شائىر قۇربان بارات ۋاپات بولدى (خەۋەر ۋە مەرسىيەلەر)

ئۇ يېشىل ھايات قوينىغا كىرىپ كەتتى

مەھمۇتجان يانتاق

(مەرھۇم شائىر قۇربان بارات ۋاپاتىغا)

ئىشىكلەرنىڭ قوڭغۇراقلىرىدىن ئاڭلىنىۋاتقان ئاچچىق قىسمەتنىڭ ھىدى
قەلب ئېچىشقاندا تۇزنىڭ نېمە كېرىكى بۈگۈنكى خىياللارغا.
ئاغۇنىڭ تاغلىرىدىن ئۆتۈپ كەتكەن تولۇن ئاينىڭ ھەسرىتى
تاش تۆكۈشنى ئۇنتۇپ قالمىدۇق ئېچىرقىغان جانلارغا.

شائىر ئاتالماقنىڭ تەسلىكىنى تاملارغا ھېس قىلدۇرۇشنىڭ ئۆزى بىر جەريان
بىر مىسرا شېئىرنىڭ ئىچىدىن ئۇچۇپ چىقتى ئاسمان.
كۆك خۇمارىنى بېسىپ بولغىچە كۆيۈپ كەتتى قارا يامغۇر
ۋادەرىخ! توپىلارنىڭ قوينىدا مەڭگۈ داۋاملىشىدۇ ئەمدى ئارمان.

قەلەم ئەسلى بىر بۈيۈك سەلتەنەتتۇر جاھان ھامىيلىقىدا
قاتار-قاتار سۇنغان روھلارنىڭ ئازابىنى سۆزلەش بىھاجەت.
قۇربان باراتنىڭ تاۋۇتى كىرىپ كەتتى يېشىل ھايات قوينىغا
يىلتىزلاردىن كەلگەن سادانى قويىۋېتىش سۆيگىدۇر پەقەت.

ئازاپلارنى تېرىپ يۈرمىسەكمۇ ئۇ ئۈنىدۇ يۈرەككە
يەتتە ئىقلىمنىڭ خورجىنىدا سارغىيىپ كەتتى بۇ نىمجان ۋۇجۇد.
ئۇ زەپەردەس پالىۋانلاردەك ئايلانغانتى بىر گىگانىتقا
بۇ دەم كۆيمەكتە بۇ روھىمدا يالقۇنلىغان جۇت.

مۇشۇ تېما ئاستىدا يېزىلغان مەرسىيەلەر پېشۋا ئۈندىدار سالونىدا ئاۋازلىق تارقىتىلدى، گەرچە ئاۋاز سۈپىتى دېگەندەك بولمىسىمۇ ئاڭلاشقا ئەرزىيدۇ.
ئارىيە:
http://mp.weixin.qq.com/s?__biz= ... cf147c5a1701fcd9#rd

قۇربان بارات ھەقىقەتەن ئەل قەلبىدىكى شائېر ئىدى.

كۆردى
( مەشھۇر شائىر قۇربان باراتقا نەزىرە)
جاھان ئەييامىدا قۇربان بارات كەبىي دەۋراننى كىم كۆردى؟
ئىشق بارىگاھىدا كۆيگەن يېڭىلمەس خاننى كىم كۆردى؟
ئەزەلدىن ۋارىسى ئەجداد ياشار ئۇنداق كىرىپ قەدنى،
ئىرادەت ئارمىنى بىرلە يېشىل خاماننى كىم كۆردى؟
ئۇنىڭ باغرىدا كۆكلەيدۇ تۈمەن يىل چاڭقىغان يانتاق،
قىزىلگۈل بەرگىگە تامغان نامايان قاننى كىم كۆردى؟
ئېسىل كۆڭلى ئىدى يۇمشاق، يىراقتا شۇمبۇيا-قامغاق،
ۋەتەنگە جان پىدا قىلغان پەخىرلىك جاننى كىم كۆردى؟
ئىشەنمەي شۇم خەۋەرلەرگە قۇلاقىم يوپۇرۇپ يۈرگەن
ئىدىم، ئەمدى قىلاي قانداق، گۆھەر لىق كاننى كىم كۆردى؟
ياقامنى تۇتقىنىم تۇتقان، ئاغام دىلنى ئەجەپ ئۇتقان،
ۋەتەن دەپ دەرد-پىغان يۇتقان، ئۇ ياڭلىغ شاننى كىم كۆردى؟
بوۋاقى ئاھى يەتكەندۇ پەلەكككە، بەلكى ئاشقاندۇر،
تېنچ يات قەبرىگاھىڭدا، بۈيۈك ئىنساننى كىم كۆردى؟!...
2016-يىل، قەشقەر

ئۇستازنىڭ ياتقان يىرى جەننەتتە بولسۇن

مەرھۇمنىڭ ياتقان يېرى جەننەتتە بولغاي ، ئائىلە - تاۋاباتلىرىغا سەبىر تىلەيمەن .

مەرھۇمنىڭ ياتقان يېرى جەننەتتە بولغاي! بىر  ياخشى شائىردىن ئايرىلىپ قاپتۇق! ئىست !

ئۆزىگە چۆكتى، ئۆزىدىن چىقتى

-شائىر قۇربان باراتقا مەرسىيە  

ئەرگە خاس ئەركەكلىكنى جەۋلان قىلدۇرۇپ،
ياراتتى بىر پارچە يىشىل دۇنيانى.
ھاڭ-تاڭ قالدۇردى،ھەسرەتكە قويدى،
كەچتى سانسىز قاراڭغۇ دەريانى.

شۇنچە يىللار داۋراڭسىز ياشاپ،
بىر چوققىدا يۇمدى كۆزىنى.
ئۆزىنى تاغ دەپ يۈكسەك بىلگەنلەر،
قايتا كۆرسۇن ئۇنىڭ ئىزىنى.

ئۇنىڭ گۈلخانلىرىدا كۆيسەڭ ئەرزىيدۇ،
ئۇنىڭ دولقۇنلىرىدا ئۈزسەڭ ئەرزىيدۇ،
ئۈمىت،جاسارەت،ھۆرلۈك،گۈزەللىك...
يالقۇنلىرىدا ئۆلسەڭ ئەرزىيدۇ.

سەن خىيال قىلغۇچە ئۇ يېتىپ بولغان،
سەن قەلەم ئالغۇچە ئۇ يېزىپ بولغان،
سەن ئاياق كىيگۈچە تىخى ئۆيۈڭدە،
ئۇ تالاي چۆللەرنى كېزىپ بولغان.

ئۇنىڭ مىسرالىرىنى ۋاراقلا بىر-بىر،
قىزغىنىش ئىلكىدە قىلىسەن ھەۋەس.
«ئاسىيا ئاسمىنىدا چاقنىغان يۇلتۇز»-
«يوقالماس پەلەستىن»...
بۇ چوققىلارغا يىتىشمەس نەپەس.

ئۇنىڭ دۇنياسىغا شۇڭغۇپ بولغۇچە،
بۇ دۇنيادىن بولدى ئۇ غايىپ.
ئۆزىگە چۆكتى، ئۆزىدىن چىقتى
يىنىمىزدىلا ياشاپ ئاجايىپ.