قاسىمجان ئوسمان: سۇ خارابىلىكى

ق.ئوسمان غازى · ۋاقتى: 2016-2-29 20:32:16


	ساڭا سۆزلىسەم ～ قاسىمجان ئوسمان ～ قالىمەن نېمە دېيىشنى ئۇنتۇپ قۇرقۇيدۇ ئاتاشتىن ئىسمىڭنى تىلىم قېچىپ يۈرۈپ روھىمدىن تېنىم ~ يېڭى بىر شېئىر يېزىشىم كېرەك ئاق قەغەزنى بىلىپ بىر ياپراق ساڭا ئەل بولغان مىسرايىم ئۈچۈن ~ باشقا بىرىنى يازسام چايقىلىدۇ دېڭىز ئاتمايدۇ تاڭ، كەلمەيدۇ باھار قارلىغاچتەك قانمايدۇ تىلىم گاچا سۆيگۈمنى قىلالماي ئىزھار ~ نەقەدەر ھارغىن دەقىقىلەر بۇ مېڭىپ يۈرسەم باياۋىنىڭدا. ئېقىپ كەلسەم دەريالىرىڭنىڭ، ئات ئىزىدەك چوڭقۇرلىقىدا. ~ مەدھىيەلىشىمگە بەرسەڭ بىر پۇرسەت بەلكىم شۇ چاغ ئۆلەرمەن سۆزدە ئۆچۈۋاتقان نۇرلاردىن چىقىپ، ئاستا ھەمدە مۇڭلۇق سۈكۈتتە. ~ ساڭا سۆزلىسەم تېپىلمايدۇ يالغۇز ھەسرىتىم تېپىلمايدۇ سۆز ئەي، مېنى مەندىن كۈتكەن پەرشتەم…

ABLAJAN.BOWAKI · ۋاقتى: 2016-3-1 08:08:24


	...

ق.ئوسمان غازى · ۋاقتى: 2016-3-2 06:11:45


	ABLAJAN.BOWAKI يوللىغان ۋاقتى 2016-3-1 08:08 AM ... -

ق.ئوسمان غازى · ۋاقتى: 2016-3-2 20:40:00


	گۈزەل سايە ～ قاسىمجان ئوسمان ～ كۆككە قاراپ قاقىلدايدىغان قاغىنىڭ سايىسى ئۇنىڭ پەيلىرىدەك، رەڭلەر ئۆتۈشۈپ كەتكەن يۈرەكنى مۇدھىش باسقاندىكى بىر ھالەت تاكى قاراڭغۇ كېچىگىچە داۋاملىشىدۇ قاغا ئۇچۇپ كېتەر تۈن قوينىغا ～ سايىلەر قاپقارىلا بولمايدۇ، قارا ئاپپاق چايكا يارنىڭ مېنى چاقىرىشىدەك سۈزۈك ئاسماندىن دېڭىزغا شۇڭغۇۋاتقاندا قاناتلىرى ۋە يۇمران كۆكسىنىڭ سايىسى يېشىل، يېشىل، يېشىل… ئۇ داۋاملىشىدۇ تاكى ئاخىرقى دولقۇنلار سۈبھىدە قىرغاقتىن ھاياجاندا ئارقىغا يېنىپ بېسىقىغا چۈشكەنگە قەدەر ～ مەن ئۇزاق تۇردۇم قاق چۈش پەيتىدە ئۇزۇن بىر يولدا ئەمما، تاپالمىدىم سايەمنى تاپالمىدىم، تاپالمىدىم تاپالمىدىم يوقاتقان كەبى ئالدىمدا كېتىۋاتقان ۋە ئارقىمدىن كېلىۋاتقانلارنىڭ ئىزىنى بۇندا بولدۇم پەرىشان ～ ئاڭلاۋاتقىنىم رەڭلەر كۆرىۋاتقىنىم تىل سايىلەر گۈزەل ئۆچمەس دىلدىن ھەر بىر سىتەملەر… ～ 2016/3/2

