يارغول: ئەر-خوتۇنچىلىق

‏نېرۋاناغا يېتىمەن.
-----------
‏جىنلار ئۇنى خالىغانچە تېپىدۇ.
--------------------

مەيلى قانداق شەكىل ۋە مەزمۇندىكى ئىزاھ، چۈشەندۈرۈشلەر بولۇشىدىن قەتئىنەزەر ئۇيغۇرنىڭ ئەقىدە سېمۋوللىرىنىڭ سىرتىغا چىقىپ كەتكەن ياكى ئۇنى ئېتراپ قىلمىغان، رەت قىلغان ئەسەرلەر ئوقۇرمەنلەرنىڭ كۈچلۈك نارازىلىقىنى قوزغايدۇ، قارشىلىقنى پەيدا قىلىدۇ. جۈملىدىن يارغۇل بىرىنجى پارچە شېئىرىدا ئەنە شۇنداق خاتالىقنى سادىر قىلغان. بۇ خاتالىق ئەسەرنى ئوقىغان نۇرغۇن ئادەملەرنىڭ دىلىنى رەنجىتىدۇ. كۆڭلىنى بىئارام قىلىدۇ. قەلبىدە ئازاب گۈللىرىنى ئېچىلدۇرىدۇ. بۇ جۈملىنى ھېچكىمنىڭ قوبۇل قىلغۇسى، ئەستە ساقلىغۇسى كەلمەيدۇ. بەلكىم ئاز ساندىكى ئوقۇرمەنلەر، ئىزاھلىغۇچىلار ‹‹ ئەدەبىياتنىڭ ياكى ئۇنداق، ياكى مۇنداق پاسىلى، چېگراسى يوق دېيىشى مۈمكىن››. لېكىن ھەر بىر ئەدەبىيات تەۋە بولغان توپنىڭ پاسىلى ۋە چېگراسى بولىدۇ. ئەدەبىيات ئەنە شۇ توپ بىلەن بىللە شۇ پاسىل، شۇ چېگرا ئىچىدە مەۋجۇت بولۇپ تۇرىدۇ. شۇڭا ھەر قانداق بىر قەلەمكەشنىڭ ئوقۇرمەنلەرنىڭ، ئوقۇرمەنلەر تەۋە بولغان پۈتۈن بىر توپنىڭ دىلىنى داغلىشىغا بولمايدۇ. بۇ بىر پارچە ئەسەر ھەققىدە تولىمۇ ئاددىي قىلىپ ئېيتقاندا ‹‹بۇ شېئىرنىڭ ئىچىدە شەيتان ئۇسسۇل ئويناۋاتىدۇ›› دېيىش بىلەنلا چەكلىنىمىز. چۈنكى بىز ئەسەردىكى خاتا ئىدىيەنى رەت قىلىشقا تولۇق ھوقۇقلۇق.
يارغولنىڭ تېمىسىغا تۇنجى قېتىم مۇشۇنداق بىر كۆڭۈلسىز ئىنكاس يازغانلىقىمدىن ئىچىم ئەسكى بولدى. ئەمما يارغولنى چوقۇم دېققەت قىلىدۇ، سەۋەپ كۆرسىتىشكە تىرىشمايدۇ، دەپمۇ ئويلىدىم.

