دولان ( ساجىدە سۇلايمان) [ئۇلانما كۆچۈرۈش]

دولان

ساجىدە سۇلايمان

مۈڭگۈزى تاق كەركىدان، ئول باشىدا كۆكمەت دولان،

تەڭدىشى مۈڭگۈز-تۇران،«تۇمشۇق» ئايا! ھەيۋەت دولان.

«غەربىچىن»(ماچىن)بېشى-مۇرئەل بېشى،«ئارچىن» قېشى،
ئىككى «چىن» قېرىندىشى، تۇغقان ئارا ئۈلپەت دولان.

توندىكى بەلباغ تۈرۈم، ئاسقان پىچاق ئەردەك كۆرۈم،
زەپتىدە ئۆلۈم-كۆرۈم پالۋان بىلەك جۈرئەت دولان.

شاپ بۇرۇت مويلۇق بەدەن، يولباش بۆرە ئوۋلار جەرەن،
يىلتىزى «ئوغۇز» تىرەن، قەھرى لاۋا شەرمەت دولان.

قىزلىرى بەرناسىدا، سۇمرۇغ جۇلا پەرۋازىدا،
خۇلقى ئۇز ئەخلاقىدا شەرمى-ھايا ئىپپەت دولان.

بەرمىدىڭ تەقدىرگە تەن، قۇدرەتكە تەدبىر ئىلمى-پەن،
گۈللىسۇن ئانا ۋەتەن ئاھ! ئىپتىخار شۆھرەت دولان.

ئاۋازدا : ئابدۇقەييۇم ئىمىن

چۈشۈرۈش ئادرېسى :  http://www.yanghin.com/nahxa/dolan.mp3

شېئىر مەزمۇنى بىلەن ئابدۇقېيۇم ئاكىنىڭ ئاۋازى بەك ماسلىشىپتۇ،  كىشىنى ھاجانغا سالىدىكەن.  بولسا دولان قالۇنىنىڭ مۇزىكىسى كىرگۈزۋېتىلگەن بولسزە لېكىن ... بۇ يازمىنى ئاخىرىدا   دولان تەھرىرلىگەن. ۋاقتى  2012-4-3 01:01  

بەك ياخشى يېزىپسىز...قولىڭىزغا دەرت كەلمىسۇن!!! دېكلاماتىسيەسىمۇ شۇقەدەر ياخشى ماسلىشىپتۇ....

ھاردۇقىڭىز چىقتىمو.

ما ، دېكلاماتىسيەنى ھوزورلىنىپ ئاڭلاپتىمەن.ياخشى چىقىپتۇ.

شېئىرىڭىزمۇ ياخشى يېزىلىپتىكەن . دىكىلماتسىيەمۇ ،مۇزىكىمۇ شېئىرىڭىزغا تېخىمۇ جان كىرگۈزۈپتۇ . سىزگە تېخىمۇ زور ئۇتۇقلار يار بولسۇن !

    مۇشۇنداق ياخشى چىققان غەزەلگە ۋە دېكلىماتسىيە قىلغۇچى ئابدۇقېيۇم ئىمىن ئەپەندىگە تەسەننا ئېيىتىش ئۈچۈن ئىككىلىك ئىنكاس يېزىشقا قىسىنغان تورداشلارغا ھەيران قېلىۋاتىمەن...
    بىز قاچانمۇ رىقابەتنى توغرا چۈشىنىدىغان تەقۋىدارلاردىن بولارمىز ؟
  
    ياشاپ كېتىڭ ‹ساجىدە سۇلايمان›...
    ئاللاھ قەلەم قۇۋىتىڭىزگە تېخىمۇ ئۆتكۈرلۈك ئاتا قىلغاي... قانائەتسىز ھالدا تېخىمۇ تىرىشىڭ! دولان قىزى...

شېئىردىكى پاساھەتلىك سۆز-ئاتالغۇلار شائىرەنىڭ ۋۇجۇدىدىكى تۇيغۇنى مۇۋاپپىققىىيەتلىك ئىپادىلەشتە ئالاھىدە مۇھىم رول ئوينىغان. مەن مۇشۇنداق بىر دولانلىق يۇرتدىشىمنىڭ بولغانلىقىدىن پەخىرلىنمەن.

شېرمۇ بېرىلگەن ئاۋازمۇ بەك ياخشى چىقىپتۇ

ساجىدەنى مۇھەببەتتە ئەجەپ كۆيدۈرگەن دولان،
بارچە ئەلنى كۈيى بىلەن كۈندە سۆيدۈرگەن دولان.

