نە... نۇربەگ [ئۇلانما كۆچۈرۈش]

نە...
1
كېلىۋاتقىنى تۈندىكى كۈندۈز
باشلانمىغان تېخىچە ۋاقىت
يۇيىۋاتقان ئويلارنى
يۇيۇلمىغان ئويلار ئاقلىقى

كىشنەۋاتقان يىراققا ئىدى
نە ئارىلىق ھېچنە تېمىغان
چېچىكىدە بۇلۇتلۇق
سۇ دانىچىلىرى

كۆيىۋاتقان كۆكسۈڭدىكى قول ئېچىلغان
يېنىۋاتقان ئەمانىڭ نە كۆزى
سۈت قاپقارا
نە ئەمچەك، نە كۆكرەك  

قوراشتۇرىمەنۇ قوراشمايسەن
تولىسەنۇ تولمايسەن
پۈۋدىگىنىمدە
داجىمىغان شامالغا ئاپىرىن

رەتلىنىۋاتقان ئېھتىمال تېشىڭ
نە تېشىڭ ھەي ئىچى پۈتمىگەن
ئاۋازغا سولاندىڭمۇ
نە ئاۋاز، نە يۈرۈپ كېتىش

ساڭگىلاۋاتقان ئاپتاپ كېچىنىڭ سۆزى
ئېچىلمىغان تېخىچە كېچە
ساڭا ئۆرلەيمەنۇ
نە چېلىقتۇرۇش

2
        يالاڭئاياق كوچىنىڭ نە پۇتى         
سىزىلىۋاتقان رەسىم كاۋاك-كاۋاك
نە رەسسام
نە رەڭ

چۇكۇلدىغان مەنە يورۇمىغان
ئەمەسلىكىڭگە سېنى تېرىغان ئىدۇق
نە تەشۋىش
نە باشاق

شىلدىرلىغان يوپۇرماقلىق چۈش
ئۈنىۋاتقان تۇپراقنى بۇلۇت
نە ئويغىنىش
نە مېۋە

ئۇچىۋاتقان جىملىق يىلتىزىغا
چۆمۈلىۋاتقان سۆز يېرىم
نە شىۋىرلاش
نە چۆكۈش

بۇ يازمىنى ئاخىرىدا   nurbag تەھرىرلىگەن. ۋاقتى  2012-6-11 16:35  

. بۇ يازمىنى ئاخىرىدا   elqizi تەھرىرلىگەن. ۋاقتى  2012-6-11 16:54  

نۇر بەگ ئەپەندىممۇ ئەسەر يوللايدىكەن ھە مۇنبەرگە؟
يېڭى مۇنبەر گە كۆچكەندىن بىرى ئانچە مۇنچە ئىنكاسلاردا كۆرۈپ قالاتتىم سىزنى...
تۇنجى ئەسەر يوللىشىڭىزمىكىن يېڭى مۇنبەرگە.گەرچە مەزمۇن جەھەتتە چۈشۈنۈشكە بەك بەك ئاجىزلىق قىلساممۇ لىكىن خوش بوپ قالدىم.
ھە راس....ھىلىقى‹ساقاللىق دەرەخ›دىگەن توپلامغا كىرىش سكز يازغان كىشى سىز شۇمۇ؟

3
مېڭىۋاتقان قەدەممۇسەن، جىملىق چىملىقىدا
شىلدىرلىغان ئىزلار قايدىسەن
يورۇۋاتقان جىملىق كۆزىدە
نە ئىز
نە قەدەم

قايتىۋاتقان دولقۇنلارغا جىملىق ئۆركەشلىرى
قايتىۋاتقان سۇ تېخىچە بۇلاقلىق تەرەپلەرگە
نە قايتىش
نە سۇ دولقۇنلىرى
نە جىملىق ئۆركىشى

ئېزىققان ئەسلەردىكى سالپايغان ئاۋاز
يولۇچىلارغا مېڭىۋاتقان يولدەك بىشارەت
نەقەدەر ئۆچۈش بايرىمى – ھە
نە يورۇغان ئىدىڭ
تېخىچە ئۆچىۋاتقاندەك

بۇ يازمىنى ئاخىرىدا   nurbag تەھرىرلىگەن. ۋاقتى  2012-6-11 18:41  

شۇنداق ئايدانىش.

چۈشۈنىپ بىقىشقا ئۇرۇنۇۋاتىمەن...


     يالاڭئاياق كوچىنىڭ نە پۇتى         
سىزىلىۋاتقان رەسىم كاۋاك-كاۋاك
نە رەسسام
نە رەڭ

چۇكۇلدىغان مەنە يورۇمىغان
ئەمەسلىكىڭگە سېنى تېرىغان ئىدۇق
نە تەشۋىش
نە باشاق

شىلدىرلىغان يوپۇرماقلىق چۈش
ئۈنىۋاتقان تۇپراقنى بۇلۇت
نە ئويغىنىش
نە مېۋە

ئۇچىۋاتقان جىملىق يىلتىزىغا
چۆمۈلىۋاتقان سۆز يېرىم
نە شىۋىرلاش
نە چۆكۈش

مۇشۇ تىۋىشلارنى چۈشەنگەندەك قىلىمەن..بەرىكەتلىك بولۇڭ نۇر بەگ!!!

بىردىنبىر سەپەر __ ئۆزىنىڭ ئىچىگە بولغان سەپەردۇر!