    يارغولنىڭ ئۈچ شېئىرىنىڭ ئىچىدە ئېتقادقا، ھەتتا چوقۇنۇشقا زىت كېلىدىغان، ئېتقاد، چوقۇنۇشقا تەسىر يەتكۈزىدىغان ھېچ نېمە يوق. چۈنكى 1.ئېتىقاد، چوقۇنۇش مەلۇم بىر پارچە شېئىردىكى بىر ياكى بىر نەچچە شېئىر تەسىر يەتكۈزەلەيدىغان ئۇنچە ئاددىي نەرسە ئەمەس.2. مەزكۇر شېئىرلارنىڭ بىرىنچىسىدىكى ئوقۇرمەنلىرىمىزنى چۆچۈتكەن سۆز «نېرۋانا» بولۇپ، بۇ سۆز ئۇيغۇرچە سۆز بولۇپ، نۇقۇل بۇددىستلارنىڭ سۆزى ئەمەس بولۇپلا قالماستىن، بۇ سۆز ئىسلام دىنىمىز ۋە ئەقىدىمىزگە زىت ئەمەس. پەقەت قىسمەن ئوقۇرمەنلىرىمىزنىڭ «نېرۋانا» سۆزىنى تارمەنىدە، تەھلىكىلىك سۆز دەپ چۈشىنىۋالغانلىقىدا، بۇنىڭ ئۈچۈن ئىسلامدىكى«مىراج كېچىسى» دىن باشقا، تۈرلۈك رىۋايەت ۋە ھەدىسلەردىن دەلىل كەلتۈرۈشكە بولىدۇ.(ئەمما زىل تورداشلىرىمىز مېنى بۇ دەلىللەرنى بىرمۇ بىر كەلتۈرۈشكە قىستىماڭلار).3. بۇ شېئىرلار ھەققىدە( بولۇپمۇ بىرىنچىسىدە) بىرقەدەر زىل مۇنازىرىلەرنىڭ كېلىپ چىقىشىدىكى يەنە بىر سەۋەپ، دوستىمىز كۆك بۆرىنىڭ ئىنكاس پىكىرىدىكى «شېئىردا شەيتان ئۇسۇل ئويناۋاتىدۇ» دېگەن سۆزى بولۇپ، كۆك بۆرىنىڭ بۇ سۆزنى قايسى مەنىدە دېگەنلىكىدىن قەتئىي نەزەر، ئىبلىس ئەلەيھى لەنىتى-شەيتان ئادەم يارىلىشتىن باشلاپلا، ئىنسان ياراتقان شېئىرنىڭ ئىچىدىلا ئەمەس، بەلكى مۇقەددەس ئادەم ۋە ئۇنىڭ پۇشتىلىرىنىڭ ئىچىدە ئۇسۇل ئويناپ كەلگەن. ئېتقادنى ئەمەلگە ئاشۇرۇش ۋاستىسى بولغان ئەقىدە بولسا، ئەقىدىسى بولغان ئىنساننىڭ قىيامەتكىچە كۆرەش قىلىدىغان دۈشمىنى. شۇنداق ئىكەن، بىز شېئىردىكى شەيتاننى پەقەت بىر سىمۋول، شېئردىكى تۇيغۇنى ئىپادىلەيدىغان بىر ئاددىي ۋاستە دەپ چۈشەنسەكلا، ئۇنىڭدىن چۆچۈشنىڭ ھاجىتى يوققۇ.

نېرۋاناغا يىتەمسىز؟!!!   ............
ئ‍ۇ  كىملەرنىڭ كۆز قارىشى ؟!!!

ھەقىقەتەنمۇ جىق ۋاقىت قالمىغاندەك قىلىدۇ.

شەيخۇلئىسلام كۆكبۆرە ئەپەندى ئوبدان شەرھىيلەپتۇ.

بۇددىستلارلا شۇنداق دەيدۇ ، ئەمما ئاپتور بۇددىست ئ‍ەمەس. نېمە دېگۈلۈك ؟...

   ئاپتور بۇددىست بولمىغانىكەن نېرۋانا دېگەن سۆزمۇ بۇدىزىمدىكى نېرۋانا بولماسلىقى مۇمكىن. بۇ شېئىردا ئۇ سۆزنى چەكسىز ئەركىنلىككە يېتىشنى ئىپادىلەۋاتقان بىر مىتافورا دەپ ئوقۇدۇم.

   ‹‹ ئالتىنچى سەزگۈ ›› سىدىن ئېشىپ كەتكەن  يارغۇلباي ‹‹ ھەممىنى خۇدا بىلىدۇ ›› دەپ قويۇپ،
ئىككى ئالەملىك ئىشلارنىڭ جىمىسىنى ‹‹ ئېنىق ›› بىلىدىكىنا، ئەجەپ؟

سالام يارغول، ئۈلۈشكىنى مەركىزىي رادىيو ئىستانسىسىنىڭ ئۇيغۇرچە قانىلىدىكى سۆھبىتىڭىزنى ئاڭلىغانىدىم. لوگىكا دېگەن شېئىرىڭىز بەك يارىدى، مۇبارەك.

