مۇھەممەتجان جېلىل [ئۇلانما كۆچۈرۈش]

مۇھەممەتجان جېلىل  لوپنۇر ـــ5 196- يىلى 9 - ئاينىڭ 9- كۈنى لوپنۇر ناھىيە گۈلباغ يېزا گۈلباغ كەنتىدە دېھقان ئائىلىسىدە دۇنياغاكەلگەن .
باشلانغۇچ ۋە تولۇقسىز ئوتتۇرا مەكتەپنى ئۆز يېزىسىدا، تولۇق  ئوتتۇرا مەكتەپنى لوپنۇر ناھىيلىك 1- ئوتتۇرا مەكتەپتە ئوقۇغان. 1982- يىلى 7-ئايىدىن 1985- يىلى 7- ئايغىچە خوتەن  پىداگوگىكا ئالىي تېخىكۇمىنىڭ ماتېماتىكا فاكۇلتېتىنى ئەلا نەتىجە بىلەن پۈتتۈرۈپ، 1985- يىلى 8- ئايدا، بايىنغۇلىن ئوبلاستلىق مائارىپ ئىدارىسى ئوقۇتۇش تەتقىقات ئىشخانىسىغا تەقسىم  قىلىنغان، 2000- يىلى 12- ئايدا تەشكىلنىڭ ئورۇنلاشتۇرۇشىغا ئاساسەن بايىنغۇلىن پىداگوگىكا مەكتىپىگە يۆتكىلىپ، ھازىرغىچە  بايىنغۇلىن پىداگوگىكا مەكتىپى ئىنتىزام تەكشۈرۈش كومىتېتىنىڭ مۇئاۋىن شۇجىسى بولۇپ ئىشلەپ كەلمەكتە،  ئۇ  ئوتتۇرا تېخنىكۇم ئەدەبىيات ئالىي لېكتور ئۇنۋانىغا ئېگە.
ئۇ  كىچىكىدىن باشلاپ ئاتا- ئانىسىدىن  لوپنۇر خەلق قوشاقلىرى، چۆچەكلىرىنى  ئاڭلاشقا ھېرىسمەن بولغاچقا، 1985- يىلىدىن باشلاپ لوپنۇر خەلق قوشاقلىرى، چۆچەكلىرىنى توپلاپ رەتلەش ئارقىلىق 150 كۇبلىتقا يېقىن لوپنۇر خەلق قوشاقلىرىنى «رەھىمدىل ئۇكا بىلەن رەھىمسىز ئاكىلار»،«مىڭكى باتۇر» غا ئوخشاش خەلق چۆچەكلىرىنى ئېلان قىلدۇرغان. 1987- يىلىدىن باشلاپ قىسقا ھېكايە ۋە پەلسەپىۋىلىك نەسىر ئىجادىيىتى بىلەن شۇغۇللانغان، ھازىرغىچە ئاپتۇنۇم رايونىمىزدىكى ھەرقايسى گېزىت - ژۇرناللاردا 80 پارچىدىن ئارتۇق ھېكايە، 250 پارچىدىن ئارتۇق نەسىر، 100 پارچىدىن ئارتۇق مائارىپ تەتقىقات ماقالىلىرى ئېلان  قېلىنغان، 1998- يىلى 6- ئايدا شىنجاڭ خەلق نەشرىياتى ئۇنىڭ «تۇرمۇشتىكى كومېدىيلەر» ناملىق ھېكايە- نەسىرلەر توپلىمىنى نەشىر قىلغان. 1999- يىلى 7- ئايدا شىنجاڭ ئۇنۋىرسېتىتى نەشرىياتى ئۇنىڭ « ئوقۇتۇش تەتقىقاتىدىن ئۆرنەكلەر» ناملىق ئوقۇتۇش تەتقىقات ماقالىلار توپلىمىنى نەشىر قىلغان. ئۇنىڭدىن باشقا بىر قانچە پايدىلىنىش كىتابلىرى ۋە يەرلىك  دەرسلىكلەرنى باشقىلار بىلەن بىللە تۈزۈپ، شىنجاڭ سەھىيە نەشىرىياتىدا نەشىر قىلدۇرغان.
ئۇنىڭ ئون نەچچە پارچە ئىلمىي ماقالىسى مەملىكەت بويىچە 1- دەرىجىلىك مۇكاپاتقا ئېرىشكەن، بولۇپمۇ «مىللىي مائارىپ سۈپىتىنى ئۆستۈرۈش توغرىسىدىكى بىر قانچە قاراشلىرىم» دېگەن ئىلمىي ماقالىسى مەملىكەت بويىچە مۇنەۋۋەر ئىلمىي ماقالە بولغاندىن سىرت ، خەلقئارا بويىچە مۇنەۋۋەر ئىلمىي ماقالە بولۇپ باھالىنىپ،«دۇنيا مەدەنىيەت مەشھۇر كىشىلەر قامۇسى» نىڭ 4- تومىغا كىرگۈزۈلگەن، بىر قىسىم ھېكايىلىرى خەنزۇچىغا تەرجىمە قىلىنغان.
ئۇ شىنجاڭ  يازغۇچىلار جەمئىيىتىنىڭ، بايىنغۇلىن ئوبلاستلىق يازغۇچىلار جەمئىيىتىنىڭ ئەزاسى.