ئانامغا يېزىلغان شېئىر ( شۇ تىڭ ) [ئۇلانما كۆچۈرۈش]

ئانامغا يازغان شېئىر

ئىزتىراپ ئىلكىدە چالغان كۈيلىرىڭ ،
چۈشۈمدە زاھىر بوپ يىغلاتتى مېنى ...

ئاخىرقى سۇسقىنا شۇ تەبەسسۇمىڭ ،
بەئەينى كۈزدىكى مىسكىن ياپراقتەك ،
تېنىم شاخلىرىنى تىترىتىپ ئۆتتى .

ئاھ ، ئانا ، راستىنلا يوقمىدۇ ئىمكان ،
باغرىڭدا قايتا بىر كۆرسەم ئۆزۈمنى .
ھەممىدىن مەھرۇم بوپ قالدىم غېرىبان ،
مەن سەندىن مەڭگۈلۈك ئايرىلغان كۈنى .
سەكراتتا يولۇمغا قارىغىنىڭنى ،
سېغىنىش قانچىلىك قىينىغىنىنى ،
ھېس قىلدىم ، يىللاردىن تېپىپ ئەقلىمنى .

تەبىئەت ئەركىسى شوخ شاماللارمۇ ،
ئېيتالماي قايتىپتۇ ساڭا سۆزۈمنى .
دەريادەك كۆڭلى بار ، ئەپۇچان ئانا ،
تىلەيمەن رازى بول ، كەچۈرگىن مېنى .


سەنەۋەر ئابدۇراھمان تەرجىمىسى

مۇشۇنداق تېتىملىق تەرجىمىلىرىڭىز ئۈزۈلمىگەي.

شۇتىڭنىڭ شېئىرلىرى ھەقىقەتەن ياخشى ، سەنەۋەر  بۇ شېئىرنى تولىمۇ قىيامىغا كەلتۇرۇپ تەرجىمە قىلغاندەك تۇرىدۇ . بولسا بۇندىن كېيىن خەنزۇچىسىنىمۇ يوللاپ قويارسىز ، بۇنداق قىلغاندا سىزنىڭ بەددى تەرجىمە جەھەتتىكى يېتىلىشىڭىزگىمۇ پايدىسى بولىدۇ . چۇنكى تورىمىزدا بۇ جەھەتتىكى قەلەمداشلار بار ئەمەسمۇ ؟ ئۆز _ئارا پىكىرلىشىشكە پايدىلىق بولىدۇ سىڭلىم !  ئامان بولىڭ ...