كېچە ۋە دېھقان [ئۇلانما كۆچۈرۈش]

مۇھەممەتجان ئەمەت ئۆزكان
كېچە ۋە دېھقان
ئۇخلاتماق بولىدۇ ئۈژمە يوپۇرماقلىرىدا
ھەم تەك ئارىسىدا
ئۈژمە ۋە ئۈژمىدىن تامچىپ
ئاستا كىرىپ كېچە باغرىغا .

قوللىرىغا سۆيەر
قاداقلاردىن ئۇنى ئىزدەپ
گەجگىسىنى سىلاشلىرىدىن
چۈشلىرىگە ئەكىرمەك بولار پەپىلەپ .

ھەي تاتلىق شۇقەدەر
سۇنىڭ ئېرىقنى قىچىقلاشلىرى
يىلتىزلارنى يۇيۇپ ، تاراپ
ئۆزىنى ئۇنىڭغا ئېقىتىپ كېلىشلىرى .

پۇسسۇررىدە پەيدا بولغان مۈشۈككە
ھەم كىرپىگىمۇ قويار ئالىيىپ
تومۇزغىغا باردۇر ئاغرىنىشى
كاۋىلاردىن تۇرار جىلمىيىپ .

ئۇخلاتماق بولىدۇ تىمتاسلىقتا
پۇت – قوللىرىنى سوزغۇزۇپ
ئاي نۇرىدا بىزەپ سەھرانى
يۇلتۇزلارنى ئولتۇرغۇزۇپ ئەتراپىدا .

ئۇخلاپ قالار ئۆزى جىممىدە
ئۇنىڭ باغرىدا توپا پۇراپ
كوكىراتمىدىن ئاتلاپ ئۆتكىچە
مەڭدەپ چۇچۇپ يەنە پىخىلداپ .

دېھقان كېچىنىڭ چۈشىدە ماڭار غادىيىپ ،
كەتمىنى قۇياش بوپ يال – يال نۇرلار چاقنىتىپ .
مەنبە : قەلىمىم

شېئىرنىڭ ئاخىرىسى بەك ياخشى ئاخىرلىشىپتۇ، داۋاملىق تىرىشىڭ، سىزدە ئۈمۈدنىڭ پۇرىقىنى سەزگىلى بولىدىكەن.

تېتىملىق مىسرالار ئۈزۈلمىسۇن .

  شېئىرنىڭ قۇرۇلمىسى،مەزمۇن،ئاھاڭدارلىق، كەيپىيات ...ياخشى يارتىلىپتۇ. بەرىكەت بىزلەرگە يار بولسۇن!