«شايار»ژۇرنىلى (2012-يىل1-سان) [ئۇلانما كۆچۈرۈش]

شايار ئەدەبىياتى دىگەن ژۇرنالىنى كۆرمەپتىكەنمەن ھەم ئاڭلىمىغان ھەقىقىتەن ياخشى چىققان ژۇرناللار ئىكەن!

[قۇتلۇق ئىش بوپتۇ ،مۇبارەك بولغاي .

ئەسسالامۇ ئەلەيكۇم م.تىلىۋالدى!
مەزكۇر ژۇرنالنى شايار ناھىيىلىك مەدەنىيەت-تەنتەربىيە رادىئو-تېلىۋىزىيە ئىدارىسى«شايار ئەدەبىياتى»ژۇرنىلى تەھرىر  ئىشخانىسىدىكى ئۆمەرجان كېرىم بىلەن ئالاقىلىشىپ تاپالايسىز. بۇ يازمىنى ئاخىرىدا   زۆھرەگۈل ھامۇت تەھرىرلىگەن. ۋاقتى  2012-6-22 05:00  

زۆھرەگۈل خانىم مۇمكىن بولسا ‹‹قار ياغماقتا لەپىلدەپ ئاق قار››دېگەن  شېئىرلارنى يوللاپ قويسىڭىز.سىزنى ئاۋارە قىلىدىغان بولدۇم.

                مەھەممەتجان توختى
                         قار ياغماقتا لەپىلدەپ ئاق قار
                                               
                                                
                                           قار ياغماقتا لەپىلدەپ ئاق قار،
                                           ئاق لىباسقا ئورالدى ئەتراپ.
                                           يۇيۇلسىمۇ كۆڭۈل كىرلىرىم،
                                           بىراق روھىم تۇرار قاغجىراپ.

                                          ئوي-خىيالىم چىگىش شۇ قەدەر،
                                          ئۆتۈپ كەتتى تۈننىڭ يېرىمى.
                                          قۇچاقلايدۇ ۋاپادار ياردەك،
                                          يۈرىكىمنى ياشاش بېسىمى.

                                         كۆزلىرىڭگە باقسام مۇڭلىنىپ،
                                         يۈرىكىڭمۇ ئاغار ئېھتىمال.
                                         بۇ زاماندا ئەر بوپ ياشاشنىڭ،
                                         تەسلىكىنى بىلەمسەن ئايال.

                                         قار ياغماقتا لەپىلدەپ ئاق قار،
                                         كەلگىن قاردەك ئاققىنە ئەي يار.
                                         قار كېچەيلى ئۇتۇپ ھەممىنى،
                                        بەر تەسەللى سەن ماڭا دىلدار.
                                         
                                          

بۇ ژورنالنىڭ قايتىدىن چىققىنىغا مۇبارەك بولسۇن.

توغراق يىلتىزىدەك شايار تۇپرىقىدىن يۇغۇرۇلۇپ چىققان بۇ ژۇرنال كەڭ ئۇقۇرمەنلەرنىڭ مەنىۋى ئېھتىياجىنى قاندۇرغۇسى.كۈندىن-كۈنگە روناق تاپقۇسى.
ئەسىرى ئېلان قىلىنغان ئاپتۇرلارغا مۇبارەك بولسۇن.

زۆھرەگۈل ، مۇمكىن  بولسا ،ژۇرنالنىڭ  ئىلخەت ئادرېسىنىمۇ  يوللاپ قويغان بولسىڭىز!

ژورنالدا ئەسىرى ئېلان قىلىنغان بارلىق ئەزىزلەرگە مۇبارەك بولسۇن!

يېڭا سانغا مۇبارەك بولسۇن

80-يىللار مابەينىدە ئەخمەتجان ئوسمان ۋەكىللىگىدىكى مۇختەر مەخسۇت، باتۇر رۇزى، ئەركىن  ئىبرايىم، زاھىر ئابدۇراخمان،ئەزىزى، ئابدۇقادىر  جالالىدىن،پولات  ھېۋۇزۇللا، پەرھات ئىلياس، ئىلغارجان سادىق...شائىرلار  بىلەن تەڭ قاتاردا  تۇرىدىغان، ئەينى  يىللىرى يېڭىچە شېئىرىيەت  ئېقىمى  بىلەن دەسلەپتە  ئۇچۇرۇشۇپ  ئىجادىيەت  بىلەن شۇغۇللانغان  خوتەنلىك  غالىپ راخمان ئىسىملىك بىر  شائىر    بولىدىغان .ئەينى يىلى تەڭرىتاغ ژۇرنىلىدا  ئىلان قىلىنغان ئىدى،لېكىن ماۋزۇسى ئوخشاش بولغىنى  بىلەن  تېكست ئوخشاش ئەمەس.تورداشلارنىڭ ،جۈملىدىن  مۇھەممەتجاننىڭ  بۇ  شېئىرنىمۇ  كۆرۈپ بېقىشىنى  تەۋسىيە  قىلىمەن.


قار  ياغماقتا  لەپىلدەپ، ئاق  قار...

(قىش تەسىراتلىرى)

قار  ياغماقتا لەپىلدەپ، ئاق قار...
توزىماقتا ئوماق چېچەكلەر
مەن كۆرىمەن ئەمما
زەڭگەر  كۆكتە تۇرنىلارنى.
قار  ياغماقتا   لەپىلدەپ ،ئاق قار...
مەن  كېلىمەن ئەمما
چىمەنلەرنى قىلىپ  پايانداز.
قار ياغماقتالەپىلدەپ،ئاق قار...
مەن  ئاڭلايمەن  ئەمما
ئاڭلاپ-ئاڭلاپ قانماس  بىر  كۈينى-
ئايىغىم  ئاستىدا
سايرايدۇ  بۇلبۇل!

بۇ يازمىنى ئاخىرىدا   urghu تەھرىرلىگەن. ۋاقتى  2012-6-21 18:56  

گۈلزارلىقتا يەنە گۈللەر پورەكلەپتۇ، مۇبارەك بولسۇن!

قۇتلۇق ئىش بوپتۇ ،مۇبارەك بولغاي .

شائېر غالىب راخماننىڭ ئۇ شېئىرى 90- يىللارنىڭ ئالدى كەينىدە بەكمۇ ئالقىشقا ئىرىشكەن. ‹ قەشقەردىكى يەرشارى› ناملىق توپلامغىمۇ كىرگۈزۈلگەن. كۆپلىگەن ھەۋەسكارلار ‹ قار ياغىدۇ، لەپىلدەپ ئاق قار › دېگەن مىسرانى ئۇزۇن يىللاردىن بۇيان ئەسەرلىرىدە قوللىنىۋاتىدۇ.
  مۇھەممەتچاننىڭ ئۇ شېئىرىدىكى بۇ مىسرامۇ شائىر غالىب راخمان ئىجادىيىتىگە تەئەللۇق. بەلكىم مۇھەممەتچان بۇ مىسرانى ژورنالنىڭ سەھىپىسىدە ئىزاھلاپ قويغاندۇ؟ بۇ ئەقەللى تەلەپ.
  باشقا مۇنبەرداشلارنىڭ بۇ مىسرانى تىلغا ئالماسلىقىمۇ ژورنالدا ئىزاھاتنىڭ بولۇش مۇمكىنلىكىنى ئويلاشقانلىقى دەپ ئويلايمەن. بۇنىڭغا مۇھەممەتچاننىڭ ئۆزى جاۋاب بەرسۇن.   بۇ يازمىنى ئاخىرىدا   كۆكتولۇن تەھرىرلىگەن. ۋاقتى  2012-6-21 20:24