       
       
‏نېرۋاناغا يېتىمەن.
-----------
‏جىنلار ئۇنى خالىغانچە تېپىدۇ.
--------------------

مەيلى قانداق شەكىل ۋە مەزمۇندىكى ئىزاھ، چۈشەندۈرۈشلەر بولۇشىدىن قەتئىنەزەر ئۇيغۇرنىڭ ئەقىدە سېمۋوللىرىنىڭ سىرتىغا چىقىپ كەتكەن ياكى ئۇنى ئېتراپ قىلمىغان، رەت قىلغان ئەسەرلەر ئوقۇرمەنلەرنىڭ كۈچلۈك نارازىلىقىنى قوزغايدۇ، قارشىلىقنى پەيدا قىلىدۇ. جۈملىدىن يارغۇل بىرىنجى پارچە شېئىرىدا ئەنە شۇنداق خاتالىقنى سادىر قىلغان. بۇ خاتالىق ئەسەرنى ئوقىغان نۇرغۇن ئادەملەرنىڭ دىلىنى رەنجىتىدۇ. كۆڭلىنى بىئارام قىلىدۇ. قەلبىدە ئازاب گۈللىرىنى ئېچىلدۇرىدۇ. بۇ جۈملىنى ھېچكىمنىڭ قوبۇل قىلغۇسى، ئەستە ساقلىغۇسى كەلمەيدۇ. بەلكىم ئاز ساندىكى ئوقۇرمەنلەر، ئىزاھلىغۇچىلار ‹‹ ئەدەبىياتنىڭ ياكى ئۇنداق، ياكى مۇنداق پاسىلى، چېگراسى يوق دېيىشى مۈمكىن››. لېكىن ھەر بىر ئەدەبىيات تەۋە بولغان توپنىڭ پاسىلى ۋە چېگراسى بولىدۇ. ئەدەبىيات ئەنە شۇ توپ بىلەن بىللە شۇ پاسىل، شۇ چېگرا ئىچىدە مەۋجۇت بولۇپ تۇرىدۇ. شۇڭا ھەر قانداق بىر قەلەمكەشنىڭ ئوقۇرمەنلەرنىڭ، ئوقۇرمەنلەر تەۋە بولغان پۈتۈن بىر توپنىڭ دىلىنى داغلىشىغا بولمايدۇ. بۇ بىر پارچە ئەسەر ھەققىدە تولىمۇ ئاددىي قىلىپ ئېيتقاندا ‹‹بۇ شېئىرنىڭ ئىچىدە شەيتان ئۇسسۇل ئويناۋاتىدۇ›› دېيىش بىلەنلا چەكلىنىمىز. چۈنكى بىز ئەسەردىكى خاتا ئىدىيەنى رەت قىلىشقا تولۇق ھوقۇقلۇق.
يارغولنىڭ تېمىسىغا تۇنجى قېتىم مۇشۇنداق بىر كۆڭۈلسىز ئىنكاس يازغانلىقىمدىن ئىچىم ئەسكى بولدى. ئەمما يارغولنى چوقۇم دېققەت قىلىدۇ، سەۋەپ كۆرسىتىشكە تىرىشمايدۇ، دەپمۇ ئويلىدىم.
ـــــــ
سۆزىڭىز توغرا، ئەكبەر. مۇقەددەس پاسىل ئەسلىدە سىزنىڭ بۆرە تۇتېمىدىن كەلگەن «كۆكبۆرە» تەخەللۇسىڭىزنى ئوخشاشلا  ھار ئالىدۇ. مۇقەددەس مۇھاپىزىكارلىق ئۆز فۇنكىسسىيەسىنى تولۇق ئادا قىلغاندا سىز يازغان نۇرغۇن ئەسەرلەرنىڭ جۈملىلىرىمۇ شەرىئەتنىڭ سورىقىغا چۈشۈپ قېلىشى مۈمكىن. ھېچكىم بۇنىڭغا بىر نېمە دېيەلـمەيدۇ. ھەممەيلەن ئۆزىمىزگە پۇختا بولايلى، ھۆكۈمنى ئاللاھنىڭ ئۆزىگە قويۇپ بېرەيلى.

يارغولـمۇ ھېچبولـمىغاندا «نېرۋاناغا يېتىش»دېگەن بۇ سۆزنى ئىسلام تەسەۋۋۇپچىلىرى قوللىنىدىغان ۋەھدەتۇل ۋۇجۇتقا ئۆزگەرتىۋەتكەن بولسا مۇشۇنداق گەپلەر ئانچە چىقماستى، دەپ ئويلاپ قالدىم . نېرۋاناغا يېتىش دېگەن بۇ سۆزمۇ پەقەتلا چۈشمەيدىغان يەرگە چۈشۈپ قالغاندەك. ياكى بولـمىسا زاماننىڭ چۆكمىسىدىكى قۇچۇ ئۇيغۇرلىرى «مەن»نىڭ تىلىدا سۆزلەۋاتقان بولسا بۇنىڭ بولـمايدىغان يېرى يوق! چۈنكى، بۇ شېئىر.

