ئاداققى تاللاش [ئۇلانما كۆچۈرۈش]

ئاداققى تاللاش

تەقدىرىمگە يۈرمىدىم باتناپ،
تەقدىرىمنىڭ قۇرلىرى شۇنداق.
يارالمىشىم قانداق نەسىلدىن-
سورىغۇم يوق
قوپۇرۇلغان قەبرە
يۇلغۇنلۇقلار ھەتتاكى گىياھ
كۆچمەن بولۇپ كەتكەندەك مەندەك
كۆچمەن بولۇپ كېتىپتۇ يىراق.

تەقدىرىمگە باقىمەن سىنجا
كۈلۈپ تۇرۇپ يىغلاپ كېتىمەن.
يىغىنىڭمۇ ھۆرمىتى باردۇر
ئاتسىزنىڭ ھۆرمىتى نەدە؟
ئانىسىزغا ياغمايدۇ شەپقەت
كۆچمەن بولۇپ كەتكەندەك ئۇلار
كۆچمەن بولۇپ كەتسەم تۇپراققا
نە نەسەبىم قالىدۇ يانا
بالام ئۈچۈن چىقمىدى جاۋاب
بالىسىغا قالدۇراي نېمە.
ئۆچكەن شام بوپ ئۆچۈپ يۈرەمدىم
ئۆچۈشكىلا يارالغانمىدىم
كۆچمەن بولۇپ كەتكەندەك مەندەك
كۆچمە بولۇپ كەتسۇنمۇ بالام
ئىگىسىز مۇردا
ئىگىسىز قەبرە
يالىڭاچلىنىپ قىلغاندا ھازا
دوزاخ بىلەن جەننەت ئارسىدا
كۆچمەن بولۇپ يۈرگۈم يوق يانا!!!

(ئەسكەرتىش:بۇ يازمام ئىلگىرى ئائىشە سۇبۇرە نامىدا توردا ئېلان قىلىنغان ئىدى،قايتا رەتلەپ يوللىدۇم)

شېئىرىڭىزدىكى تىگىگە يېتىپ بولغىلى بولمايدىغان مۇڭ مېنى جەلپ قىلدى ! تېخىمۇ نادىر يازمىللىرىڭىزنى كۈتىمىز !