چىرا يازغۇچىلىرى ئىجادىيەت كۇرسى ئېچىلدى

چىرا ئەدىبلىرىنىڭ ئۈرۈمچىدىكى تەربىيەلەش پائالىيىتىنىڭ ئۇتۇقلۇق بولۇشىغا تىلەكداشمەن.

11-ئاينىڭ 11-كۈنى چۈشتىن ئاۋال <<تارىم>> ژۇرنىلىنىڭ باش مۇھەررىرى، شائىر ياسىن زىلال، تەكلىپ بىلەن ژۇرنال تەھرىراتىدىكى مۇھەررىرلەرنى باشلاپ كېلىپ چىرا يازغۇچىلىرىغا ئەدەبىي ئىجادىيەت ھەققىدە دەرىس ئۆتتى ھەم ئىجادىيەت ھەققىدە سۆھبەتتە بولدى.

11-ئاينىڭ 11-كۈنى چۈشتىن كېيىن، چىرا يازغۇچىلىرى ئۈرۈمچى تۇمارىس مېھمانسارىيىدا <<جۇڭگو مىللەتلىرى>> ژۇرنىلى تەھرىراتىدىكى مۇھەررىرلەر بىلەن ئەدەبىي ئالماشتۇرۇش پائالىيىتى ئېلىپ باردى ھەم ئۈرۈمچىدە تۇرىۋاتقان مەملىكەتلىك خەلق قۇرۇلتىيى دائىمىي كومىتىتىنىڭ سابىق مۇئاۋىن مۇدىرى، پىشقەدەم رەھبىرىمىز ئىسمايىل ئەھمەد ئاكىنىڭ سەمىمى قوبۇل قىلىشىغا نائىل بولدى.








بۇ يازمىنى ئاخىرىدا   gulahma تەھرىرلىگەن. ۋاقتى  2015-11-13 12:18  

11-ئاينىڭ 12-كۈنى چۈشتىن ئاۋال يازغۇچى ئەخەت تۇردى تەكلىپ بىلەن كېلىپ چىرا يازغۇچىلىرىغا پىروزا ئىجادىيىتى ھەققىدە لېكسىيە سۆزلەپ بەردى.

11-ئاينىڭ 13-كۈنى شىنجاڭ يازغۇچىلار جەمئىيىتىنىڭ پەخرى رەئىسى، يازغۇچى مەمتىمىن ھوشۇر تەكلىپ بىلەن كېلىپ، چىرا يازغۇچىلىرىغا ئۆزىنىڭ ئىجادىيەت تەجىربىلىرى ئاساسىدا دەرىس سۆزلەپ بەردى ۋە چىرا يازغۇچىلىرىنىڭ سورىغان سۇئاللىرىغا جاۋاپ بەردى.

ئىشىكىڭنى ئاچ بولۇتلار

گۇلنىسا ئىمىن گۈلخان

دۆپۈر -دۆپۈر ئاتلار  كەلدى،
تارام -تارام سۇلار كەلدى،
نەمخۇش چاچلار كىمنىڭ ئسىدە،
تۇردۇم سېغىنىشنىڭ كۆكسىدە.
ئىشىكىڭنى ئاچ بولۇتلار
ئىشىكىڭنى ئاچ ئەي خىياللار.
تەكلىماكاندىن كەلدى بىر تال شاخ،
كەل قونغىن كۈلرەڭ قۇچقاچلار،
تەكلىماكاندىن كەلدى بىر يىگانە قەلب،
گۈلساي ھېچنىمە دېمەي ئۇنى قۇچاقلا.
بىر ئادەم ئۆتۈپ كېتىدۇ ئالدىراش ،
ئىشىك تۈۋىدە ئولتۇرار قوياش.
غېرىپلىق ئارىلاش ياتسىراش ھىدى
تارقىلىدۇ قورغاق ھاۋادا
ئەتكىنىچە قىشنى چىڭ باغاش.
ئەي ئىگىزلەۋاتقان ئاسمان
ئەي يالىڭاچلىنىۋاتقان دەرەخلەر
ئىشىكىڭنى ئاچ.
بۇ تىنىقلار كىملەرگە ماكان.
بۇ كۈنلەر ناتۇنۇش يوللاردەك ياتقان.
مەن مۇزدەك قولۇمنى تۇتۇپ  ئولتۇرۇپ،
ئاقۇش جمىجىىتلىق بىلەن قۇملۇققا قايتقان.
نەمخۇش تۇيغۇلار جېنىمغا پاتقان.
كەچ كىرەي دەيدۇ، بۇ كېچە يوق شەھەر.
ئەي شەھەر!
ئىشىكىڭنى ئاچ.....