بۇ شېئىر ياخشى يېزىلىپتۇ.ئەمەلىيەتتىمۇ شائىرلارنى شېئىرنى چۈشەنمەيدىغان كىشىلەر ساراڭ دەپ قارايدۇ.ئەپلاتۇننىڭ زامانىسىدىمۇ شېئىر يازغان كىشىلەرنى ساراڭلار دەپ چەتكە قاققان ئىكەن.
ھازىر بىز يىڭىلىققا بەك كۈچەپ كىتىۋاتىمىز ئادەم قانچە چۈشەنمىگەنسىرى شۇنچە ياخشى دەپ قاراۋاتىمىز.ئەنئەنىدىن قېيىپ كەتمىگەن ئاساستا ماڭساق ياخشى بولاتتى .

قىسمەن چۈشەنچىلەردە ئورتاقلاشقانلىقىڭىزغا رەھمەت ئەنۋەر. سىز قالدۇرغان ئىنكاسلاردا مەن چامىمىنىڭ يېتىشىچە پىكىر قىلمىسام بولمايدىغان نۇقتىلار بار دەپ قارىغاچقا قاراشلىرىمنى قىسقىلا ئوتتۇرىغا قويۇشنى مۇۋاپىق تاپتىم.
بىرىنجى، تۇتىم مەسلىسى نوقۇل ئېتىقاد مەسىلىسى بولماسلىقى ئېنىق. چۈنكى ئوغۇزخاندىن تارتىپ تاكى كۈنىمىزگىچە بۆرە تۇتىمى تەڭرىلىشىش ئۇقۇمى بىلەن ئوڭ تاناسىپلاشمىغان مەۋقەدە بىزنىڭ مىللىي مەدەنىيىتىمىزدە ساقلىنىپ كەلگەن. شۇڭا ئۇ كۈنىمىزدە ئەقىدە -ئېتىقادىمىزنىڭ چەمبىرىكى ئىچىدىكى ھەممە مەۋجۇت نەرسىلەر قاتارىدا ساقلىنىپ، داۋاملىشىپ كېلىۋاتقان بولسىمۇ ئەزەلدىن تەڭرىلىك ئورۇنغا كۆتۈرۈلمىگەن. سىزنىڭمۇ خەۋىرىڭىزدە بار، تارىخىي خاتىرىلەردىمۇ ئوغۇزخان بۆرىنى تۇتىم قىلغان بولسىمۇ ئىلاھلاشتۇرمىغان. بۆرە تۇتىمىنى تۇتىملىق ئۆلچەمدىن ئاشۇرۇپ تەڭرىلەشتۈرۈپ قىياس قىلىش كىيىنكى ئىلىم شەرھىيسىدىكى خاتالىق.
ئىككىنجى، نېرۋاناغا يېتىش بولسا بۇددا تەلىماتلىرىنىڭ قول پۈتۈكلىرىدىكى ئەڭ ئالىي نىشان. مەلۇم بىر خىل ئەقىدە-ئېتىقاد چەمبىرىكى ئىچىدىكى نوپۇزلۇق ئاتالغۇلارنى ئەسلىدىكى ئۆزى بىلەن ئوخشاش بولمىغان ئەقىدە-ئېتىقاد چەمبىرىكى ئىچىدىكى ئاتالغۇلار بىلەن تاناسىپلاشتۇرۇش بىرى ئاتالغۇلارنىڭ ئىشلىتىلىش ئورنىنى قالايمىقانلاشتۇرىۋەتسە، يەنە بىرى ئەقىدىلەرنىڭ ئارلىشىپ كېتىشى ۋە خاتا ئۇچۇر بېرىش رولىنى ئويناپ قويىدۇ. ناۋادا ئۇ جۈملە سىز