ئەتىيازغا ئۇلىشىش [ئۇلانما كۆچۈرۈش]

  
ئەتىيازغا ئۇلىشىش

كۈزدە ئېتىزغا،
كۈزگە ئەمەس،ئۈمىد تېرىيمىز.
شۇ ئۈمىدنى باغلاپ باھارغا،
قىشتىن ئاستا چېقىپ كېتىمىز.

توڭلار ئېرىيدۇ،
قۇشلار باھارئېلىپ كېلىدۇ.
دادام بەلبىغىنى چىڭىتسا،
چىڭامدىكىن ئىرادىسى؟
بېشىغاكەلگەن قاتتىق كۈنلەر،
باش ئەگدۈرەلمەي ئۆتۈپ كېتىدۇ.

دادام شۇندا باشلار ھىكايە،
ھايات ھەققىدە:
تۆت كۆزبىلەن كۈتسەڭمۇ ئۇزاق،
نىسىپ بولماس كۈننىڭ سىرىقى.
بېشىڭنى چايقايسەن،ئىلاجسىزلىقتىن،
بۇمۇ بەلكىم،
تەقدىر چاقچىقى.
توم-توم قېلىپ يازساڭمۇ كىتاب،
بىريېرى گۈل،بىريەر قاقاسلىق،
ھاياتتىكى تەركىبلەر شۇنداق.
ئۈگۈت بولسىلا،
دەرت تارتىپ مۈكچەيگەن تۈگمەنچى بوۋاي،
ئۈگۈتۈڭنى تارتىدۇ يۇمشاق.
پىچىرلايسەن ئۆزۈڭگە،
‹‹ئاش بولسىلا تېپىلۇر قازان.››

ئېتىزىمىزدا ئۈمىد ئۈندى،
دادامنىڭ سۆزلىرى يۈرەككە كۆچتى.
مايسا رەڭلىك تۇيغۇلار بىلەن،
ئەتىيازغا ئۇلاشتۇق.

باھارغا بولغان سېغىنچىم ھەسسىلەپ ئېشىۋاتىدۇ دىسە ...

ياخشى چىقىپتۇ

ھۆرمەتلىك مۇنبەر باشقۇرغۇچى مېنىڭ بۇ شېئىرىم ھىچقانداق مۇكاپاتقا ئىرىشمىگەن،ھەم ھىچقانداق مەتبۇئاتتىمۇ ئىلان قىلىنمىغان،سىلەرگە يوللىغانتىم‹‹مۇكاپاتلانغان ئەسەرلەر››سەھىپىسىگە چىقىپتۇ.مەن بىلمەي مۇشۇ سەھىپىگە يوللاپ سالدىممۇ ياكى سىلەر مۇشۇ سەھىپىگە ئورۇنلاشتۇردۇڭلىمۇ؟سەۋەبىنى بەكمۇ بىلگىم بار

مېنىڭچە،ئىنىم، يازمىدىن بۇرۇن ماھىيەتكە ئىچكىرىلەپ بېقىڭ. «نېمىشقا؟» دەپ سوراپ تاشلىشىڭىزدىن ئەنسىرەپ تۇرۇپتىمەن.