دولان ( ساجىدە سۇلايمان)

ساجىدە سۇلايمان · ۋاقتى: 2012-4-2 23:10:21


	دولان ساجىدە سۇلايمان مۈڭگۈزى تاق كەركىدان، ئول باشىدا كۆكمەت دولان، تەڭدىشى مۈڭگۈز-تۇران،«تۇمشۇق» ئايا! ھەيۋەت دولان. «غەربىچىن»(ماچىن)بېشى-مۇرئەل بېشى،«ئارچىن» قېشى، ئىككى «چىن» قېرىندىشى، تۇغقان ئارا ئۈلپەت دولان. توندىكى بەلباغ تۈرۈم، ئاسقان پىچاق ئەردەك كۆرۈم، زەپتىدە ئۆلۈم-كۆرۈم پالۋان بىلەك جۈرئەت دولان. شاپ بۇرۇت مويلۇق بەدەن، يولباش بۆرە ئوۋلار جەرەن، يىلتىزى «ئوغۇز» تىرەن، قەھرى لاۋا شەرمەت دولان. قىزلىرى بەرناسىدا، سۇمرۇغ جۇلا پەرۋازىدا، خۇلقى ئۇز ئەخلاقىدا شەرمى-ھايا ئىپپەت دولان. بەرمىدىڭ تەقدىرگە تەن، قۇدرەتكە تەدبىر ئىلمى-پەن، گۈللىسۇن ئانا ۋەتەن ئاھ! ئىپتىخار شۆھرەت دولان. ئاۋازدا : ئابدۇقەييۇم ئىمىن چۈشۈرۈش ئادرېسى : http://www.yanghin.com/nahxa/dolan.mp3

ئابلىكىم شەمى · ۋاقتى: 2012-4-3 01:00:11


	شېئىر مەزمۇنى بىلەن ئابدۇقېيۇم ئاكىنىڭ ئاۋازى بەك ماسلىشىپتۇ، كىشىنى ھاجانغا سالىدىكەن. بولسا دولان قالۇنىنىڭ مۇزىكىسى كىرگۈزۋېتىلگەن بولسزە لېكىن ...:) بۇ يازمىنى ئاخىرىدا دولان تەھرىرلىگەن. ۋاقتى 2012-4-3 01:01

ئۆزقۇت · ۋاقتى: 2012-4-3 09:39:44


	بەك ياخشى يېزىپسىز...قولىڭىزغا دەرت كەلمىسۇن!!! دېكلاماتىسيەسىمۇ شۇقەدەر ياخشى ماسلىشىپتۇ....

ئامىنە · ۋاقتى: 2012-4-3 10:47:22

ئايتاش · ۋاقتى: 2012-4-3 10:58:01


	ما ، دېكلاماتىسيەنى ھوزورلىنىپ ئاڭلاپتىمەن.ياخشى چىقىپتۇ.

يانغىن · ۋاقتى: 2012-4-3 19:41:04


	شېئىرىڭىزمۇ ياخشى يېزىلىپتىكەن . دىكىلماتسىيەمۇ ،مۇزىكىمۇ شېئىرىڭىزغا تېخىمۇ جان كىرگۈزۈپتۇ . سىزگە تېخىمۇ زور ئۇتۇقلار يار بولسۇن !

muhammadbarhan · ۋاقتى: 2012-4-4 23:41:00


	مۇشۇنداق ياخشى چىققان غەزەلگە ۋە دېكلىماتسىيە قىلغۇچى ئابدۇقېيۇم ئىمىن ئەپەندىگە تەسەننا ئېيىتىش ئۈچۈن ئىككىلىك ئىنكاس يېزىشقا قىسىنغان تورداشلارغا ھەيران قېلىۋاتىمەن... بىز قاچانمۇ رىقابەتنى توغرا چۈشىنىدىغان تەقۋىدارلاردىن بولارمىز ؟ ياشاپ كېتىڭ ‹ساجىدە سۇلايمان›... ئاللاھ قەلەم قۇۋىتىڭىزگە تېخىمۇ ئۆتكۈرلۈك ئاتا قىلغاي... قانائەتسىز ھالدا تېخىمۇ تىرىشىڭ! دولان قىزى...

ئۆزتۇغ · ۋاقتى: 2012-4-7 01:03:51


	شېئىردىكى پاساھەتلىك سۆز-ئاتالغۇلار شائىرەنىڭ ۋۇجۇدىدىكى تۇيغۇنى مۇۋاپپىققىىيەتلىك ئىپادىلەشتە ئالاھىدە مۇھىم رول ئوينىغان. مەن مۇشۇنداق بىر دولانلىق يۇرتدىشىمنىڭ بولغانلىقىدىن پەخىرلىنمەن.

ي.ت.توغراق · ۋاقتى: 2012-4-7 01:10:33


	شېرمۇ بېرىلگەن ئاۋازمۇ بەك ياخشى چىقىپتۇ

ئايسىمە ئىدىرىس · ۋاقتى: 2012-4-7 01:27:23


	ساجىدەنى مۇھەببەتتە ئەجەپ كۆيدۈرگەن دولان، بارچە ئەلنى كۈيى بىلەن كۈندە سۆيدۈرگەن دولان. ئەي دولان مەغرۇر دولان ،ئاتەش دولان، مەيلى شېئىر، مەيلى سازدا كۆپنى كۈلدۈرگەن دولان.