دېگەندەك ئەسەر ئىچىدىكى تارىخىي دېئالوگ ياكى مۇنۇلۇگ بولسا ئىدى، ياكى شەرھىي بايان بولسا ئىدى، بىز بۇ جۈملىنىڭ ئىشلىتىلىش ئورنىدىن ھەرگىزمۇ بىئارام بولمىغان ئىدۇق. ئۇنىڭ ئۈستىگە نېرۋاناغا يېتىشتىن ئىبارەت بۇ پۈتۈكنىڭ ۋەھىي ئەمەس قول پۈتۈكى ئىكەنلىكى ھەممىگە مەلۇم. مانا مۇشۇنداق ئالاھىدە ئەھۋالدا يارغۇلنىڭ رېئاللىقمىزدىكى قەلەم قۇۋىتىدە مەنىۋىي رېئاللىق سۈپىتىدە قەلەمگە ئېلىشى ۋە ئوقۇرمەنلەرگە سۇنۇشى بىئارامچىلىق پەيدا قىلىپ قويدى. ئەلبەتتە شېئىر يىزىۋاتقان ھەممىمىز شېئىرنىڭ گۈزەللىشىنى ئۈمىد قىلىمىز، بۇ ھەقتە تىرىشىمىز. لېكىن بىز ئىزدىگەن گۈزەللىك ئەقىدە تەلىماتلىرىغا تەتۈر تاناسىپ بولۇپ قالسا ھەقىقەتەنمۇ ئەپسۇسلىنارلىق ئىش بولىدۇ. مەن يارغۇولنىڭ تېمىسىغا يازغان ئىنكاسىم ئارقىلىق يارغۇل ھەققىدە ئارتۇق ئويلاردا بولمىدىم، بىر چاغلاردا بۇنداق سەۋەنلىك مەندىمۇ كۆرۈلگەن، كىيىن خاتا قىلغانلىقىمنى ھېس قىلغان ۋە ئوچۇق ئاشكارا ئەپۇ سورىغان. نېرۋاناغا يېتىش دېگەن بۇ سۆزنى يارغول ‹‹ھېدايەتكە يېتىش›› دەپ ئالسىمۇ بولاتتى. ئىككى تەلىمەتتىكى بۇ ئىككى سۆزنىڭ ئاخىرقى پەللىسى ئوخشاش ئىدى. مەن پەقەت ئەگەر مېنىڭ ھېس قىلغىنىمدا خاتالىق كۆرۈلمىسىلا بۇ مېنىڭ يارغۇل بىلەن بولغان ئەڭ سەمىمىي، ئەڭ پاكىز بىر قېتىملىق سۆھبىتىم بولۇپ قالىدۇ، دەپلا ئويلىدىم. مەيلى نېمىلا دېمەيلا، مەن ئۆزۈمدە بۇ شېئىرغا نىسبەتەن ئوقۇرمەنلىك، يارغول بىلەن بولغان قوۋمداشلىق ھېسسايتى سەۋەبىدىن پىكىرىمنى يارغولغا يەتكۈزۈشىم كېرەك دەپ قارىدىم. يارغول ياكى باشقىلارنىڭ قوبۇل قىلىش-قىلماسلىقى مېنىڭ ئىمكانىيەت دائىرەمدە ئەمەس. مەن پەقەت ئىمكانييەت دائىرەم ئىچىدىلا سۆزۈمنى يەتكۈزدۈم. شۇڭا تۇنجى ئىنكاسىمدىلا يارغولنىڭ توغرا چۈشۈنىدىغانلىقىنى ئەسكەرتىپ ئۆتكەن ئىدىم. ھەممىڭلارگە سالامەتلىك تىلەپ~!