ئەي دولان مەغرۇر دولان ،ئاتەش دولان،
مەيلى شېئىر، مەيلى سازدا كۆپنى كۈلدۈرگەن دولان.

ساجىدەنىڭ شېئىرىدىكى پاساھەت  ئابدۇقەييۇم ئاكىنىڭ ئاۋازى بىلەن مۇزىكىدا تېخىمۇ ۋايىغا يېتىپتۇ، ئەتىگەندە ئاڭلىغان ئېسىل سوۋغا بولدى. ساجىدەنىڭ پاكىزە قەلبىدىن توختىماي ئوخچۇپ چىقىۋاتقان گۈزەل مىسرالارنىڭ تېخىمۇ كۆپ قەلبلەرگە سىڭىپ كىرىشىنى تىلەش بىلەن بىرگە ئابدۇقەييۇم ئاكىنىڭ تېنىگە سالامەتلىك ۋە خاتىرجەملىك تىلەيمەن! ئامان بولۇڭ، ساجىدە، تەپەككۈرىڭىزگە يەنىمۇ ئۆتكۈرلۈك يار بولسۇن!
                                                                  ھۆرمەت بىلەن: تۇنساگۈل بارات ئەلقىزى

شېئىرمۇ ،دىكلاماتسىيىمۇ بەك ياخشى چىقىپتۇ .
بۇلاقتەك ھىسلىرىڭىز ئۈزۈلۈپ قالمىسۇن ساجىدە ، سىزگە تېخىمۇ زور ئۇتۇقلار تىلەيمەن .

كۆپ قىرلىق، تەۋەرۈك دوستۇم ساجىدەنىڭ پاكىز ھېسلىرىغا مەڭگۈ كۆز تەگمىسىكەن دەپ تىلەيمەن. شېئىر، مۇزىكا، دېكلىماتسىيە نىمىدىگەن ماسلاشقان ھە؟! يازمىلىرىڭىزنى يېڭى مۇنبەردىن ئايمىغايسىز.

ساجىدەنىڭ ئاياق تىلى، چىققان يىرى ئۇشبۇ دولان،
ئەما  كۆزنى تاڭدا ئېچىپ، ئويغاقلاردىن قىلغان دولان.


دولانى شەربەت سۈيى،مۇسەللىسى  ئاندىن شىرىن،
شىرمەت بىلەك، يولۋاس يۈرەك، يىگىتلىرى جەسۇر دولان.


تاڭدا كەل ۋە  ياكى كەچ، ئاقسۇغا يەتسە  قەدىمىڭ،
بىر كىلىپ كەت،بوستان كەبى، قىزلىرى ئىشچان  دولان.


كەلمىسەڭ ئۇخلاپ كەبى،مەيلى ئاقسۇ، كۆسەندە،
مەن كۆڭۈلدىن بىر جام تۇتاي مۇسەللىسى  تاتلىق دولان.


ساجىدە ياخشىمۇ سىز؟مەن سىزنىڭ بۇ نەزمىڭىزنى ئۇقۇپ سىزنى ئاقسۇ دىيارىمىزنىڭ قەدىمى ئۆرپ-ئادەت،مىللى مەدىنيەتكە تولغان گۈزەل ئاۋات تۇپرىقىدا تۇغۇلۇپ ئۈسۈپ چوڭ بولدىمىكىن دەپ چۈشەندىم.

نەزمىڭىزگە ئەگىشىپ قويدۇم.كەچۈرۈڭ.




بۇ يازمىنى ئاخىرىدا   tikan تەھرىرلىگەن. ۋاقتى  2012-4-8 21:46  

ئەسسالامۇ ئەلەيكۇم،  ئەزىزلەرنىڭ  مېھىرلىك كۆڭۈللىرىدىن تامچىغان  ئابىيھايات كەبى تامچىلاردىن ئالەمچە ھوزۇر ئالدىم، چۈنكى ئەزىزلەرنىڭ قوللاشلىرى، ئىلھام ئاتا قىلىشلىرى ئاستىدىلا  تۇيغۇلىرىم قاناتلىنىپ كېتىدىكەن،  ماڭا مەدەت تىلىگەن، بۇ غەزەلنى ياقتۇرغان، ھەمدە تاتلىق تۇيغۇلىرى بىلەن  غەزەلگە جۈر بولغان دوستلارغا  تەشەككۇر!