قەشقەر ھەققىدە قوشاقلار [ئۇلانما كۆچۈرۈش]

بەشكېرەم ھەققىدە
1
بەشكېرەم- <<بېھىشكېرەم>> دەپ،
خېلى بۇرۇن  ئاڭلاپ يۈرەتتىم .
ئەمما ، قانداق يۇرىتكىنە ئۇ دەپ،
كۆرگەنلەردىن سوراپ يۈرەتتىم .

بەشكېرەم راسىت <<بېھىشكېرەم>>كەن،
بېھىشنى مەن  بۇ  يەردە   كۆردۈم.
بۈگۈن  مانا  بۇ گۈزەل  يۇرىتتا  ،
شۇ  <<بېھىش>> نىڭ پەيزىنى سۈردۈم .
2
بەشكېرەمنىڭ  باغلىرى،
<<بېھىش>> تىكى باغ ئىكەن.
ئەنجۈر، ئانار، ئۈزۈمى،
شېرىن شەربەت – ياغ ئىكەن.

ئالتۇن  ئۈزۈك  قەشقەرنىڭ ،
ياقۇت كۆزى  بەشكېرەم .
مېۋە بىلەن  داڭ ئالغان ،
يۇرىتنىڭ  ئۆزى بەشكېرەم .

قەشقىرىم
ھەر قېتىم كۆرگەندە  سېنى قەشقىرىم،
بەك ھەيران  قىلىسەن مېنى، قەشقىرىم.
سەن ئۇيغۇر ئېلىنىڭ مۇجەسسەملەشكەن،
نۇرانە گۆھىرى – جېنى،  قەشقىرىم .

بەشكېرەمگە ھەقىقى «ئاشق»بوپسىز-دە.

مەنمۇ خوتەن توغرىلىق يازىمەن ئەمدى، ئىچىمگە بىر ئوت كىرىۋالدى...

   ئۇكام ئاشىق، «قوشاقلىرىڭىز»غا مۇبارەك بولسۇن! ئادەم بەزىدە مۇشۇنداق شېئىرلارنى يېزىپ بولۇپ، شېئىر بولمىغاندەك ھېس قىلىپ قالىدۇ. ئەمەلىيەتتە ئۇ تۇرمۇشقا، كىشىلەرنىڭ ئوي-خىياللىرىغا يېقىن بولۇپ، دەرھال ئۆزىگە تارتىدۇ. «ئاددىيلىق ئىچىدىكى گۈزەللىك» دېگەن ئەنە شۇ. داۋاملىق مۇشۇنداق «قوشاقلىرىڭىز» ئۈزۈلمىسۇن!
يەنە بىر گەپنى دېگۈم كېلىپ قالدى: ماۋزۇنى «قەشقەر قوشاقلىرى» دېسىڭىز تېخىمۇ يېقىشلىق بولىدىغاندەك تۇيۇلدى. ئويلۇشۇپ باقارسىز.
   ئىسمىڭىزنى يتىركەپ قويۇڭ!
بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2012-6-13 00:42  

ئاشىق، مەنمۇ ئۆزەمنىڭ پىكىرىنى بايان قىلىپ ئۆتەي: بۇ قوشاقلارنى ئۆزىڭىز يازغان بولسىڭىز ، ئۈستىگە ئىسمىڭىزنى يېزىپ قويۇڭ. بولمىسا توپلىغان بولسىڭىز ئەسكەرتىپ قويۇڭ. بۇ چاغدا تېخىمۇ ياخشى بولىدۇ. يەنە بىر جەھەتتىن، مەن بۇ قوشاقلارنى تازا راۋان چىقمىغاندەك ھېس قىلىپ قالدىم. بولسا بىزنىڭ قوشاقلىرىمىز ناھايىتى راۋان، ئېسىل، مەزمۇنى چوڭقۇرغۇ؟ ئامال بار شۇنىڭغا يېقىنلاشتۇرۇڭ. بولسا تەڭ بوغۇملۇق يازغان ياكى توپلىغانلىرىڭىزنى بىر يەرگە بېرىڭ، بۇ چاغدا مېنىڭچە، ئوقۇغانلار تېخىمۇ ياخشى زوق ئالىدۇ. بۇلار مېنىڭ ھېس قىلغانلىرىم، خاتا كەتكەن تەرەپلىرى بولسا توغرا مۇئامىلە قىلارسىز...

يۇقۇرقى شئېىردىكى  5 كۇپلىتنىڭ 1-2-5-كۇپلىتلىرى شئېىر-ئىنتىم لىرىكىسى بوپتۇ.3-4-كۇپلىتلىرى رەسمى خەلق قوشىقى بوپتۇ.

     ئومۇملاشتۇرغاندا  شئېىر بىلەن قوشاقنىڭ بىرىكمىسى بوپتۇ.قالغىنىغا تورداشلار گەپ قىلسۇن.

ئوقۇپ «ئاشىق» قوشاقنى،
ئىلھام كەلدى باشقىچە.
يۇرتنى سۆيسە ياخشىكەن،
قىرىلاردىن ياشقىچە.

ياخشى بوپتۇ قوشاقلار،
يېزىپ تۇرۇڭ توختىماي،
ئىلھام كەلسە ھەتتاكى،
تۈنلەردىمۇ ئۇخلىماي.

بەشكېرەمنىڭ باغلىرى ئادەمنى ئۆزىگە ھەقىقەتەن جەلىپ قىلىدۇ، مېۋىلىرىنىڭ تاتلىقلىقىچۇ تېخى! سىزمۇ بۇ يۇرىتنى كۆرۈپ باققانمۇ؟

توردىشىم ئابدۇمىجىتنىڭ شېئىرلىرىمغا شېرىي باھا بەرگىنىگە چىن كۆڭلۈمدىن رەھمەت، بۇ ماڭا زور ئىلھام بولدى.

بەشكېرەم ھەقىقەتەن بىر بېرىپ سەيلە قىلغۇدەك يۇرىت.

مەن بۇ قوشاقلارنى بەشكېرەمنى كۆرگەندە جىددىي ئىلھامنىڭ تۈرىتكىسىدە يازغان،ھەرقېتىم قەشقەرگە بارسام نۇرغۇن ئۆزگىرىشلەرنى كۆرىمەن، شۇنىڭ بىلەن بىر ھاياجانغا چۆمىمەن، قەشقەر ھەققىدىكى شېئىر ئەنە شۇ ھاجانلارنىڭ بىر قېتىملىق چاقنىشى،دەپ قارىدىم. ئۇستازىم ئابدۇرېھىم مۇئەللىمنىڭ بەرگەن ئىلھامبەخىش تەكلىپىنى ئەلۋەتتە قوبۇل قىلىمەن. بۇ يازمىنى ئاخىرىدا   ئاشىق تەھرىرلىگەن. ۋاقتى  2012-6-14 20:04  

بۈركۈت ئەپەندىمنىڭ «قوشاقلار»غا باھا بەرگىنىگە تەشەككۈر، مۇشۇنداق باھالار ئادەمگە خېلى چوڭ ئىلھام بولىدىكەن.

بۇ ئۆزۈم يازغان قوشاقلار، توپلىغان ئەمەس. ئوخشاش بوغۇملىقلارنى بىردىن گۇرۇپا قىلدىم.