«شايار»ژۇرنىلى (2012-يىل1-سان) [ئۇلانما كۆچۈرۈش]

     بۇ ژۇرنالنىڭ يەنە مۇۋەپپەقىيەتلىك ھالدا نەشىردىن چىقىشقا باشلىغانلىقىدىن تولىمۇ سۆيۈندۈم، ئالدى بىلەن ژۇرنالنىڭ مۇشۇنداق ھالەتتە ئوقۇرمەنلەر بىلەن يۈز كۆرۈشۈشى ئۈچۈن ئەجىر سىڭدۈرگەن ئۆمەرجان كېرىم، زوھرەگۇل ھامۇت، كېرەم قاسىم ئەۋجى، ئوسمان ھوشۇر قاتارلىق شاياردىكى قەلەمكەش ئۇستازلار ۋە دوستلارغا سەمىمىي سالام يوللايمەن، بۇ سان ژۇرنالدا ئەسىرى ئېلان قىلىنغان بارلىق ئەزىز قەلەمكەشلەرنى قىزغىن تەبرىكلەيمەن!
     يەنە بىرسى ژۇرنال تەھرىر بۆلۈمىدىكىلەرگە تەكلىپىم: ھەر قايسى ناھىيەلەردىكى مەدەنىيەت يۇرتلىرىغا ياكى شۇ ناھىيەدىكى ئاساسلىق ئىجادىيەت بىلەن شۇغۇللىنىپ تۇرىۋاتقان ئاپتورلاردىن بىرسىگە ھېچبولمىغاندا 3-2 تالدىن ژۇرنال ماڭدۇرۇپ بېرىلسە، يۈرۈشتۈرۈپ كۆرسەك، ژۇرنالغا ئەسىرى بېرىلگەن ناھىيە سىرتىدىكى ئاپتورلارغىمۇ پوچتا ئارقىلىق بىرەر نۇسقىدىن يەتكۈزۈپ بېرىلسە تولىمۇ ياخشى ئىش بولغان بولاتتى. ئاخىرىدا مەن يازغان «شايار ئالبومىدىكى سۈرەتلەر» ناملىق سېكىلغا ژۇرنال بېتىدىن ئورۇن بەرگەن تەھرىر دوستلاغا چىن كۆڭلۈمدىن سەمىمىي رەھمەت ئېيتىمەن.

مەنمۇ بۇ ژورنالنى كۆرمەپتىكەنمەن. ئەدەبىي ئىجادىيەتتە بىر ژورنالنىڭ كۆپ نەشىر قىلىنىشى ئەدەبىي ئىجادىيەت سورۇنىنىڭ كۆپەيگەنلىكى بولۇپ، بۇ ئىجادىيەتچىلەرنىڭ قىزغىنلىقىغا ئىلھام بېرىش ئارقىلىق  ئىجادىيەتتىكى ئارتۇقچىلىقىنى جارى قىلدۇرۇشتا ئۈچۈن زور ئەھمىيەتكە ئىگە.  

ئىنكاس بوشلۇقىڭىز قۇپقۇرۇق كۆرۈندى،نىمە يوللىغان بولغىيدىڭىز؟

بەلكىم دۇنيادا بۇنداق ژورنال مەۋجۇت بولمىسا كېرەك.

بۇ ژورنال سەن ئالىي مەكتەپتە ئوقۇشتىن بۇرۇنلا باتى.

92-يىللىرى مەن تۇلۇقسىزدا ئوقۇۋاتقان چاغلىرىمدىلا  بار ژۇرنال بۇ.

تەسىس قىلىنغان ئېنىق ۋاقتى قاچان بولغىتى؟

1980- يىللاردا كۇچادا "كۇچار ناخشىلىرى''(كېيىن <مارجانبۇلاق>گە ئۆزگەرتىلگەن)، شاياردا "شايار ئەدەبىياتى" ، بايدا "مۇزات دولقۇنلىرى" ، ئاۋاتتا "ئاۋات ئەدەبىياتى''، كەلپىندە "كەلپىن ئەدەبىياتى"، ئۇچتۇرپاندا " توققۇزبۇلاق"، قەشقەر كونىشەھەردە "كونىشەھەر ئەدەبىياتى" ژۇرنىلى چىقاتتى. بالىلىق ۋاقتىمدا باي ناھىيەلىك مەدەنىيەت يۇرتى قىرائەتخانىسىدا بۇ ژۇرناللارنىڭ ھەممە سانلىرىنى تولۇق دېگۈدەك ئوقۇيتتىم. تولۇقسىز، تولۇق ئوتتۇرىدىكى ۋاقتىمدىلا نۇرغۇن "شېئىر'' لىرىم بۇ ژۇرناللاردا ئېلان قىلىنغان، " توققۇزبۇلاق" نى ئىبراھىم قۇربان ئاكا، " كەلپىن ئەدەبىياتى" نى سالى ئىبراھىم ئاكا، " كۇچار ناخشىلىرى" نى غوپۇر راخمان ئاكا، " شاھيار ئەدەبىياتى" نى مەمتىمىن غوپۇر شەيدايى ئاكا سانمۇ- سان ئەۋەتىپ بىرەتتى. شۇ جۇشقۇن يىللارنى، ۋە  مېنى بالا ھەۋەسكار كۆرمەي ئاتالمىش  "شېئىر" لىرىمنى ژۇرنالغا بېسىپ، ژۇرنالنى ئەۋەتىپ بەرگەن شۇ ئۇستازلارنى  ھەرگىز ئۇنتۇپ قالمايمەن. بۇ يازمىنى ئاخىرىدا   Erchin تەھرىرلىگەن. ۋاقتى  2012-6-23 15:41  

