما كۆچۈرۈش]

شۇنداق بىر كۈن كېلىدۇ ئەركەم




گۈل بەرگىنى سۆيگەندەك شەبنەم ،

دىلغا بەخىت بېرىدۇ مەلھەم .

پورەكلەيدۇ ئۇلۇغ ئەقىدەم ،

شۇنداق بىر كۈن كېلىدۇ ئەركەم .




يۈرەكلەردىن باھار كەتمەيدۇ ،

ئاھانەتلەر بوزەك ئەتمەيدۇ ،

كەپىمىزگە جەننەت يەتمەيدۇ ،

شۇنداق بىر كۈن كېلىدۇ ئەركەم .



جۈپ قۇشلاردەك قىلىمىز پەرۋاز ،

قۇت پەيزىدىن چېلىپ ياڭراق ساز ،

جىسمىمىزدىن ياشنايدۇ ئاياز ،

شۇنداق بىر كۈن كېلىدۇ ئەركەم .



تۆكۈلىدۇ ئىزلاردىن بەركەت ،

قۇچاقلايدۇ مېھرى - مۇھەببەت ،

چىن ۋىسالدىن يايرايمىز ئەبەت ،

شۇنداق بىر كۈن كېلىدۇ ئەركەم .

شېئىرىڭىز ياخشى چىقىپتۇ،ئىجادىيەتلىرىڭىزگە بەرىكەت تىلەيمەن.

شۇنداق كۈنلىرىڭىزنىڭ كېلىشىگە تىلەكداشمەن .