ق.ئوسمان غازى · ۋاقتى: 2016-3-4 18:19:33


	مەن ساڭا دېمىگەن سېنى تۇنجى قېتىم ئ‍ۇچراتقىنىمدىكى يوشۇرۇن قاراشلىرىمنى، تۇنجى رەت بىللە غىزالانغاندىكى شەلپەردەك قىزارغىنىڭنى، ماڭا قاراپ بولۇپ، باشقا يەرلەرنى ئ‍ېرەنسىزلىك بىلەن كۆزىتىپ يەنە ماڭا قايتىپ كەلگەن كۆز نۇرۇڭدىكى جاننى ئ‍ېلىپ جاڭگالدا قويغۇچى نىگاھىڭنىڭ سېھرىنى قەلبىمگە جىمجىت ئ‍ېسىپ، قوڭغىراق قىلىۋالغانلىقىمنى ساڭا دېمىگەن ئ‍ىدىم… ~ باشقا بىر يارىمدىن كەلگەن خەتلەردە باشقا بىر قېتىملىق جىنسى مۇناسىۋىتىمنىڭ غەلىبىسىنى باشقا بىر كوچىدا مەست بولۇپ راسا ناخشا توۋلاپ، مۇزلاپ كەتكەنلىرىمنى يوشۇرمىدىم، بىراق ساڭا دېمىگەن ئ‍ىدىم ئ‍ەي، يالغۇزۇم كىشىلەر قارلىق كېچىلەردە تىترەكتە تۇيغۇ قۇشلىرى كۈزدىكى تېرەكتە ئ‍ايازدىكى تەبەسسۇمىڭدىن رەڭلەر بىنەپشە سېنىڭ يەنىلا ماڭا خىيانەت قىلمايدىغانىقىڭنى بىلەتتىم ئ‍ەي، بىراق ساڭا ھېچنىمە دېمىگەن ئ‍ىدىم دۇردانەم ~ ھايات دېگەن كېيىمنى كېيىپ كۈلمەيدىغان شارابلار تۆكۈپ قۇچىقىمدا يېتىشلىرىڭدىن چۈش باياۋانلىقىنى قىيا چىيا ۋە نازلىرىڭنىڭ ئ‍اۋازىغا تولدۇراتتىم ئ‍اندىن يەنە، ئ‍ېتىمنى مىنىپ ئ‍وۋغا كېتەتتىم، بىراق، مەن بىلەتتىم كۆز يېشىڭ بىلەن بوسۇغنى يۇيۇپ، مېنىڭ قايتىشىمنى كۈتەتتىڭ ئ‍ەمما، مەن ساڭا ھېچنىمە دېمەيتتىم ~ يىللار ئ‍ۆتتى، مەن بەكمۇ ھالسىرىدىم سەن يەنىلا ماڭا قاراپ ئ‍ۇزاق مۈكچىيىپ كۈتتۈڭ يولۇمنى يىگانەم، مەن ھەممىدىن ۋاز كەچتىم ساڭا كىچىككىنە ۋاقىت ئ‍ېلىپ كەلدىم پەقەت شۇنىلا قىلىمەن سوۋغا ھېيت-بايرام، تۇغۇلغان كۈنۈڭ، شادلىق ۋە قايغۇ كۈنلىرىڭگە بېرەلمىگەنلىرىم ئ‍ۈچۈن ساڭا كىچىكىنە ۋاقىت ئ‍ېلىپ كەلدىم بەلكى ئ‍ۇ بىر دەقىقىمۇ ئ‍ەمەستۇر، مەڭگۈلۈككە سوزۇلغان بۇ سۆيگۈ ئۈچۈن … پەقەت، مۇشۇ بىرلا سۆزنى دېمىگەن ساڭا، كەل، ئ‍اخىرقى رەت تاشلانغىن ماڭا…

(ئۈمىد) · ۋاقتى: 2016-3-5 22:17:11


	ھاۋا يوللىغان ۋاقتى 2016-2-28 05:37 PM نوتو توغۇرلۇق قانچىلىك نەرسە بىلىسىز؟ قاسىمجان ئوسم ... ئەدەبىياتىمىزدىكى ھەر بىر يېڭىلىق، يېڭىچە تۇيۇلغان يۈكسىلىشلەردىن خۇشاللىق تاپىمەن،.. ئەمما سىز ئېيىتقاندەك ‹نوتو› ۋە نوتۇچىلار ھەققىدە كۆپ بىلمەيمەن، پەقەت ئەدەبىياتىمىزدا ‹نوتو› نامىدىكى يېڭىچە ئىپادىلەش مەۋقە قىلىنغان شېئىريەت ھادىسىسىنىڭ كۆرۈلۈۋاتقانلىغىنى بىلىمەن.... بەكرەك قىزىققىنىم ‹نوتۇ ›باياناتى. بولسا مۇشۇ تېما ئاستىدا ‹نوتو › ھەققىدە ئىلمى مۇلاھىزىلەرنى ئاڭلساق، بىلىدىغانلىرىڭىزدىن بەھىرلەنسەك خالارسىزمۇ..

