كۆرۈش: 126|ئىنكاس: 3

لاۋا بولدۇم شېئىر ئىشقىدا (ئوسمانجان زۇنۇن) [ئۇلانما كۆچۈرۈش]

ئوسمانجان زۇنۇن

دائىملىق ئەزا

Rank: 5 Rank: 5

ئەزا ئۇچۇرى

تىزىم نۇمۇرى: 119

يازما سانى: 128

نادىر تېمىسى: 0

تېللا: 445

تۆھپە : 4

توردا: 86 سائەت

ھالىتى:

ئاخىرقى: 2013-3-11

يوللىغان ۋاقتى 2012-12-22 17:31:00 |ھەممە قەۋەتنى كۆرۈش


	لاۋا بولدۇم شېئىر ئىشقىدا ئوسمانجان زۇنۇن مەن ھەر دائىم شېئىرنى سېغىنىمەن . خۇددى بىر شائىرنىڭ : « مېھمان كەلسە ئەگەر ئۆيۈڭگە ، ئالدىن خەۋەر بىرىپ كىلدۇ. سۆيگۈ كىرەر بولسا دىلىڭگە ، خالىغاندا كىرىپ كىلىدۇ .»دىگىنىدەك، بۇ سېغىنىشنىڭ قەلب قەسرىمگە قاچان ، قەيەردە ئۇچۇپ كىرگەنلىكىنى ئېنىق ئېيتىپ بىرەلمىسەممۇ،لىكىن ھەر دائىم بۇ سېغىنىش ۋە مۇھاببەتنىڭ ئىلكىدە ئۆتىدىغانلىقىمنى ئېيتىپ بىرەلەيمەن .ئەشۇ ئىستەكنىڭ ئىشقىدا مەن شېئىر يازىمەن . گەرچە ھەركۈنى، ھەر جايدا توختىماستىن شېئىر يازالمىساممۇ، ئەمما ھەركۈنى ، ھەر دائىم يېزىشنى ئىستەيمەن . ئەپسۇسلىنارلىقى شۇكى، شېئىر يازىدىغان ۋاقتىم ھامان يازالمايدىغان ۋاقتىمدىن ئاز بولىدۇ. ئەگەر ئۆزۈم يازالمىسام باشقىلاريازغان (ئۇ كىشى كىم ۋە قايسى مىللەر شائىرى بولىشىدىن قەتئىې نەزەر) شېئىرلارنى قىزغىن ئىشتىياق ھەم مۇھاببەت بىلەن ئوقۇيمەن . مەن باشقىلارنىڭ شېئىرلىرىمدىن ھوزۇرلىنىشىنىمۇ ھەم قۇسۇر تېپىشىنىمۇ ياقتۇرىمەن . باشقىلارنىڭ شېئىرلىرىمنى ماختىشى مىنى تېخىمۇ كۆپ يېزىشقا ئىلھاملاندۇرسا ،باشقىلارنىڭ شېئىر لىرىمدىن قۇسۇر تېپىشى مىنى تېخىمۇ ياخشى يېزىشقا چاقىرىدۇ. خۇددى ئاشىق مەشۇقىنى ،بوۋاي نەۋرىسىنى ،مالچى قوزىسىنى ياخشى كۆرگەندەك مەن شېئىرنى ياخشى كۆرىمەن .گەرچە مەن نۇرغۇن ژانىرلاردا ئەسەر يېزىپ باققان بولساممۇ بىراق مەن ئىجادىيەتنى ئەڭ ئاۋال شېئىر يېزىشتىن باشلىغان ئاخىرىدا يەنىلا شېئىر يېزىش بىلەن ئۆمرۇمنى ئاخىرلاشتۇرىمەن . شائىر - تىلنىڭ قۇدرىتىنى ئەڭ زور دەرىجىدە نامايەن قىلغۇچىدۇر.ئۇ تىل يېزىقنى قورال قىلىپ ،ئوت بىلەن سۇنى، تاغ بىلەن دېڭىزنى، ھايات بىلەن ئۆلۈمنى ، سۆيگۈ بىلەن نەپرەتنى زىمىستان بىلەن باھارنى بىر گەۋدىگە ئايلاندۇرۇپ، كىشى قەلبىنى لەرزىگە كەلتۈرۈدۇ.قارىماققا شېئىر بىلەن قىلچە مۇناسىۋەتسىز نەرسىلەرمۇ شائىر قەلبىدە يەنىلا گۈزەل شېئىرغا ئايلىنالايدۇ. شائىر ئۈچۈن سۆزنىڭ ئۆگىيى يوق .تىلىمىزدىكى ھەر بىر سۆز،ئىملىق ۋە باغلىغۇچى،ئۈندەش ، سوراق ياكى پەش چىكىتلەر بولسۇن ھەممىسى ئۇنىڭ قىممەتلىك بايلىقىدۇر.