2015.11.9 ئۈرۈمچى

مۇشۇنداق پائالىيەتلەرنىڭ ئىزچىل داۋاملىشىشىنى ئۈمۈت قىلىمەن، چىرا يازغۇچىلىرىغا ئوتلۇق سالام!

11-ئاينىڭ 13-كۈنى چۈشتىن كېيىن ئۈرۈمچى شەھەرلىك ئەدەبىيات-سەنئەتچىلەر بىرلەشمىسىنىڭ مۇئاۋىن رەئىسى، <<تەڭرىتاغ>> ژۇرنىلىنىڭ باش مۇھەررىرى پولات ھېۋىزۇللا، مۇئاۋىن باش مۇھەررىرى ئەركىن نۇر ۋە ئىمىر ھەسەن ماخمۇت، ئەكپەر سالىھ، مۇسا ئەھەت قاتارلىقلار تەكلىپ بىلەن چىرا يازغۇچىلىرىنىڭ ئىجادىيەت كۇرسىغا كېلىپ، چىرىلىق ئەدىبلەر بىلەن ئىجادىيەت ھەققىدە سۆھبەتتە بولۇپ، ژۇرنالغا كېلىۋاتقان ئەسەرلەرنىڭ ئەھۋالى، ئەسەرلەرنىڭ بىر تەرەپ قىلىنىشى ھەم ئەسەرلەرگە قويىلىدىغان تەلەپلەر ھەققىدە قىزغىن پىكىرلەشتى.

11-ئاينىڭ 14-كۈنى شىنجاڭ ياشلار - ئۆسمۈرلەر نەشرياتىنىڭ مۇئاۋىن باش مۇھەررىرى ئابلىكىم ھەسەن، تەكلىپ بىلەن چىرا يازغۇچىلىرىنىڭ ئىجادىيەت كۇرسىغا كېلىپ، چىرىلىق ئەدىبلەرگە نۆۋەتتىكى نەشرياتچىلىق ۋە بالىلار ئەدەبىياتىمىزنىڭ ھازىرقى ئەھۋالى ھەققىدە چىرىلىق ئەدىبلەرگە لېكسىيە سۆزلەپ بەردى.

ئىجادىيەت كۇرسى تۈگەپ خۇلاسىلىغان كۈنى، بىر ھەپتە ۋاقىتنىڭ قانداقلارچە شۇنچە تىز ئۆتۈپ كەتكىنىگە ئىشىنەلمەي قالدۇق. قىسقىسى، لىكسىيە داۋامىدا بىز ئۈچۈن قىممەتلىك ۋاقتىنى ئاجراتقان ئەدىبلەرگە، مۇشۇنداق ياخشى سورۇننى ھازىرلاپ بەرگەن رەھبەرلەرگە رەھمىتىمىزنى بىلدۈرىمىز. خەيرىلىك ئىشلار داۋاملاشقاي.

چىرىدىكى بارلىق ھۆرمەت ساھىبىلىرىگە سالامەتلىك يار بولسۇن!ئىشلىرى خەيرلىك ۋە بەركەتلىك بولسۇن!

ياخشى  ئىش  بوپتۇ .

    مۇشۇنداق پائالىيەتلەرنى ئورۇنلاشتۇرۇش،تەشكىللەش ۋە ماسلاشتۇرۇش ئىشلىرىدا ئەجىر قىلغان رەھبەرلەر، ھارمىغايسىلەر! بۇ يىل ھەقىقەتەن ياخشى يىل بولدى.  چىرىدىكى بارلىق ئەدىپ ۋە ئەدىبەلەرگە مېھرىگۈل ۋە گۇلنىسا ھەممەيلەنگە ئوتلۇق سالام!

دىلشات مەتنىياز،مىھرىگۈل ،ئەخمەتجان بەگتۈرۈك،ئالىمجان قاتارلىق ئۇستازلارنىڭ ئۆگىنىشى مۇۋاپىقىيەتلىك ،كېيىنكى ئىزلىنىشلىرى مول-ھوسۇللۇق بولغاي!ناھىيىمىزنىڭ ئەدەبىيات -سەنئەت ئىشلىرى تېخىمۇ روناق تاپقاي!!!