ئانا تىل [ئۇلانما كۆچۈرۈش]

ئانا تىل




ئەمەتجان زۇنۇن


ئۆز ئانامسەن گويا ئانا تىل ،

ماڭا گۈزەل دۇنيا ئانا تىل ،

يايرايدۇ جان ھىكمەتلىرىڭدىن ،

مەنزىلىمدە زىيا ئانا تىل .



ئادەم بولدۇم تونۇپ ھەممنى ،

ئاق -قارىنى ،ھەقنى -ناھەقنى ،

سەن بار بىلدىم ھايات قەدرىنى ،

ئەجدات ئىزى گۇۋا ئانا تىل .


تۆكۈلىدۇ ئالەمچە بەركەت ،

ياغدۇرىسەن مىھرى -مۇھەببەت ،

خىسلىتىڭدىن يار بولغان نۇسرەت ،

ھاياتىمغا  پىدا ئانا تىل .



مەڭگۈ يورۇق قۇياشتەك مېھرىڭ ،

جەننەت تۇتاش ئۇلۇغدۇر سىھرىڭ ،

پۈتمەس ئىمكان قۇدرىتىڭ ،چىھرىڭ ،

پاك روھىمدا جۇلا ئانا تىل .

ئانا تىلنى قەدىرلەش خۇددى ئۆز ئانىسىنى قەدىر لىگەن بىلەن ئوخشاش،

ئانا تىلنى قەدىرلەش كېرەك.