ھاۋا · ۋاقتى: 2016-3-5 23:44:00


	(ئۈمىد) يوللىغان ۋاقتى 2016-3-5 10:17 PM ئەدەبىياتىمىزدىكى ھەر بىر يېڭىلىق، يېڭىچە تۇيۇلغ ... پەقەت ئەدەبىياتىمىزدا ‹نوتو› نامىدىكى يېڭىچە ئىپادىلەش مەۋقە قىلىنغان شېئىريەت ھادىسىسىنىڭ كۆرۈلۈۋاتقانلىغىنى بىلىمەن بەلكىم بۇ يەرە نوتونى شەرھىلەشكە بۇ مۇنبەر يول قويماسلىقى مۇمكىن، شۇڭا مەنمۇ ئارتۇق سۆزلىمەي. لېكىن يۇقارقى كۆز قاراشلىرىڭىز سەل مۇۋاپىق ئەمەستەك تۇرىدۇ. نوتو شېئىرىيەت ھادىسىسى ئەمەس، ئۇ بىر ئەدەبىيات ھەركىتى.

(ئۈمىد) · ۋاقتى: 2016-3-6 00:11:01


	ھاۋا يوللىغان ۋاقتى 2016-3-5 11:44 PM پەقەت ئەدەبىياتىمىزدا ‹نوتو› نامىدىكى يېڭىچە ئىپادى ... بۇ تېما ئاستىدا شەرھىلەنسە، مۇلاھىزىلەر ئىلمىي داۋاملاشسا مۇنبەر يول قويىدۇ مېنىڭچە،.. ئاۋال شەرھىلەپ بېقىڭ ئەدەبىيات ھەركىتى ياكى ئېقىم ھەققىدە كېيىنكى مۇنازىرىلەر بىر نېمە دېسۇن... نوتو يېڭىچە شېئىريەتنىڭ داۋامىمۇ ياكى تامامەن باشقىمۇ. بايانلىرىڭىزنى ئاڭلاشقا تەقەززامىز.

ھاۋا · ۋاقتى: 2016-3-6 00:40:56


	(ئۈمىد) يوللىغان ۋاقتى 2016-3-6 12:11 AM بۇ تېما ئاستىدا شەرھىلەنسە، مۇلاھىزىلەر ئىلمىي داۋام ... قىزىققىنىڭىزغا ھەم ئەستائىدىل مۇئامىلە قىلغىنىڭىزغا رەھمەت! باشتىكى قالايمىقانچىلىقلار بىرەر قۇر بىسىقتى، يەكلىنىش، ئۆزى بىلگەنچە تەبىر بېرىپ تون پىچىشلار بىزنى خىلى ھالسىراتتى. ئەسلىدىمۇ يامان نىيىتىمىز يوق ئىدى، ھېلى ھەم ئاللاھ خالىسا ئەڭ پاكىز مۇدىئا بىلەن نىشانىمىزغا يېتىشكە تىرىشىمىز. ھازىرچە مۇشىنچىلىك دەي، قالغىنى كىيىن بىر گەپ بولسۇن!

(ئۈمىد) · ۋاقتى: 2016-3-6 00:59:11


	ھاۋا يوللىغان ۋاقتى 2016-3-6 12:40 AM قىزىققىنىڭىزغا ھەم ئەستائىدىل مۇئامىلە قىلغىنىڭىزغا ... نىيىتىمىز يوق ئىدى، ھېلى ھەم ئاللاھ خالىسا ئەڭ پاكىز مۇدىئا بىلەن نىشانىمىزغا يېتىشكە تىرىشىمىز. ھازىرچە مۇشىنچىلىك دەي، قالغىنى كىيىن بىر گەپ بولسۇن! 。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。 يېشىل گېپىڭىزگە سۆيۈندۈم، شۇنىڭ ئۆزى ئۈچۈن كېيىنكى قەدىمىڭلارغا نۈسرەت تىلەيمەن. ئەسلىدىنمۇ ياخشى باشلىنىش. بەلكىم <بوزچى خام توقۇسا مۈشۈكى شاتراق قويغان>دەك بىر سەۋەبلەر بىلەن چاڭ قۇرۇنچى بالىلارنىڭ ئېلىشمان قىلىشىدا خاتا چۈشىنىلىپ قالغان بولىشىڭلار ئېنىق. پاكىز مۇددىئايىڭلار ئۈچۈن سالاملار بولسۇن...