شۇڭا شائىر ئۆزىنىڭ تىل بايلىقىنى ئۆزلۈكسىز ئاۋۇتۇپ، قەلبنىڭ چوڭقۇر قاتلىمىدامەھكەم ساقلىمىقى جايىزدۇر. سىنىڭ تىلىڭ مەيلى نەچچە مىليارت ئادەم قوللىدىغان دۇنياۋىي تىل ، ياكى نەچچە مىليون ھەتتا نەچچە مىڭ ئادەملە قوللىنىدىغان ئازسانلىقنىڭ تىلى بولىشىدىن قەتئىي نەزەر ،سەن پەقەت ئوتلۇق مۇھاببىتىڭ بىلەن ئۇنى مەھكەم قۇچاقلىساڭلا ، ئۇ ساڭا ئاجايىپ گۈزەل شېئىر ۋە شان شەرەپ ئاتا قىلالايدۇ. شۇڭا شائىر دۇنيانىڭ شائىرى بولۇشتىن ئاۋال ئۆز مىللىتنىڭ مۇنەۋۋەر شائىرى بولۇشنى ئىستىشى لازىم. شېئىرىيەتنىڭ تىمىسى چەكسىز بولۇپ ، ھاياتتىن ئۆلۈمگىچە، ساداقەتتتىن ئاسىيلىققىچە، مۇھابەتتىن نەپرەتكىچە، قار مۇزلاردىن گۈل – گىياھ قىچە ،كىشىلىك تۇرمۇشتىن ھەرە كۈنىكىگىچە... شېئىرنىڭ ئىپادىلەش ئوبىكتى بولالايدۇ. شۇڭا مەن ئۈچۈن يازغىلى تىما تاپالماسلىق، ئىشلەتكىنى سۆز تاپالماسلىق باھانىسى ماۋجۇت ئەمەس. مىنىڭ ئىجادىيەت ئۇسۇلىغا نىسبىتەن دىمەكچى بولغىنىم : ئۇ ھېچكىمنىڭ خۇسۇسىي مۈلكى ئەمەس .مەيلى رىئالىزىم ، رومانتىزىم ، سىمۇۋۇلىزىم ياكى مودىرنىزىم ۋە ھېچنىمىزىم بولسۇن بۇلارنىڭ ھەممىسى سىنىڭ ھەم مىنىڭ . بىر شائىر بەزىدە رىئاللىقنى يازسا ، بەزىدە غايىسىنى ئىپادىلىشى، بەزىدە چۈشكۈنلەشسە بەزىدە ھاياجانلىشى مۇمكىن . چۈنكى شائىرمۇ باشقا ئادەملەرگە ئوخشاشلا ھېسسىياتلىق مەخلۇق. ئۇنىڭمۇ ئۆتمۈشى ، بۇگۈنى ۋە كەلگۈسى ، خۇشاللىقى ، قايغۇسى ،كۈلكىسى ھەم يىغىسى شۇنداقلا دەرتلىك ئەلەملەرنى قۇچاقلايدىغان چاغلىرى بولىدۇ. شۇڭا ئىپادە قىلماقچى بولغان نىيەت - ئىقباللىرى قايسى ئىزىم نى ئىستىسە ، شۇ ئىزىم دا ئىجات قىلىدۇ.شائىر مەيلى شەكىل ياكى مەزمۇن جەھەتتە بولسۇن مۇتلەق ئەركىندۇر. مەن شېئىر يازغاندا پەقەت قەلبىمنىڭ تىۋىشىغا ھېسسىياتىمنىڭ ساپلىقىغا ، پىكرىمنىڭ تىرەنلىكىگە مايىل بولۇپ، قەلىمىمنى توختىماي تەۋرىتىشكە كۆڭۈل بولىمەن . شېئىرىمنىڭ قايسى شەكىل ، قايسى ۋەزىن ، قايسى ئىزىمغا تەۋە ئىكەنلىكىگە ھۆكۈم قىلىش ھوقۇقىنى ئوقۇرمەنلەرنىڭ ئىختىيارىغا تاپشۇرىمەن . شېئىر يېزىش - بىر خىل شىرىن ھەم ئازاپلىق جەريان . قەلىبتە تىنىمسىز ئۇرغىغان ھېسسىياتنى تېز سۇرئەتتە شىفىرلاشتۇرۇپ تىل –يېزىققا ئايلاندۇرۇش ـ شائىر ئۈچۈن ئىنتايىن مۈشكۈل سىناق . ھەرقانچە ئېسىل شېئىرنىڭ مۇۋەپپەقەيىتىمۇ ھامان ئۈمۈدىمىزدىكىدىن چەكلىك بولىدۇ. ئوقۇرمەن ئۈچۈن ئېيىتقاندىمۇ بىر پارچە ئېسىل شېئىرنى ئوقۇغاندىكى لەززەتنى شىفىرلاشتۇرۇپ تىل –يېزىققا ئايلاندۇرۇشمۇ ئوخشاشلا مۈشكۈل جەرياندۇر .چۈنكى تىل ئوخشاشلا ئوقۇرمەننىڭمۇ قەلبىدە ئۇرغىغان ھېسسىيات كەلكۈنىنى تىز سۈرئەتتە شىفىرلاشتۇرۇپ ئەينەن تولۇق ئىپادىلەشكە يىتىشەلمەيدۇ. شۇڭا بىز بىر پارچە ئېسىل شېئىرنى ئوقۇغان ۋاقتىمىزدا ئۇنىڭ قالتىس ئېسىللىقىنى ھېس قىلالساقمۇ، زادى قانداق ئېسىل ئىكەنلىكىنى دەماللىققا ئېنىق ئېيتىپ بىرەلمەيمىز . شۇڭا مەن بەزىدە باشقىلارنىڭ «بۇ شېئىرنى يېزىشتا سەل زورۇقۇپ قاپسىزمۇ نىمە ؟»