ئەلقىزى · ۋاقتى: 2012-4-8 10:45:19


	ساجىدەنىڭ شېئىرىدىكى پاساھەت ئابدۇقەييۇم ئاكىنىڭ ئاۋازى بىلەن مۇزىكىدا تېخىمۇ ۋايىغا يېتىپتۇ، ئەتىگەندە ئاڭلىغان ئېسىل سوۋغا بولدى. ساجىدەنىڭ پاكىزە قەلبىدىن توختىماي ئوخچۇپ چىقىۋاتقان گۈزەل مىسرالارنىڭ تېخىمۇ كۆپ قەلبلەرگە سىڭىپ كىرىشىنى تىلەش بىلەن بىرگە ئابدۇقەييۇم ئاكىنىڭ تېنىگە سالامەتلىك ۋە خاتىرجەملىك تىلەيمەن! ئامان بولۇڭ، ساجىدە، تەپەككۈرىڭىزگە يەنىمۇ ئۆتكۈرلۈك يار بولسۇن! ھۆرمەت بىلەن: تۇنساگۈل بارات ئەلقىزى

مېھرىگىياھ · ۋاقتى: 2012-4-8 11:09:46


	شېئىرمۇ ،دىكلاماتسىيىمۇ بەك ياخشى چىقىپتۇ . بۇلاقتەك ھىسلىرىڭىز ئۈزۈلۈپ قالمىسۇن ساجىدە ، سىزگە تېخىمۇ زور ئۇتۇقلار تىلەيمەن .

سائادەت ساتتار · ۋاقتى: 2012-4-8 20:42:28


	كۆپ قىرلىق، تەۋەرۈك دوستۇم ساجىدەنىڭ پاكىز ھېسلىرىغا مەڭگۈ كۆز تەگمىسىكەن دەپ تىلەيمەن. شېئىر، مۇزىكا، دېكلىماتسىيە نىمىدىگەن ماسلاشقان ھە؟! يازمىلىرىڭىزنى يېڭى مۇنبەردىن ئايمىغايسىز.

ساجىدە سۇلايمان · ۋاقتى: 2012-4-9 01:38:10


	ئەسسالامۇ ئەلەيكۇم، ئەزىزلەرنىڭ مېھىرلىك كۆڭۈللىرىدىن تامچىغان ئابىيھايات كەبى تامچىلاردىن ئالەمچە ھوزۇر ئالدىم، چۈنكى ئەزىزلەرنىڭ قوللاشلىرى، ئىلھام ئاتا قىلىشلىرى ئاستىدىلا تۇيغۇلىرىم قاناتلىنىپ كېتىدىكەن، ماڭا مەدەت تىلىگەن، بۇ غەزەلنى ياقتۇرغان، ھەمدە تاتلىق تۇيغۇلىرى بىلەن غەزەلگە جۈر بولغان دوستلارغا تەشەككۇر!

ساجىدە سۇلايمان · ۋاقتى: 2012-4-9 01:51:14


	تىكەننىڭ ئىنكاسىغا جاۋاب: ۋەئەلەيكۇم ئەسسالام تىكەن، مېنى ئۆز قېرىندىشىڭىزدەك كۆرگىنىڭىزگە رەھمەت، ئەسلىمۇ ئادەم ئاتا ۋە ھەۋۋا ئانا ئەۋلادلىرى بىز، شۇنداقلا خان ئوغۇزنىڭ باللىرى بىز، شۇڭا شۇنداق تۇيغۇدا بولغىنىڭىز بەرھەق! ئەمدى يۇرتۇمنى سورىسىڭىز، بارچۇق دىيارىدا شۇنداق بىر ماكان بار ئاجايىپ گۈزەل. ئۇنىڭ گۈزەللىكىدىن، خەلقىنىڭ ئىناق ئىجىللىقىدىن، ئەقىدىسىنىڭ ساپلىقىدىن ، تۆمۈر داۋامەت ئاكا بۇ بازارغا: «جەنۇبىي شىنجاڭدىكى نۇرلۇق مەرۋايىت» دەپ نام بەرگەن ئىكەن، مانا بۇ دەل مېنىڭ ئانا يۇرتۇم سېرىقبۇيا بولىدۇ. گەرچە مەن كىچىكلا يۇرتۇمدىن ئايرىلىپ كەتكەن بولساممۇ ئەمما يىلتىزىم يەنىلا شۇ يەردە. بۇ يەر دەل مەكىت، ئاقسۇنىڭ ئاۋات ناھىيىلىرىگە چىگرىداش، بۇ يەرنىڭ خەلقلىرىنىمۇ «دولانلار» دەپ ئاتىشىدۇ. بۇ يازمىنى ئاخىرىدا ساجىدە سۇلايمان تەھرىرلىگەن. ۋاقتى 2012-4-9 01:51