                                    
                                                                 __ راينېر مارىيا رىلكې

4
تۈتەۋاتقان سۆيگۈدەك ئىدى
تۈنەۋاتقان زۇلمەتمىدىڭ
نە تۈنەش
نە تۈتەش
ھېچبىر

يىقىلىشقا ئېچىلىۋاتقان
بىر باغلام قوشاقمىدىڭ
نە يىقىلىش
نە ئېچىلىش
نە بىر باغلام قوشاق

شامال ئېغىزلانغاندەك
تەۋرىنىۋاتقان جىملىق پەردىسى
نە شامال
نە ئېغىزلىنىش
نە تەۋرىنىش
نە جىملىق پەردىسى

سۆزى ئاپئاق
كۆكسى ئاپئاق
ئوينىڭ قارىلىقى
نە سۆز
نە ئەمچەك
نە ئاقلىق
نە ئوي قارىلىقى

غوزەكتەك ئېچىلغان
ئەمەسلىكنىڭ قىسىلچىقى
نە غوزەك
نە ئېچىلىش
نە قىسىلچىق

يېنىۋاتقان تامنىڭ ئېسى
ئۆچىۋاتقان ھېچنالچىنلىق مۇساپە
نە يېنىش
نە تامنىڭ ئېسى
نە ئۆچۈش
نە ھېچنالچىنلىق مۇسەپە

بۇ يازمىنى ئاخىرىدا   nurbag تەھرىرلىگەن. ۋاقتى  2012-6-11 19:15  

نۇربەگ:

         ھېچنالچىنلىق-دېگەن ياسالما سۆزنى ئىزاھلىۋېتەمىسز.

شېئىرنىڭ 1- بۆلىكىدە:

كۆيىۋاتقان كۆكسۈڭدىكى قول ئېچىلغان
يېنىۋاتقان ئەمانىڭ نە كۆزى
سۈت قاپقارا
نە ئەمچەك، نە كۆكرەك  

مۇشۇنداق بىر كوبلىت بار بولۇپ، «سۈت قاپقارا» بۇنى كۆردۇق. «نە ئەمچەك، نە كۆكرەك؟»كە ئۈسسىگەندە بىز لاماكانلىقتىن كۆرە، كۆيىۋاتقان كۆكسىڭدىكى كۆرسەتكۈچ قولنى يوقىتىپ قويىمىز-دە، سۈت ئاقلىقى ئەمچەكسىز بولماس، دېگەن غەيرى باياندىكى لوگىكىلىق ئۇقۇمغا دۇچار بولىمىز.
   مانا بۇ شېئىرنىڭ شائىر ئېڭى ئاۋۋال بەلگۈلىۋالغان «ھېچنە» دېگەن بويۇنتۇرۇقتىن قۇتۇلالمايۋاتقانلىقىنڭ ئىپادىسى.
   بوزلان نەقىل كەلتۈرگەن رېلكىنىڭ سۆزى بويىچە ئېيتقاندا، شائىر تىلنىڭ سىرتىدا يېتىم قېلىشقا مەجبۇر بولدى، دېيىشكە ھەقلىقمىز.

---

چۇكۇلدىغان مەنە يورۇمىغان
ئەمەسلىكىڭگە سېنى تېرىغان ئىدۇق
نە تەشۋىش
نە باشاق

2- بۆلەكتىكى بۇ كۇبلىتتا، تەتۈر تىل تەپەككۇر ئۇسۇلى بىلەن شائىر بىزنى ئېزىقتۇرماقچى بولىدۇ. "چۇكۇلدىغان مەنە يورىمىغان ئەمەسلىكى"- ئەسلىدە مەنە (يورۇق)  مەۋجۇد!- دەپ جار سالدى. ئەمدى ئۇنى تېرىشنىڭ ھاجىتى قالمايلا قالماستىن تەشۋىشمۇ، تېرىغاندىكى باشاقمۇ مېۋىلەپ قويدى.
      بۇ يەردە بىز شائىر ياكى بايانچىنى يەلپىكۈچنىڭ سېپىنى تۇتېۋېلىپ، بىزگە ئىككى تەرىپىنى ناھايىتى تېز ئۆرۈپ كۆز بوياۋاتقان سېھىرىگەر دەيمىز.

         شېئىر سېھىرگە تولسۇن تىل بىلەن،
         ئادەم شائىر بولمىسۇن ھېلە بىلەن.

مېڭىۋاتقان قەدەممۇسەن، جىملىق چىملىقىدا
شىلدىرلىغان ئىزلار قايدىسەن
يورۇۋاتقان جىملىق كۆزىدە
نە ئىز
نە قەدەم

بۇ يەردە شائىر تولىمۇ ئېسىل تۇيغۇ ئۆركىشىنى تۇتىۋالغان. ئەمما مەۋجۇدىيەتنىڭ ئەسلى ماھايىتىدىكى ئوخشاشلىقنى راۋان ھالەتتە قۇرۇقدىيالمىغان.

يىقىلىشقا ئېچىلىۋاتقان
بىر باغلام قوشاقمىدىڭ
نە يىقىلىش
نە ئېچىلىش
نە بىر باغلام قوشاق

---------------------- چەكسىز ھەسرەت ۋە مۇسىبەت ئېڭى شائىرنىڭ مېڭىسىنى قوچىۋەتكەن بۇ مىسرالاردا، «ھېچبىر نالە چىن ئەمەس!» دېگەن ئەلەملىك خۇرسىنىش ھەقىقتىگە ھاڭ بېقىپ قالدۇق.