دىگەن ئىنكاسلىرىنى كۆرگەن ياكى ئاڭلىغاندا، يا كۈلۈشۈمنى يا يىغلىشىمنى بىلەلمەي قالىمەن . ئىچىمدە « ئاناڭنى ، شېئىر يازماق شۇنچە ئاسان ئىشمۇ؟ كىممۇ شېئىرنى زورۇقماي تۇرۇپ يازالايدۇ؟ » دىگۈم كىلىدۇ.راسىت كىممۇ بىر پارچە شېئىرنى زورۇقماي، كۈچىمەي، خۇددى ئاغزىدىكى خەپرۈكنى تۇكۇرگەندەكلا ئاسان يازالايدۇ؟ قاچىدىكى تەييار تاماقنى چايناپ يۇتۇشقىمۇ ، بىر نوگاي سۇنى ئوتلاپ ئىچىشكىمۇ ئىغىزنى نەچچە قېتىم ئېچىپ، يۇمۇپ،تامىقنى مىدىرلىتىپ زورۇقۇشقا توغرا كىلىدۇ . سەللا دىققەت قىلمىسا سۇ مۇ گالغا كەپلىشىپ قېلىپ جاننى ئالىدۇ. شۇڭا مەن ئۈچۈن پەقەتلا ياخشى شېئىر ياكى ناچار شېئىر بولىشى مۈمكىن ،لىكىن قىلچە زورۇقماي، كۈچىمەي يېزىلغان شېئىر مەۋجۇت ئەمەس . مەن يەنە «سىز نىمىشقا شېئىر يازىسىز ؟» دىگەن سۇئالنى ئاڭلاپ كۈلۈپ كىتىمەن . بۇ سۇئالغا « شائىر بولاي دەپ ،يازىمەن .ئاتاق ئالاي دەپ يازىمەن .گۈزەللەرگە ئاشىق بولغاچقا يازىمەن . ھاياتتىن خۇشاللىق تاپقاچقا يازىمەن . دەردىم بولغاچقا يازىمەن ، قەلەم ھەققى ئۈچۈن يازىمەن .... » دىگەندەك يۈز خىل جاۋاپ بىرەلەيمەن . بۇلارنىڭ ھېچ قايسىسى خاتا ئەمەس ، ئەمما توغرا جاۋاپ ئەمەس . كىشىلەر ئادەتتە «خاتا بولمىغان جاۋاپ چوقۇم توغرا بولىدۇ »دەپ، ئويلايدۇ .ئەمەلىيەتتە خاتا بولمىغان جاۋاپلارنىڭ ھەمىسىلا توغرا جاۋاپ بولىشى ناتايىن .مەسىلەن ،« سۇ رەڭسىز سۇيۇقلۇق » دىيىش خاتا ئەمەس، لىكىن رەڭسىز سۇيۇقلۇقنىڭ ھەممىسى سۇ بولىشى ناتايىن ، شۇنىڭغا ئوخشاشلا «ئادەم ئىككى پۇتلاپ ماڭىدىغا ن مەخلۇق » دىگەنلىكمۇ خاتا ئەمەس .ئەمما ئىككى پۇتلاپ ماڭغانلىكى مەخلۇقاتنىڭ ھەممىسىمۇ ئادەم بولىشى ناتايىن . شۇڭا مەن ئۈچۈن ئېلىپ ئېيىتقاندا ، «سىز نىمىشقا شىېئىر يازىسىز؟» دىگەن سۇئالنى سوراش خۇددى «سىز نىمىشقا تاماق يەيسىز ؟»دىگەنگە ئوخشاشلا بىمەنە سۇئال .مەن پەقەت شېئىرنى يازغۇم كەلگەنلىكى ئۈچۈنلا يازىمەن خالاس . بەزىلەر شېئىر يېزىش بىر خىل مەسئۇلىيەت دەپ قارىشى مۈمكىن .لىكىن مەن ئۈچۈن شېئىر يېزىش ھەرگىز مۇ مىنىڭ مەسئۇلىيىتىم ياكى ياكى ۋەزىپەم ئەمەس، بەلكى بىرخىل ھەۋەس ۋە يەتمەكچى بولغان نىشانىم .چۈنكى بۇ ھاياتتا مىنىڭ شېئىر يېزىشتىمۇ مۇھېم ۋەزىپەم ۋە مەسئۇلىيىتىم بار .ئەمما بۇ ھەرگىزمۇ مىنىڭ شېئىر يېزىشقا سەل قارايدىغانلىقىمنى چۈشەندۇرمەيدۇ.مەن مەيلى خىزمىتىم قانچە ئالدىراش ياكى تۇرمۇشۇم قانچە جاپالىق بولىشىدىن قەتئى نەزەر شېئىر يازغۇدەك پۇرسەت ۋە ئىلھام بولسىلا يەنىلا شېئىر يازىمەن . چۈنكى مەن شېئىر نى ياخشى كۆرىمەن .يۈرۈگۈم ھەردائىم شېئىرنىڭ ئىشقىدا كۆيۈپ تۇرۇدۇ . بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2012-12-22 17:33