بۇنداق ژۇرنالنىڭ بارلىقىدىن خەۋىرىم يوق ئىكەن. بۇمۇ بىر ھىساپتا ياخشى بولدى .

بەلكىم دۇنيادا بۇنداق ژورنال مەۋجۇت بولمىسا كېرەك.

mamat omar يوللىغان ۋاقتى  2012-6-23 11:04

دۇنيادا بىرەر ئىنساننىڭ رايى، ئىرادىسىسىزمۇ نۇرغۇن ئىشلار مەۋجۇت بولىۋېرىدۇ.

خۇددى كۆك قەھرىدىكى سېخى قۇياشنى شەپەرەڭ ياقتۇرمىسىمۇ كائىناتتىكى ھەممە مەخلۇقاتلار ياخشى كۆرگىنىگە ئوخشاش.

تەكلىماكان بۇيىدىكى قەدىمي يۇرت شاياردا بۇ ژۇرنالنىڭ نەشىر قىلىنىۋاتقىنىغا خېلى ئۇزۇن بولدى. مەن بۇ ژۇرنالنىڭ خېلى كۆپ سانلىرىنى كۆرۈشكە مۇيەسسەر بولدۇم. بېرىلگەن ئەسەرلەرنىڭ سۈپىتى ھەقىقەتەن ياخشى. بۇ ساننىڭ مۇندەرىجىسىگە قارىغاندىمۇ ناھايتى ياخشى ئەسەرلەر ئىشلىتىلگەندەك قىلىدۇ. تېخىمۇ مۇھىمى، ئارانلا 60 نەچچە بەتلىك ژۇرنالغا شۇنچە كۆپ ئەسەر ئورۇنلاشتۇرۇلۇپتۇ. بۇ خىل ئالاھىدىلىكنى بۇ ژۇرنالنىڭ مۇۋەپپىقيىتى دىيىشكە بولىدۇ. بۇ ژۇرنالغا ئەسىرى بېرىلگەن ھەممە دوست-يارەنلەرگە سالام بولسۇن. ژۇرنال ئۈچۈن تەر ئاققۇزغان مۇھەررىرلەرنىڭ ئەجرىگە مىننەتدارلىقىمنى بىلدۈرىمەن!

بۇ ژۇرنالنىڭ  ئىلگىرى خېلى ياخشى چىقىپ ،كېيىن نىمىشقىدۇ توختاپ قالغىننى بىلىمەن.بۇ قېتىم قايتىدىن روياپقا چىققىنى ئەدەبىيات ئاشىنالىرنى سۆيۈندۈرگۈسى.ساۋاقدىشىم ئۆمەرجان  كېرىم قاتارلىق جاپاكەش مۇھەرىرلەرنىڭ تېنىگە ساقلىق ،ئىشلىرىغا ئۇتۇق تېلەيمەن.

مەنمۇ بۇرۇن بارلىغىنى بىلمەيدىكەنمەن .33- سان دېگەن گە قاراپ، بۇرۇنتىن باركەن دېگەن ئويغا كەلدىم .مەزمۇنلار ياخشى ئورۇنلاشتۇرۇلۇپتۇ.  مۆلچەرى ئەپەندىنىڭ ئىنكاسىدىن  :‹ھە بۇ ژورنالغا ئېلان بەرمەپتۇ،شۇڭا 60 بەتكە ياخشى مەزمۇنلار لىققىدە توشۇپتۇ ›دەپ ئازراق چاخچاق قىستۇرغۇم كەلدى .

بوزقىر ئاكىنىڭ ئاۋۇ ئىككى پارچە يازمىسىنى ئوقۇپ چىقسام دەيمەن .

ھە راست ژورنالنىڭ يېڭى قەدىمىگە مۇبارەك بولسۇن!

يېڭى سانىغا ۋە ئەسىرى ئېلان قىلنغان بارلىق ئەزىزلەرگە مۇبارەك .

مۇبارەك بولسۇن ،ئانا تىلدىكى يەنە بىر ژورنالنىڭ ئارتۇق چىققىنىدىن خۇشالمەن