ھاۋا · ۋاقتى: 2016-3-6 01:00:40

ھاۋا · ۋاقتى: 2016-3-6 01:00:45

ھارماس · ۋاقتى: 2016-3-6 16:38:01


	2 ھاياتىم بار بولغاندىن بۇيان دەرەخلەر قۇشلارغا ،قۇشلار ئ‍اسمانلارغا ،كۆز ياشلار ناتىۋان سېغىنغۇچىلارغا تەۋە بولغاندەك ئ‍ەشۇ قىممەتلىك ھاياتىم ئ‍ۆلۈمنىڭ ئىشىكىگە قاراپ كېچە قەلەندەرىدەك يۈرۈپ كەلمەكتە .ئ‍ۇنىڭغا تەۋە بولىۋاتقىنى پەقەت خاتىرلەنمەيدىغان كۈنلەر…ياكى ئۇنتۇلغان ھەسرەت. بۇ قىسمى نەسىردەكلا چىقىپتۇ.

ق.ئوسمان غازى · ۋاقتى: 2016-3-12 14:33:35


	تۈن ياپرىقى ～ قاسىمجان ئوسمان ～ بىلىسەن، ئۇنتۇپ قالمىغان بولساڭ ئورمانلىقنىڭ ئوتتۇرىسىغا ئوت قالاپ قويغان ئىدىم كۆل بويىدا ئۇخلاپ قالغان چۈشلىرىمنىڭ ھۇجرىسىدا تۈنەيدىغان ئەسلىرىڭ كەبى ھېرىپ كەتكەن سەپەرلەردە چېچىڭنى ھېدلاپ، باغرىڭغا ئېقىپ قايغۇ سۇلىرىدا يوقاپ كەتكەن مىسرالار ئۈچۈن ～ قايتماقتا ئوۋچىلار تۈندىن كەلمەكتىمەن ھۇۋلاپ سۈبھىگە ئۆتمەكتىمىز ، ئۆتمەكتە ھەممە بەزەن شىردەك، بەزەن قوي سىياق بۇلۇتلارمىز ئايدىن يىراقتا بۇ سېنىڭ چۈشۈڭ ئىدى مېنى ئىستەيدىغان بۇ سېنىڭ جۆيلىشىڭ ئىدى قۇيرۇقى دوزاقتا قالغان ھېلقى ئورمانلىقتا ئۆچۈۋاتقان ئوت كەبى ～ ئەمدى ئۇ ئەسلىمىلەر يوق چۈش دېگەن چۈش، بولمايدۇ يورۇق تۈن ياپرىقى تۆكۈلدى ئاستا لەيلەر بۇندا تۇمانلار قويۇق… ～ 2016/3/9

ق.ئوسمان غازى · ۋاقتى: 2016-3-14 21:12:09


	ئاۋۋالقى تۇمان ～ قاسىمجان ئوسمان ～ دەسلەپ كېچە باشلىنىشى بولمىغان ئاندىن سۈبھى تۇمانلارغا پۈركەلگەن ئۇياتچان چىقىپ كېلىشلەر ～ دەسلەپ ئەتىگەن ئاخىرلىشىدىغان ئەتىگەن ئاندىن بۇلۇتلار تارقىغان چىڭقى چۈشتىن قورقۇپ تۈگۈلىۋالغان قارا سايىلەر ～ دەسلەپ گۇگۇم قاراڭغۇغا كۈلۈمسىرەپ ئۆلۈپ كېتىدىغان گۇگۇم ئاندىن چېكەتكىلەرنىڭ توي مۇراسىمىدا ئۇسسۇلغا چۈشكەن يۇلتۇزلار نۇرى ～ يەنە تۇمان دەسلەپكى تۇماندا ئۆتتى ۋاقىت دېگەن چۈمپەردە ئۇندا، يالىڭاچ پېتى كىرىپ كەلدۇق سۈبھىگە ئىككىمىز ۋە دەسلەپكى بىلەن ئاخىرقى ھەممە ～ دەسلەپكىدەكلا بىر قول قوچۇشقا تەمشەلدى ساڭا تەۋە بولغان يۈرىكىمنى مەن قارىدىم ئاخىرقى قېتىم كۆزلىرىڭدە تۇرار ۋەھىمە… 2016/3/3

قاسىمجان ئوسمان: سۇ خارابىلىكى

باھا سۆز