جابدۇق ئىشلىتىش پاش قىلىش

گ.م.ماھى

دائىملىق ئەزا

Rank: 5 Rank: 5

ئەزا ئۇچۇرى

تىزىم نۇمۇرى: 252

يازما سانى: 292

نادىر تېمىسى: 0

تېللا: 627

تۆھپە : 2

توردا: 165 سائەت

ھالىتى:

ئاخىرقى: 2013-3-8

يوللىغان ۋاقتى 2012-12-23 12:42:31 |ھەممە قەۋەتنى كۆرۈش


	شېئىر ئىشقىدا تېخىمۇ لاۋا بولۇپ، يالقۇنلۇق شېئىرلارنى يېزىپ چىقىشىڭىزنى تىلەيمەن.

جابدۇق ئىشلىتىش پاش قىلىش

رۇزى كېرەم يارى

دائىملىق ئەزا

Rank: 5 Rank: 5

ئەزا ئۇچۇرى

تىزىم نۇمۇرى: 250

يازما سانى: 170

نادىر تېمىسى: 0

تېللا: 487

تۆھپە : 1

توردا: 71 سائەت

ھالىتى:

ئاخىرقى: 2013-3-11

يوللىغان ۋاقتى 2012-12-23 19:37:00 |ھەممە قەۋەتنى كۆرۈش


	شېئىر بىر گۈزەل مەشۇق ، شائىر بىر ئاشىق ! شېئىر ھەممە مەدھىيەگە لايىق ، ئاشىق ئەيىپكاردۇر ! مەن ئەيىپكار ئۈچۈن سۆزلەيمەن !

بةخصت سصنص جاپا- مذشةققةتتة كأپرةك سصنايدذ

جابدۇق ئىشلىتىش پاش قىلىش

ئوسمانجان زۇنۇن

دائىملىق ئەزا

Rank: 5 Rank: 5

ئەزا ئۇچۇرى

تىزىم نۇمۇرى: 119

يازما سانى: 128

نادىر تېمىسى: 0

تېللا: 445

تۆھپە : 4

توردا: 86 سائەت

ھالىتى:

ئاخىرقى: 2013-3-11

يوللىغان ۋاقتى 2012-12-24 13:07:30 |ھەممە قەۋەتنى كۆرۈش


	ئاق گۈل يوللىغان ۋاقتى 2012-12-23 12:42 شېئىر ئىشقىدا تېخىمۇ لاۋا بولۇپ، يالقۇنلۇق شېئىرلارنى ... رەخمەت ، شۇنداق قىلىشقا داۋاملىق تىرىشىمەن.

جابدۇق ئىشلىتىش پاش قىلىش

تىزىملىككە قايتىش

لاۋا بولدۇم شېئىر ئىشقىدا (ئوسمانجان زۇنۇن) [ئۇلانما كۆچۈرۈش]

كۆرگەن سەھىپە