‏
بىرىنجى، تۇتىم مەسلىسى نوقۇل ئېتىقاد مەسىلىسى بولماسلىقى ئېنىق. چۈنكى ئوغۇزخاندىن تارتىپ تاكى كۈنىمىزگىچە بۆرە تۇتىمى تەڭرىلىشىش ئۇقۇمى بىلەن ئوڭ تاناسىپلاشمىغان مەۋقەدە بىزنىڭ مىللىي مەدەنىيىتىمىزدە ساقلىنىپ كەلگەن. شۇڭا ئۇ كۈنىمىزدە ئەقىدە -ئېتىقادىمىزنىڭ چەمبىرىكى ئىچىدىكى ھەممە مەۋجۇت نەرسىلەر قاتارىدا ساقلىنىپ، داۋاملىشىپ كېلىۋاتقان بولسىمۇ ئەزەلدىن تەڭرىلىك ئورۇنغا كۆتۈرۈلمىگەن. سىزنىڭمۇ خەۋىرىڭىزدە بار، تارىخىي خاتىرىلەردىمۇ ئوغۇزخان بۆرىنى تۇتىم قىلغان بولسىمۇ ئىلاھلاشتۇرمىغان. بۆرە تۇتىمىنى تۇتىملىق ئۆلچەمدىن ئاشۇرۇپ تەڭرىلەشتۈرۈپ قىياس قىلىش كىيىنكى ئىلىم شەرھىيسىدىكى خاتالىق.
‏----------
‏سالام، ئەكبەر، سىز مەن ناھايىتى ھۆرمەتلەيدىغان سەنئەتكار زامانداش يازغۇچىلىرىمىزنىڭ بىرى. شۇڭا سىزگە قارشى نۇقتىدىن چىقىپ ئىنكاس يازغانلىقىم ئۈچۈن بىئارام بولدۇم. لېكىن، سىزنىڭ مۇنازىرىنى كۆپ نۇقتىدىن چىقىپ قانات يايدۇرۇشنى قارشى ئالىدىغان ئىلمىي، دوستلۇقنى قەدىرلەيدىغان مۇنەۋۋەر قېرىندىشىمىز ئىكەنلىگىڭىزنى بىلگەچكە، ھەر ئىككىمىز ياخشى نىيەتكە ئۇرۇنىۋاتىمىزغۇ، دېگەن ئىشەنچ بىلەن قارشى نۇقتىدىن چىقىپ ئىنكاس يېزىپ قالغىنىمدىكى خىجالەتتىن سەل خالاس بولغانىدىم. ئويلىغىنىمدەك، شۇنداق ئىللىق ئىنكاس قايتۇرۇپسىز. كۆڭلۈم ئاۋۇندى، دوستلۇق مېھرىدىن راھەتلەندىم.
‏   لېكىن، دوستۇم، يۇقارقى سۆزىڭىز توغرىلىق يەنىمۇ چوڭقۇر ئويلىنىپ باقسىڭىز، ئورتاق ئىزدىنىپ باقساق، دېگەن ئۈمىتتە مەن.
‏   ئوغۇزخان ئەپسانىسىنىڭ يېزىلىش ئالاھىدىلىكىگە نىسبەتەن ئېيتقاندا، ئۇ بىزنىڭ تەسەۋۋۇرىمىزنى ئىسلامىيەتتىن بۇرۇنقى كۆك تەڭرىگە چوقۇنۇش دەۋرىگە باشلاپ ئاپىرىدىغاندەك تۇيغۇدىمەن. مەزكۇر ئەسەردە ئىسلام پۇرىقى ئاز ياكى يوق دەپ ئويلايمەن. بۇغۇ مېنىڭ بىر تەسىراتىم، ناۋادا، مۇشۇ تەسىراتىم ھەقىقەتەن توغرا بولۇپ قالسا، يەنى، نوپۇزلۇق تەتقىقاتچىلارنىڭ يەكۈنلىرىگە ئۇيغۇن كېلىپ قالسا، "كېيىنكى ئىلىم شەرھىسىدىكى بىر خاتالىق" دېگەن مۇشۇ سۆزىڭىزنى تۈزىتىشكە توغرا كېلىدۇ، دەپ ئويلايمەن.
‏جياڭ رۇڭنىڭ "بۆرە تۇتېمى" دېگەن رومانى ئېلان قىلىنغاندىن كېيىن، ئاسىيادا بۆرە تۇتېمى قايناق تېمىلارنىڭ بىرىگە ئايلاندى. بۇ مۇناسىۋەت بىلەن بۆرە تۇتېمى تېخى موڭغۇل خەلقى بەكرەك ئىگىدارچىلىق قىلىدىغان غەيرى مەدەنىيەت مىراسىغا ئايلىنىپ قالغاندەك...
‏   مۇشۇ گەپلەرنى دېيىش ئارقىلىق سىزگە خويمۇ ياراشقان كۆكبۆرە تەخەللۇسىڭىزغا داغ كەلتۈرمەكچى ئەمەسمەن. سىز نىيەت- ئىقبالىڭىز پاكىز بىر ئىنسان، شۇنداقلا سۆيۈندۈرگىچى بىر ئەدىپسىز. شۇڭا تەخەللۇسىڭىزنىڭ مەڭگۈ يارىشىدىغىنىغا ئىشىنىمەن. يەنە شۇنداقلا مەنمۇ دىنىي ساھەنىڭ ئادىمى ئەمەس، بەلكى، ھەقىقەتكە يېتىشكە ئۇرۇنغۇچىلار ئارىسىدىكى كىچىككىنە بىر ئەزامەن، خالاس.