يېڭى يىل كەلدى [ئۇلانما كۆچۈرۈش]

يېڭى يىل كەلدى

ئابدۇرېھىم ئابدۇراخمان

ھەر چىراينىڭ ھۆسنى باشقىچە،

ئۇز ياسانغان قېرى-ياشقىچە،

خوشاللىق بار تولۇپ تاشقىچە،

كۈلكە تولغان يېڭى يىل كەلدى.


ھوسۇل ئالدۇق يېتىپ ئاشقىچە،

بۇغداي،قوناق ھەتتا ماشقىچە،

بازار تاپتى قۇمدىن-تاشقىچە،

بەركەت تولغان يېڭى يىل كەلدى.


ئايلانسۇن دەپ ۋەتىنىم گۈلگە،

باغلار قىلدۇق ھەتتا ساي-چۆلگە،

ھەر چىرايدا شۇڭا نۇر،كۈلكە،

تىلدا داستان يېڭى يىل كەلدى.


ھەر قەدەمدە باشقىچە خىسلەت،

توغرا يولدا بار ئىكەن نۇسرەت،

قالدى كىمدە كۆر بۈگۈن ھەسرەت؟

كۈلدى ئارمان يېڭى يىل كەلدى.


ئاپتۇر قەشقەر يېڭسار ناھىيە توپلۇق مەركىزى باشلانغۇچ مەكتەپتە

يېڭى يىلغا ئاتالغان ياخشى مەدھىيە ئىكەن !